Xitay, Selkin Tor Békitining Bashqurghuchi Muhemmetjan Abdullaning Péyigha Chüshken
Muxbirimiz Erkin
2009-09-02
2009-09-02
Xitay merkizi radio istansisi uyghur bölümining muxbiri, selkin tor békitining bashqurghuchi muhemmetjan abdulla, 5 - Iyul ürümchi weqesi yüz bérip uzun ötmey iz - Déreksiz yoqap ketken idi. Muhemmetjanni yéqindin tonuydighan dostlirining radiomizgha inkas qilishiche, muhemmetjan qolgha élinghan bolushi mumkin.
Radiomiz oqurmenliridin biri teminligen.
Bu süret, xitay merkizi radio istansisi uyghur bölümining muxbiri, selkin tor békitining bashqurghuchi muhemmetjan abdullaning yéqinqi süriti.
Lékin uning hazir qeyerde tutup turuluwatqanliqi melum emes, shundaqla dairiler uning iz- Dériki heqqide héchqandaq uchur bermigen. Muhemmetjanning selkin tor békitidiki bir tordishi radiomizning ziyaritini qobul qilip, u iz - Déreksiz yoqap kétishtin burun yüz bergen ishlar heqqide toxtaldi.
Xitay hökümiti 5 - Iyul ürümchi weqesidin kéyin élip barghan keng kölemlik basturush heriketliride tigh uchini uyghur tor betlirige qaritip, tor bashqurghuchilar we tor qollanghuchilarni qolgha alghan we tutqun qilghan.
Muhemmetjan abdulla shu qatarda iz - Déreksiz yoqalghan tor bashqurghuchilarning biri idi. Dostliri bilen axirqi qétim 7 - Ayning 16 - Küni alaqe qilghan muhemmetjan shuningdin béri iz - Déreksiz.
Muhemmetjanning selkindiki bir tordéshi, muhemmetjan iz - Déreksiz yoqap kétishtin burun xitay bixeterlik dairiliri uning piyigha chüshkenlikini bildürdi.
Möhterrem oqurmenler, bu programmimizda selkin torining bashqurghuchisi, xitay merkizi radio istansisining muxbiri muhemmetjan abdullaning selkin tor békitidiki bir tordéshi bilen muhemmetjan abdulla heqqide élip barghan söhbitimizni silerge sunduq.
Yuqiridiki awaz ulinishidin, bu söhbitimizning tepsilatini anglaysiler.
