Tengri alemlerni yaratqanda, biz uyghurlarni NURDIN apiride qilghan, Turan ziminlirigha hökümdarliq qilishqa buyrighan.Yer yüzidiki eng güzel we eng bay zimin bilen bizni tartuqlap, millitimizni hoquq we mal-dunyada riziqlandurghan.Hökümdarlirimiz uning iradisidin yüz örigechke sheherlirimiz qum astigha, seltenitimiz tarixqa kömülüp ketti.Uning yene bir pilani bar.U bizni paklawatidu,Uyghurlar yoqalmastur!

Saturday, March 06, 2010

Ustaz Rehmetulla Turkistanining Mertiwisi Östürüldi (2)
Muxbirimiz Ömerjan Toxti
2010-03-04

Ustaz rehmetulla türkistani seudi erebistan padishahliqi teripidin alahide bahalinip, xizmet derijisi islam dunya ittipaqi qurultay we teshkillesh idarisining bash mudirliqigha östürülüp, mertibisi ménistir derijisige yéqin 14 - Mertibige kötirildi.

Bu, ustaz rehmetulla üchünla emes, belki uyghur milliti üchün chong xushalliq hem shereplik utuq hésablinidu. Chünki özining uyghur ikenlikidin pexirlinidighan we millitini jénidin bek süyidighan bir uyghur perzentining bashqilarning nezeride bunchilik zor mertibige sazawer bolushi, eyni waqitta öz millitining shenini kötürgenlik we millitining ésilliki bashqilarni qayil qilghanliqtur.

Sirajidin ezizi bilen söhbet
Wetenperwer ustaz rehmetulla türkistani heqqide köprek melumatqa ége bolush ümidi bilen seudi erebistan radiosi uyghur tilida anglitish bölümining eng pishqedem diktori sirajidin ezizige bir qanche soal bilen murajiet qilghan iduq.

Sirajidin ezizi bizning ustaz rehmetullaning qilghan ulughwar xizmetliri we emgekliridin alahide közge körüngen obrazliq ishliri qaysi dégen soalimizgha jawab bérip mundaq dédi: "ustaz rehmetullaning uyghurlar üchün we sherqiy türkistan dewasi üchün qilghan ishliri nahayiti köp. Siyasi mesilidin éytsaq, ustaz rehmetulla uyghurlarning milli qurultiyining barliqqa kélishige asas salghanlarning biri. Mundin bashqa uyghurlar we ularning weten dewasi heqqide nurghun qimmetlik eserlerni yazdi. Biz bilidighanliri "xitaylarning sherqiy türkistangha köch qilishi", "untulghan türkistan" qatarliq kitablar we bashqa nurghun ilmiy maqalilerni yéziwatidu. Ustaz rehmetulla yene uyghurlarghila emes, belki pütün türk tarixigha, medeniyitige we örp-Aditige munasiwetlik kitab we matériyallarni dunyaning qeyeride bolsa tépip toplawatidu. Kitab toplashta bu kishini dunya boyiche birinchi kishi dep oylaymen."

Ustaz rehmetullaning oqughuchilar üchün qilghan xizmetliri
Sirajiddin ezizi ustaz rehmetullaning oqughuchilar üchün qilghan ulughwar xizmetliri heqqide toxtilip mundaq dédi: "ustaz rehmetullaning oqughuchilar üchün qilghan xizmetliri bek köp, ötken 25 yildin biri meyli islam döletliride bolsun, meyli yawropada bolsun, ustaz rehmetullaning maddi yardimi tegmigen birmu uyghur oqughuchi yoq bolsa kérek dep qaraymen. Ustaz rehmetulla özining tirishchanliqi we yénidiki hemsheherlerning hemqam bolup küch chiqirishi bilen "sherqiy türkistan oqughuchilar fondi"ni qurup chiqqan idi. Shu fondining yardimi bilen hazirghiche oqup yétilgen oqughuchilarning sani intayin köp. Ulardin köpliri wetenge qaytqan bolsimu, yene bir qisimliri chetellerde xizmet qiliwatidu. Mundin bashqa ustaz rehmetullaning tonushturushi bilen seudi erebistan, yemen qatarliq bir qanche islam döletliridiki bilim yurtlirigha oqushqa kirgen oqughuchilar xéli köp. Mekkidiki "darulhedis" bilimgahida oquwatqanlarmu ustaz rehmetullaning tonushturushi bilen oqushqa kirgen."

Ustaz rehmetulla uyghur oqughuchilardin ümidwar
Sirajiddin ezizi yene mundaq dédi: "ustaz rehmetulla oqughuchilardin yüzde ‏- Yüz memnun bolmighan bolsimu, yenila ulardin ümidini üzmigen. Ustaz rehmetullaning yardimi bilen oqup meyli wetende bolsun, meyli chetellerde xéli közge körüngenlermu az emes. Mesilen: biz ishlewatqan seudi erebistan radiosi terkibidiki türkistan bölümide ishlewatqanlarning mutleq köp sanliqi bu kishining yardimi bilen oqup yétishkenlerdur. Mundin bashqa, türkiyide xizmet qiliwatqan wetenperwer ezimetlerdin erkin emet we erkin ekrem qatarliq dokturlarmu ustaz rehmetullaning yardimi bilen oqughanlar qataridin sanilidu."

http://www.rfa.org/uyghur/xewerler/tepsili_xewer/ustaz-turkustani2-03042010195817.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.

Uyghuristan

Freedom and Independence For Uyghuristan!

FREE UYGHURISTAN!

FREE UYGHURISTAN!
SYMBOL OF UYGHUR PEOPLE

Blog Archive