Xelqara Ural - Altay Qelemkeshliri Yighini Muweppeqiyetlik Axirlashti
Muxbirimiz Arislan

2009-08-31
Ural - Altay tillirida sözlishidighan qelemkeshlerning yighini 8 ‏ - Ayning 25 ‏ - Küni türkiyining istanbul shehiride bashlinip 29 ‏ - Awghust küni istanbul shehiridiki osman abidisi méhmanxanisining yighin zalida muweppeqiyetlik axirlashti.

RFA Photo / Arslan

Türkiyining istanbul shehiride chaqirilghan "oral ‏- Altay tilliri qelemkeshler birliki" namliq yighin 3 ‏- Künige qedem qoyghan bolup, süret, yighin zalidin bir körünüsh.

Yighinda asasliqi, kishilik hoquq, qelemkeshlerning démokratik heq ‏ - Hoquqliri, ottura asiyadiki oqush, yéziqchiliq erkinliki shundaqla pikir erkinliki, yéziqchiliq prinsipliri we qelemkeshlerning mesuliyiti toghrisida muzakire élip bérilghan hemde 2010 ‏ - Yili nurmuhemmed yasin yili qilip békitilgen. Uning "yawa kepter" namliq esirini xelqara qelemkeshler jemiyitige eza 156 dölettiki milletlerning tillirigha terjime qilip tarqitish we xelqara qelemkeshler jemiyitining yétekchilikide nurmuhemmed yasinni türmidin azat qilish üchün tirishchanliq körsitish heqqide qarar maqullanghan.

Yighinning kün tertipi boyiche, 8 ‏ - Ayning 28 ‏ - Küni istanbulning tarixi orunliri shundaqla chetellik ziyaretchilerning alahide qiziqip ziyaret qilidighan, sultan exmet meschiti, ayasofiya muzéyi, topkapi sariyi qatarliq tarixi orunlar ziyaret qilindi. Qelemkesh ziyaretchilerge türkiye qelemkeshler merkizining bashliqi tariq ependi yétekchilik qilip, tarixiy orun we muzéylar heqqide qelemkeshlerge melumat berdi.

Biz yighin dawam qiliwatqan künlerde yighingha biwaste yétekchilik qiliwatqan we yighingha qatnishiwatqan uyghurlar bilen bu yighin heqqide söhbet élip bérildi.

Yighin axirlashqanda, yighingha közetchi süpitide qatnashqan amérika démokratiye fondi jemiyitining sherqiy asiya ishliri dériktori loiysa xanim ziyaritimizni qobul qildi we bu qétimqi yighin heqqidiki pikir köz ‏ - Qarashlirini bayan qilip mundaq dédi: "men bu bir heptidin béri "xelqaraliq uyghur qelemkeshler kulubi" ning birinchi qétimliq qurultiyini közitish üchün istanbulda turuwatimen. Gerche, bu kulub san jehettin nahayiti az ezalardin terkib tapqan bolsimu, emma ular ezeldin yüz - Turane uchrishish imkaniyitige érishelmigen. "Qelemkeshler jemiyiti" ning tüzümlirige asasen kelgüsi ikki yil üchün pilan tüzüsh, démokratik bir shekilde rehberlik qatlimini saylap chiqish üchün kespiy ezaliq uchrishishi emelge ashuruldi we bügün bu xizmetler tamamlandi. Men bu, nahayiti yash we kichik teshkilatni démokratik tüzümlerge riaye qilghanliqi we özini pütün uyghurlar üchün söz erkinlikining awazi süpitide qurup chiqqanliqi üchün tebrikleymen. Oxshash waqitta yene bu yéngi, yash we qurulghinigha 3 yilmu bolmighan, uyghur qelemkeshler jemiyiti alliqachan "ural - Altay tilliri hemkarliq qurulushi" dep atalghan bir xelqaraliq yighingha sahibxanliq qilishqa bashlidi hemde bishkek qelemkeshler jemiyiti, türkiye qelemkeshler jemiyiti we xelqaraliq qelemkeshler ishxanisi bilen yéqindin hemkarliq ornatmaqta."

Yighin ishtirakchiliridin bir qanche uyghur qelemkeshler yighinning axirlashqanliqi munasiwiti bilen ziyaritimizni qobul qilip bu qétimqi yighinning asasiy mezmuni, ehmiyiti, yighinda maqullanghan qararlar heqqide sözlep berdi.

Yuqiridiki awaz ulinishidin, bu söhbitimizning tepsilatini anglaysiler.

Menbe: http://www.rfa.org/uyghur/xewerler/tepsili_xewer/qelemkeshler-yighini-axirlashti-08312009180737.html/story_main?encoding=latin