Rabiye Xanim We DUQ Wekillirining Yawrupa Parlaméntidiki Paaliyiti Dawamlashmaqta
Muxbirimiz Eqide
2009-09-03
Uyghur milliy herikitining rehbiri rabiye qadir xanim bashchiliqidiki dunya uyghur qurultiyining wekilliri, peyshenbe küni bélgiyining paytexti béryuséldiki yawrupa komitétining mesulliri bilen uchriship, yawrupa ittipaqi bilen yawrupa komitétini uyghur mesilisige ortaq yosunda köngül bölüshke chaqirghan.
RFA Photo / Ekrem
Sürette, rabiye xanim we d u q rehberliri yawrupa parlaméntining muwain resi libor roujek bilen birge.
Shuning bilen birge yene, xitay hökümitining 5 - Iyul ürümchide élip barghan qoralliq qirghinchiliqigha qarita qattiq pozitsiyide bolush, buninggha hergizmu sükütte turmasliq teleplirini otturigha qoyghan.
Yawrupa komitétidiki mesul xadimlar, rabiye qadir xanim otturigha qoyghan teleplerge alahide köngül bölüp, u tekitligen mesililerni yawrupa ittipaqigha eza 27 dölet wekilliri bilen öz - Ara muzakirliship, bu heqte ortaq bir pikir birliki hasil qilidighanliqi heqqide wede bergen.
Uyghur milliy herikitining rehbiri rabiye qadir xanim, yéshillar partiyesining yawrupa parlaméntida turushluq guruppining reisi we engiliyening yawrupa parlaméntida turushluq parlamént ezasi bilen we yene xeliqara kechürüm teshkilati, xelqara kishilik hoquqni közitish teshkilati, xelqara chégrisiz muxbirlar teshkilatliri qatarliq teshkilatlarning mesulliri bilen söhbette bolup, ularningmu uyghur xelqi duch kelgen zulumlarni yaxshi tekshürüshini, xitay hökümitining uyghurlar üstidin yürgüzüwatqan basturmichiliq siyasiti toghrisida mexsus doklat teyyarlishini telep qilghan.
Sürette, rabiye xanim yawrupa birlikining reisi manuel baroso ependim bilen birge.
Uyghur milliy herikiitining rehbiri rabiye qadir xanim, üch kündin buyan yawrupa parlaméntida élip barghan paaliyetliridin cheksiz memnun ikenlikini, xitay hökümiti we atalmish shinjang hökümitining ürümchide élip barghan qoralliq qirghinchiliqining jinayi jawabkarliqigha choqum tartildighanliqini bildürdi.
Dunya uyghur qurultiyining muawin reisi ömer qanat, xelqara metbuatlarning rabiye qadir xanimni alahide ziyaret qilghanliqini hemde dunya uyghur qurultiyi wekillirining jüme küni, yawrupa parlaméntidiki her qaysi dölet ezalirining uyghurlar mesilisi heqqide bir qarar maqullishi üchün paaliyet élip baridighanliqini bildürdi.
Rabiye qadir xanimning, yawrupa parlaméntidiki paaliyiti dawamlishiwatqan bu peytlerde, xitay dairiliri rabiye qadir xanimning dialog telipini ret qilip, rabiye xanimning xitay hökümiti bilen söhbet élip bérish salahiyitige ige emes ikenlikini éytqan. Xitay tashqi ishlar ministirliqimu 5 - Iyul ürümchi weqesining xitayning ichki ishi ikenlikini tekitlep, "buninggha héchqandaq dölet we teshkilatning arilishish hoquqi yoq" dédi.
Dunya uyghur qurultyining bash katipi dolqun eysa ependi, xitay dairilirining bu pozitsiyini qattiq eyiblep, uyghurlarning wekilini, kimning salahiyetlik ikenlikini, xitay hökümranliri emes, belki uyghur xelqi özi belgileydighanliqini bildürdi.
Yuqiridiki awaz ulinishidin, bu heqtiki melumatimizning tepsilatini anglaysiler.
Muxbirimiz Eqide
2009-09-03
Uyghur milliy herikitining rehbiri rabiye qadir xanim bashchiliqidiki dunya uyghur qurultiyining wekilliri, peyshenbe küni bélgiyining paytexti béryuséldiki yawrupa komitétining mesulliri bilen uchriship, yawrupa ittipaqi bilen yawrupa komitétini uyghur mesilisige ortaq yosunda köngül bölüshke chaqirghan.
RFA Photo / Ekrem
Sürette, rabiye xanim we d u q rehberliri yawrupa parlaméntining muwain resi libor roujek bilen birge.
Shuning bilen birge yene, xitay hökümitining 5 - Iyul ürümchide élip barghan qoralliq qirghinchiliqigha qarita qattiq pozitsiyide bolush, buninggha hergizmu sükütte turmasliq teleplirini otturigha qoyghan.
Yawrupa komitétidiki mesul xadimlar, rabiye qadir xanim otturigha qoyghan teleplerge alahide köngül bölüp, u tekitligen mesililerni yawrupa ittipaqigha eza 27 dölet wekilliri bilen öz - Ara muzakirliship, bu heqte ortaq bir pikir birliki hasil qilidighanliqi heqqide wede bergen.
Uyghur milliy herikitining rehbiri rabiye qadir xanim, yéshillar partiyesining yawrupa parlaméntida turushluq guruppining reisi we engiliyening yawrupa parlaméntida turushluq parlamént ezasi bilen we yene xeliqara kechürüm teshkilati, xelqara kishilik hoquqni közitish teshkilati, xelqara chégrisiz muxbirlar teshkilatliri qatarliq teshkilatlarning mesulliri bilen söhbette bolup, ularningmu uyghur xelqi duch kelgen zulumlarni yaxshi tekshürüshini, xitay hökümitining uyghurlar üstidin yürgüzüwatqan basturmichiliq siyasiti toghrisida mexsus doklat teyyarlishini telep qilghan.
Sürette, rabiye xanim yawrupa birlikining reisi manuel baroso ependim bilen birge.
Uyghur milliy herikiitining rehbiri rabiye qadir xanim, üch kündin buyan yawrupa parlaméntida élip barghan paaliyetliridin cheksiz memnun ikenlikini, xitay hökümiti we atalmish shinjang hökümitining ürümchide élip barghan qoralliq qirghinchiliqining jinayi jawabkarliqigha choqum tartildighanliqini bildürdi.
Dunya uyghur qurultiyining muawin reisi ömer qanat, xelqara metbuatlarning rabiye qadir xanimni alahide ziyaret qilghanliqini hemde dunya uyghur qurultiyi wekillirining jüme küni, yawrupa parlaméntidiki her qaysi dölet ezalirining uyghurlar mesilisi heqqide bir qarar maqullishi üchün paaliyet élip baridighanliqini bildürdi.
Rabiye qadir xanimning, yawrupa parlaméntidiki paaliyiti dawamlishiwatqan bu peytlerde, xitay dairiliri rabiye qadir xanimning dialog telipini ret qilip, rabiye xanimning xitay hökümiti bilen söhbet élip bérish salahiyitige ige emes ikenlikini éytqan. Xitay tashqi ishlar ministirliqimu 5 - Iyul ürümchi weqesining xitayning ichki ishi ikenlikini tekitlep, "buninggha héchqandaq dölet we teshkilatning arilishish hoquqi yoq" dédi.
Dunya uyghur qurultyining bash katipi dolqun eysa ependi, xitay dairilirining bu pozitsiyini qattiq eyiblep, uyghurlarning wekilini, kimning salahiyetlik ikenlikini, xitay hökümranliri emes, belki uyghur xelqi özi belgileydighanliqini bildürdi.
Yuqiridiki awaz ulinishidin, bu heqtiki melumatimizning tepsilatini anglaysiler.
