Shiwétsiyide Xitayning Muawin Reisi Shi Jinpinggha Qarshi Namayish Élip Bérildi

Muxbirimiz Yalqun
2010-03-30

Xitay dölitining muawin reisi shi jinping rehberlikidiki bir ömek - 28 Chésiladin bashlap 4 künlük shwétsiye ziyaritini bashlighan idi. Bu munasiwet bilen shiwétsiyide yashawatqan uyghurlar bügün yeni - 30 Chésla shwétsiye parlaméntning aldigha yighilip xitaygha qarshi naraziliqini ipadilesh bilen birge shwétsiye hökümitidin xitay bilen bolghan soda söhbitide uyghurlarning insan heqliri mesilisinimu otturigha qoyushini telep qilip namayish élip bardi.

Namayishni shiwétsiyide paaliyet élip bériwatqan uyghur maarip uyushmisi teshkilligen bolup, uyushmining reisi abdulla namayish heqqide uchur tepsili uchur berdi.

Namayishqa, uyghurlargha yardem bérish üchün ezerbeyjan dunya qurultiyining wekillirimu ishtirak qilip shwétsiye hökümitini uyghur mesilide xitaygha bésim ishlitishke, sodini dep exlaqi mejburiyitini untup qalmasliqqa chaqirdi.

Shwétsiye axbaratliridin melum bolushiche, shi jinping shwétsiye bash weziri frédirik rayinfélt bilen uchrashqan bolup, uchrishishta bash wezir frédirik rayinfélt xitaydiki uchur erkinliki we intérnét qamali heqqide pikir bayan qilghan, emma shi jinping bash wezirining sözige héchqandaq inkas bildürmigen.

http://www.rfa.org/uyghur/xewerler/tepsili_xewer/shiwetsiyide-namayish-mart-03302010211652.html/story_main?encoding=latin

Yuqiridiki awaz ulinishidin, bu heqtiki melumatimizning tepsilatini anglaysiler.