2009-yili 3-ayning 29-küni
Shenbe küni, yeni, 3 – ayning 27 – küni kechte Gérmaniyining myunxén shehiridiki 600 kishilik heshemetlik zalda ötküzülgen » Yawropada noruz – 2010 » sen’et kéchiliki, hem chet’ellik dostlarning, hem Uyghur qérindashlarning intayin yuqiri bahasigha érishti.
Oyun axirida, bezi ministir, parlamént ezaliri we Amérika, Ispaniye Qatarliq döletlerning konsulinimu öz ichige alghan chet’ellik dostlar, » bügünki sen’et kéchiliki arqiliq, Sherqiy Türkistan we Uyghurlarning nöwettiki weziyitini, shundaqla tinchliqperwer, sen’et söyer Uyghur xelqining özgiche medeniyitini téximu chongqur chüshinish imkaniyitige ige bolduq, bügünki sen’et nomurlirining hemmisige Uyghur xelqining nöwettiki roh haliti, erkinlik we hörlükke bolghan telpünüshi chongqur singdürülgen, heqiqetenmu intayin hayajan’gha tolghan untulmas bir kéche yashiduq » dep teripleshti.
Yene bezi gérman tamashibinlar, » mushundaq yuqiri medeniyetlik, sen’etxumar, insanperwer we tinchliq söyer bir xelqqe qarita irqiy qirghinchiliq yürgüzüshke Xitay hakimiyitining wijdani qandaqmu chidighandu ? Uyghur xelqi choqum hör we erkin yashash hoquqigha érishishi lazim » dep ipade bildürüshti.
Bügünki sen’et kéchiliki, 5 – iyul Ürümchi qirghinchiliqida hayatidin ayrilghan qehriman oghul – qizlargha béghishlan’ghan » roh ana » isimlik tragédiyilik usul bilen bashlan’ghan bolup, usuldin burun tamashibinlargha ötken yili yüz bergen 5 – iyul Ürümchi qirghinchiliqining omumi jeryani we Uyghurlarning nöwettiki weziyiti heqqide gérmanche izahat bérip ötüldi.
D U Q Teshwiqat Merkizi
http://www.uyghurcongress.org/uy/?uls=ul
