5 - Iyul Weqesi Heqqide Bir Shahitning Bayanliri (3)
Muxbirimiz Ekrem
2009-09-22
Bizge 5 - Iyul weqesi heqqide melumat bergen xanim, xitay hökümitining weqedin kéyin tutqun qilinghanlardin bezilirini bashqa uyghurlargha ibret qilish üchün atalmish "neq meydan" gha ekilip, öz jinayitini iqrar qilduruwatqanliqini sözlep berdi.
Süret, 7 - Iyul küni, ürümchi kochilirining biride, bir uyghur qizining, erapidiki xitaylardin eymenmestin, chetel muxbirlirigha özining körgenlirini, bolupmu xitay lükcheklirining körgela oyghurlarni uruwatqanliqi we öltürüwatqanliqini, özining bir uyghurning öltürülgenlikini öz közi bilen körgenlikini we bashqilardinmu anglighanliqini sözlep bériwatqan körünüsh.
Bu xanimning déyishiche, bir küni, 40 yashlardiki bir uyghur tutqun döngköwrükke élip kélingende, uning etraptiki uyghur jamaitige qarap "qérindashlar, méning héch gunahim yoq, lékin bular méni beribir öltüriwétidu, türmide nurghun qérindashlirimizni bikardinla urup, qiynap öltürüwetti. Bizge dua qilip qoyunglar!" déginini öz közi bilen körgen we anglighanliqini tilgha aldi. Uning éytishiche, bundaq sazayi qiliniwatqan uyghurlar arisida nariside balilarmu bar iken.
Wetendin bir hepte ilgiri qaytip kelgen bu xanim, xitay puqralirining hazirmu uyghurlarni öltürüshni dawam qiliwatqanliqini éyitti.
5 - Iyul weqesining bu shahiti, weqe yüz bergen küni xitay saqchi we eskerlirining oq tégip ölmey qalghan yaridarlarning kallisini toqmaqlar bilen ézip öltürüwetkenlikini anglighan.
Bu xanim, bezi hökümet xadimliridin turmidiki yaridarlarning bedenlirining sésip ketkenlikini, héchqandaq dawalash tedbiri qollanmighanliqini we xitayning tutqunlarni ach, susiz qoyup qiynawatqanliqini anglighan.
Bu uyghur xanim yene, weqedin kéyin kochida yürgen uyghurlarning hemmisiningla tekshürüsh obiyéktige aylinip qalghanliqini, sella naraziliq keypiyatida bolghanlarni xitay saqchi - Eskerlirining wehshilerche urup - Yiqitip, türmige élip kétidighanliqini éytip berdi.
Xitayning tutqun qilish heriketlirining yenila dawam qiliwatqanliqini eskertken bu xanim, bezi uyghur hökümet xadimliridin "10 mingdin artuq ademning iz - Dériki yoq" dégen xewerge érishken.
Uning éytishiche, xitaylar weqe yüz bergendin kéyinla , sheher ichi téléfunlirini qattiq nazaret qilghan bolup, yene nurghun uyghurlarni 5 - Iyul weqesi toghriliq téléfunda qilishqan gepliri tüpeyli qolgha alghan.
Menbe: http://www.rfa.org/uyghur/xewerler/tepsili_xewer/bir-qizning-anglighanliri-09172009195234.html/bir-qizning-anglighanliri3-09172009195234.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.
