Ürümchi Weqesidiki Bezi Muhim Deliller Heqqide Bayanlar
Muxbirimiz Irade
2009-09-08

Ürümchi weqesi jeryanida tughqan yoqlap ürümchige barghan bir kishi, ürümchidin qaytip kelgendin kéyin özining körgen - Bilgenlirini bayan qilip berdi. U kishi 6 - Chésla küni ürümchige yétip barghan bolup, u ayrodromdin qattiq tekshürüshlerdin ötkendin kéyinla öyige baralighan.

7 ‏- Iyul, seyshenbe küni, bir qanche ming etrapidiki xitay, qollirida kaltek - Chomaq we gürjek kötürgen halda, ürümchining kochilirida körgenla uyghurni urup öltürgen we yaridar qilghan, shundaqla, ürümchidiki bir nechche meschitni weyran qilghan. Sürette, namelum bir xitay qolida, tikenlik tigh we süretke élish kamirasi bilen.

Uning bayan qilp bérishiche, 6 - Chésla küni aptonom rayonluq hökümet her qaysi idare - Organlargha buzghunchiliq qiliwatqan unsurlargha taqabil turush üchün tedbir élish toghrisida buyruq chüshürgen bolup, her qaysi idare - Organlar tayaq - Toqmaqlarni sétiwélip hoylilirigha qoyup qoyghan.

Ürümchi weqesi bolghandin kéyin baliliri we yoldishining iz - Dérikini qilip namayish qilghan ayallar pütün dunya metbuatlirida keng yer alghan idi.

Tanka aldida hasisi bilen yalghuz turghan tursungül isimlik ayalning resimi bu qétimliq ürümchi weqesining simwoli bolup qalghan idi. Bu kishining ishenchilik yerdin alghan melumatidin bizge bayan qilip bérishiche, weqe meydanidiki chetellik muxbirlarning ayrilishi bilen xitay dairiliri namayishqa chiqqan barliq uyghur ayallirini qolgha alghan.

Bu kishining bayan qilip bérishiche yene, weqedin kéyin sanjigha yéqin bir yerde yéngi bir türme qurulghan bolup, bu türmige ürümchi weqeside qolgha élinghan 200 dek uyghur yötkep bérilghan. Bularning eng kichiki téxi emdila 12 yashqa kirgen. Mana bu türmide wezipe ötewatqan bir uyghur saqchining anglighuchimizgha bayan qilip bergenliri kishini tolimu échinduridu.

Bu kishi bizge yene, namayishning deslepki bashlanghan jeryani heqqidimu özining anglighanlirini bayan qilip berdi.

Yuqiridiki awaz ulinishidin, bu heqtiki melumatimizning tepsilatini anglaysiler.

Menbe: http://www.rfa.org/uyghur/xewerler/tepsili_xewer/urumqi-toqunushida-korgenler-09082009204253.html/story_main?encoding=latin