Muxbirimiz Shohret Hoshur
2009-09-21
5 - Iyul gumandarliridin shöhret tursun 6 - Iyul küni ürümchining at beyge mehellisidiki kiraliq öyidin tutup kétilgen idi. Aridin 73 kün ötkende, yeni 19 - Séntebir küni uning jesiti ailisige tapshurulghan.
Youtube.com Din élindi.
Süret, 7 - Iyul küni élinghan bu chetel muxbirlirining xewiride, 6 - Iyul küni kech yoldishi tutulup ketken bir yash uyghur ayal, minglighan bashqa ana, hede-Singil we ayallar bilen bir septe, narside balisi qolida, muxbirlargha yighlap turup dert töküwatqan körünüsh.
Shöhret tursunning ailisi we mehelle jamaiti weqe bir terep qilinmighiche jesetni yerlikide qoymasliqqa tirishqan bolsimu, lékin xitay dairiliri jesetni mejburi halda yerlikke qoydurghan.
Bügün, 21 - Séntebir, igilishimizche, hazidar ailining qorusi we shöhret tursun depne qilinghan zaratgahliqmu saqchilarning nazariti astida bolmaqta.
Yuqiridiki awaz ulinishidin, shöhret tursunning ayali gülmirening peryadlirigha qulaq salghaysiler.
