Gérmaniyediki Yashlar Birlikte Qurban Héytni Tebriklidi
Her türlük sewepler tüpeylidin chetellerge chiqip yashawatqan Uyghurlar, bolupmu 80- yillarning axiridin bashlap Gérmaniyege kelip muhajirette yashawatqan Uyghurlarning perzentlirining aldi nöwette birqisim aliy bilim yurtlirigha qubul qilindi, beziliri her xil ötkür kesip türliri boyiche terbiyilinish qedimini bashlidi.
Yashlar wetenning kelgüsi, millettning ümidi, shundaqla Sherqiytürkistan dawasining kélichektiki izbasarliridur. Yashlirimizni herxil pen-téxnika bilimliri bilen terbiyelepla qalmay yene ularni ozimizning eneniwiy medeniyitimiz we siyasiy dawayimizning qabil izbasarliridin qilip yétishtürüsh nöwette her bir ata- anining bash tartip bolmaydighan qerzi we burchi shundaqla milletning ümidi.
Yawropadiki Uyghurlar türlük sewepler tüpeyli birqeder tarqaq olturaqlashqan bolghachqa , ularning her waqit uchrushup turushi asangha chüshmeydu. Emma Gérmaniyediki Uyghurlar asasen München shehirige merkezlik olturaqlashqan bolsimu yene birqisim uyghurlar Münchendin xéli yiraq hetta 600km etrapida olturaqlashqan. Elbette bu xil ehwalda Yashlirimizni bir arigha jem qilip, türlük paaliyetlerni paal qanat yaydurush heqiqeten asan emes. Hazir weten siritida 2 milyongha yéqin Uyghurlar yashaydu, ularning azghina kam 500,000 bolsa yashlar, yashlarning ijtimayi, kultural, diniy we siyasiy telim-terbiyesini yaxshi ishlesh yaki yaxshi ishlimeslik, kelgüsimizning we nöwettiki milliy dawasimizning istiqballiq bolishi we bolmasliqi bilen intayin zich munasiwetlik bir ulugh xizmet.Gérmaniye cheteldiki milliy dawayimizning ochiqi bolush salayiti bilen her türlük paaliyetlerde dawamliq bashlamchi we awangartliqini qoldin bermeywatqan dölet.Chet-eldiki yash-ösmürler xizmitining yaxshi ishlinishi, muhajirettiki Uyghur jemiyitining kélichigining qarangghu yaki nurluq bolishigha rushen tesir körsütidu.Gérmaniye Uyghurliri uzaq yillardin béri perzentlirimizni menggü bashqilargha tartturup qoymasliq üchün, bu mesilige alahiyde köngül bölüp kelmekte.Kichik balilirimizning közni yumup achqiche yashlar qatarigha qoshulup qalghanliqini, sépimizning chongiyiwatqanliqini közde tutqan Dunya Uyghur Qurultiyi Ayallar Komitéti bilen Yawropa Sherqiytürkistan Birliki Teshkilati birlikte Qurban héytning 1-kuni yeni 27-noyabirda München shehiride, Gérmaniyediki barliq yashlargha we xoshna döletlerdin kelgen bir qisim qiz-yigitlirimizge héytliq uchurshish paliyti otkuzup berdi.………
Bu paliyetke Gérmaniyening herqaysi jayliridin bolup 70 din artuq 13 yashtin yoquri qiz-yigitler kélip qatnashti. Hetta Awistiriyediki bir qisim yashlarmu kelip qatnashti. Paliyet birinchi bolup Sherqiytürkistan dölet marshi bilen bashlandi. Arqidin qiz-yigitlirimiz oz-ara tonoshup chiqti. Undin kéyin 5-Iyul qirghinchilighidiki shehidlirimiz we türmilerde qiyin-qistaqta yétiwatqan hemsherilirimiz eslep ötüldi we ularning weten-milletni söyüsh rohiy tonushturuldi. Undin kéyin milliy kimligimizni chüshendürüsh élip bérildi, paaliyetning bu qismida men kim, nedin keldim, nime qilishimiz kérek, chetellerde kimligimizni qandaq saqlap qalimiz?! Digendek bir qatar mezmunlarda muzakire élip bérildi.
Söhbetlerdin kéyin yashlar özliri teyarlighan her xil senet nomurlirini orundidi. Öz milliti bilen birlikte öz millitining naxsha muzikiliri bilen ötküzgen bu paliyet ballirimizni hayajangha saldi, bolupmu Münchendiki yash sahipxanlarning qizghin,semimi méhmandostlighi bashqa sheherlerdin kelgen méhmanlarni nahayiti hayajanlandurdi. Bu Gérmaniye Uyghurlirining kélichek warislirimiz üchün ishligen xizmetlirining biri bolup, sorun qoli gül anilarning her xil heytliq nazu-nimetliri bilen mol hazirlan´ghanidi, bu mexsus héytliq dastirxan bolupla qalmay bir qétimliq wetenperwerlik we milletperwerlik terbiyesi üchün teyarlanghan alahiyde bir paaliyet boldi. Zal ichi ejdat mirasimiz renglik ipek etlesler bilen bizeldi. Dastirxanlargha Ay-yultuzluq kök bayriqimizning renggide salfétkilar tizilip, kirgen kishige heqiqi bir héytliq keypiyatni béghishlidi. Héytliq dastirxaning yuqirsigha Ay-yultuzliq kök bayriqimiz ihtiram bilen ésildi. Mana bularning hemmisini perzentlirining hörmiti üchün pidakarliq bilen anilar özligidin kélip hazirlap berdi. Bu paliyettin xewer tapqan yiraq sheherlerdiki uyghurlarmu alayiten balilirini élip kélip, bu paaliyetke qizghin awaz qoshti. Bu kündiki yashlarning xoshallighi, hayajini ata-anilarni xoshallandurdi. Bolupmu Münchendiki yashlirimizning zakas qilishi bilen, oghlimiz Zulpiqar teripidin lepildep turghan Ay-yultuzluq kök bayraqning shekli chüshürülüp yasalghan tort sorundikilerni hés-hayajangha saldi. Axirida yashlar paaliyetni axirlashturghusi kelmey bir-birige yaxshi tileklerni tiliship, dawamliq uchurshup turushqa wediliship bir-biridin ayrilishti.
Dunya Uyghur Qurultiyi Teshwiqat Merkizi
2009- yili 11- ayning 28- küni
