Yawrupa Parlaménti Uyghur We Tibetler Heqqide Qarar Maqullidi

Muxbirimiz Eqide
2009-11-27

26‏ - Noyabir küni fransiyining strasburg shehiride yawrupa parlaméntining omumiy yighini chaqirilip, yawrupa parlaméntidiki xristiyan démokratlar, konsérwatiplar, yéshillar, sotsiyal démokratlar we libérallar ittipaqining her qaysi siyasiy partiye ‏-Guruppiliri otturisida bir qanche heptidin buyan élip bérilghan talash - Tartish, muzakirilerge asasen uyghur we tibetler heqqide mexsus 12 maddiliq qarar layihisi qobul qilindi.

Yawrupa parlaméntida muhim orungha ige bolghan küp sandiki parlamént ezaliridin teshkil tapqan mezkur 5 partiyining guruppa yighinida qarar layihisi muzakire qilinip, maddilar boyiche ayrim - Ayrim qarar chiqirilip, awazgha qoyush arqiliq mutleq köp sandiki parlamént ezalirining birdek qoshulushi bilen békitilgen qararda, buningdin kéyin yawrupa ittipaqigha eza döletlerning xitay bilen élip baridighan iqtisadi, siyasi we diplomatik munasiwetlerge dair söhbetliride xitayning uyghurlar we tibetlerge qarita élip bériwatqan basturush siyasitini toxtitishni telep qilishi qarar qilinghan.

12 Maddiliq bu qararda aldi bilen, bu yil ürümchide yüz bergen 5" ‏- Iyul weqesi" shuningdek 2008 ‏- Yili lxasada yüz bergen 14" ‏- Mart weqesi" sewebidin ölüm jazasi bérilgen bir qisim uyghur we tibetlerge qarita ijra qilinghan ölüm jazasi tenqid qilinish bilen birge, xitay hökümitidin, ölüm jazasi ijra qilishni derhal axirlashturush, xelqara ölchemlerge boysunghan asasta adil sot hökümi chiqirish, gunahsiz tutqun qilinghan mehbuslarni qoyup bérish, uyghur we tibetlerning iqtisadiy, medeniyet we diniy heq ‏- Hoquqlirigha hörmet qilish hemde uyghurlar üstidin élip bériliwatqan 100 künlük qattiq zerbe bérish niqabidiki heriketlirini derhal toxtitishni telep qilish qatarliq muhim mezmunlar otturigha qoyulghan.

Dunya uyghur qurultiyining bash katipi dolqun eysa ependi, bu qétim yawrupa parlaménti teripidin chiqirilghan qarar layihisidin söyüngenlikini shundaqla bu qararning chiqirilishida dunya uyghur qurultiyi teshkilatining zor xizmetlerni ishligenlikini bildürdi.

Yawrupa parlaméntining uyghurlar we tibetler heqqide chiqarghan 12 maddiliq qarari dunya uyghur qurultiyining qarshi élishigha érishkendin sirt, her qaysi kishilik hoquq teshkilatliriningmu himayisige sazawer boldi.

http://www.rfa.org/uyghur/xewerler/tepsili_xewer/yawropa-parlamenti-heyt-sowgha-11272009191036.html/story_main?encoding=latin

Yuqiridiki awaz ulinishidin, bu heqtiki melumatimizning tepsilatini anglaysiler.