Tengri alemlerni yaratqanda, biz uyghurlarni NURDIN apiride qilghan, Turan ziminlirigha hökümdarliq qilishqa buyrighan.Yer yüzidiki eng güzel we eng bay zimin bilen bizni tartuqlap, millitimizni hoquq we mal-dunyada riziqlandurghan.Hökümdarlirimiz uning iradisidin yüz örigechke sheherlirimiz qum astigha, seltenitimiz tarixqa kömülüp ketti.Uning yene bir pilani bar.U bizni paklawatidu,Uyghurlar yoqalmastur!

Thursday, July 12, 2012

Sherqitürkistan Kultur Merkizi Paaliyet Ötküzüp Sherqitürkistan Xeliq Inqilawining Üch Yilliqini Xatirlidi


July 1, 2012 Leave a comment


Sherqitürkistan Kultur Merkizi Paaliyet Ötküzüp Sherqitürkistan Xeliq Inqilawining Üch Yilliqini Xatirlidi.Buningdin üch yil awal yeni 2009-yili 6- we 7- aylarda Xelqimiz, Xitayning Shiawguen Sheheride we eziz wetinimiz Sherqitürkistanning bashbaliqi Ürümchi, Qeshqer, Qaramay, Aqsu we Ghulja qatarliq sheherlerde milliy zulumgha qarshi arqa-arqidin bir-qatar paaliyetlerni qanat yaydurup, Xitay tajawuzchillirining mustemlikichilik siyasiti keltürüp chiqarghan érqiy we kultural qirghinchiliqigha bolghan keng-kölemlik naraziliqini ipadilidi.


Shu yili 6-ayning 26-küni Xitayda yüz bergen birqanche mingdin artuq arqa körünishi namelum bolghan Xitay puqraliri 800ge yéqin Sherqitürkistandin mejburiy köchürüp kétigen ishchini palta we pichaqlar bilen chanap, tömür kaltek we tash toqmaqlar bilen urup peyda qilghan qanliq weqe pütün dunya miqyasida qattiq ghulghula peyda qilish bilen birge, wetinimiz Sherqitürkistanda jiddiy qarshiliq körsütish herketlirining jush urup rawajlinishigha sewep boldi.


Sherqitürkistan xelqi bar imkaniyetliridin paydilinip, yüksek milliy roh we ulughwar ghaye bilen weqege inkas qayturushti we 5-iyuldiki keng kölemlik namayishni teshkillidi. Bu namayishqa Sherqitürkistanning barliq wilayet we sheherliridin bolup 20 mingdin artuq kishi qatniship, millitimizning yürek sadasini, qulluqqa bash egmeydighan milliy rohini, hürlük we azatliqqa bolghan teshnaliqini dunyagha jakarlidi.


Shu qétimqi weqe sewebi bilen Sherqitürkistan meselisining xitayning ichki ishi bolmastin, bir milletning azatliq we musteqilliq üchün élip bériliwatqan heqqaniy dawasi ikenliki pütün insaniyet ishtirak qilghan qizziq timigha aylandi.Shuning bilen birge yer sharida Sherqitürkistan we Uyghurni bilmeydighanlarmu nahayiti az qaldi.Bu menidin alghanda shu qétimqi herket munasiwiti bilen 10 minglighan munewer qiz-yigitlirimiz wehshiylerche jazalinip, tölengen bedeller nahayiti éghir bolup ketken bolsimu, aqqan qanlar zaya ketmidi, bu hadise milliy dawayimizning xeliqaralishish tereqqiyatini tarixtiki herqandaq chaghdikige qarighande mislisiz yüksek dolqungha kötürdi.


Bille yashashqa mejburlanghan Sherqitürkistan xelqi bilen Xitaylarning ottursidiki niqap échilip, heqiqi qiyapet otturgha chiqti.Xitayning Sherqitürkistanda mewjut bolup turushi, Millitimizning bir kün bolsimu baldur yoq bolishigha sewep bolidighanliqini, ikki milletning ottursidiki munasiwetning ot bilen su otturisidiki munasiwet ikenlikini her ikki terep chüshünüp yétishti.


Sherqitürkistan Kultur Merkizi üch yil awal wetinimizde yüz bergen yoqarqi birqatar weqelerni xatirlesh, Xitay tajawuzchillirining uningdin kéyin Sherqitürkistanda yürgüziwatqan érqiy we kultural qirghinchiliqini pash qilish, hür dunya insanlirining Sherqitürkistan milliy dawasigha bolghan hésidashliqini qolgha keltürüsh üchün mushu ayning 30-küni Gérmaniyede paaliyet ötküzdi. Paaliyet shu küni Gérmaniye waqti 12:00 de bashlinip kech saet 23:00 kiche dawamlashti.


Paaliytke Sherqitürkistan Birliki Teshkilatining birqisim muhim ezaliri aktip qatnashqandin bashqa, Gérman dostlarmu her-türlük ishlirimizgha yéqindin yardemleshti.Paaliyette millitimizning tarixi, edebiyati, siyasiy teqdiri, örpi-adet, qaide yosunliri we milly dawasigha ayit boyumlar körgezme qilindi.(K.Atahan)


Sherqitürkistan Kultur Merkizi



01.07.2012 Gérmaniye-Frankfurt



Sherqitürkistan Kultur Merkizi Gérmaniyede Kulturlar Ara Diyalog Paaliyitige Qatnashti


June 17, 2012 Leave a comment

Mushu ayning 16-küni bashqa döletlerdin kélip Gémaniyede olturaqliship qalghan 20din artuq ammiwiy teshkilat Frankfurt etrapida yighilip kulturlar ara diyalug paaliyiti élip bardi.


Bu paaliyet Frankfurtta her yili ötküziliwatqan kultural paaliyetlerning biri bolup, bu Gérmanlar bilen chetelliklerning, chetellikler bilen chet elliklerning ottursidiki chüshünish we hemkarlishishini ilgiri sürüsh, öz-ara ügünish we chetelliklerdeYawropaning bügünki ijtimayi tereqqiyatigha maslishish qabiliyitini yitishtürüsh qatarliqlarni meqset qilghan bir paaliyet boldi.


Paaliyette her qaysi teshkilatlar özliri tewe bolghan milletlerning edebiyat-senet, til-yéziq, örpi-adet we yimek ichmek we tenterbiye alahidiliklirini tonushturdi.

Sherqitürkistan Kultur merkizi bu paaliyetke yillardin béri ishtrak qilip kéliwatqan bolup, bu yilmu özgiche teyarliq bilen qatnashti. Paaliyette Xitay mustemlikisi astida millitimizning béshigha kéliwatqan éghir künler anglitilghandin bashqa, edebiyat-senitimiz, tariximiz, bügünki siyasiy teqdirimiz, kéyim-kécheklirimiz, chalghu eswaplirimiz, yimek-ichmeklirimiz, we érqiy alahidiliklirimiz alahiyede tonushturuldi.
Palliyetke Gérmanlar we Yaponlarning amiwiy teshkilatimu qatnashti we bashtin axir dostane we qérindashliq hésiyati bilen bizge hemkarlashti.Ular teshkilatimiz teripidin hazirlanghan Bérishur we teshwiqat waraqchillirini tarqitiship berdi.

Bu paaliyetke teshkilatimiz ezaliri Gérmaniye waqti 14:00 din bashlap 20:00giche qatnashti.



Sherqitürkistan Kultur Merkizi



17.06.2012



Uyghuristan

Freedom and Independence For Uyghuristan!

FREE UYGHURISTAN!

FREE UYGHURISTAN!
SYMBOL OF UYGHUR PEOPLE