Tengri alemlerni yaratqanda, biz uyghurlarni NURDIN apiride qilghan, Turan ziminlirigha hökümdarliq qilishqa buyrighan.Yer yüzidiki eng güzel we eng bay zimin bilen bizni tartuqlap, millitimizni hoquq we mal-dunyada riziqlandurghan.Hökümdarlirimiz uning iradisidin yüz örigechke sheherlirimiz qum astigha, seltenitimiz tarixqa kömülüp ketti.Uning yene bir pilani bar.U bizni paklawatidu,Uyghurlar yoqalmastur!

Saturday, March 06, 2010

Obulqasim Ömer Yekende Bir Xitayni Öltürüp, Ikki Xitayni Yarilandurghan
Muxbirimiz Shohret Hoshur
2010-03-03

Ötken charshenbe küni uyghur élining yeken nahiyiside adem öltürüsh we yarilandurush weqesi yüz bergen. Weqede obulqasim ömer isimlik bir uyghur, bir neper xitayni pichaq tiqip öltürgen we ikki nepirini yarilandurghan. Nahiyidiki saqchilarning melum qilishiche, weqening kélip chiqishigha héchqandaq shexsiy ziddiyet yaki talash - Tartish seweb bolmighan.


AFP Photo



4 - Awghust künidiki hujumda öltürülgen 16 xitay qoralliq saqchi xadimlirining matem murasimgha qatnishiwatqan uyghurlarning yighilip turushqan we bir xitay saqchisining kishiler topini nazaret qilip turghan körünüshi. 2000 Gha yéqin uyghurlarmu matem murasimigha qatnashqan bolup, bir nechche kishiler AFP muxbirigha özlirining matemge buyruq bilen qatnishiwatqanliqini éytqan.

Weqening, rayonda uyghurlar bilen xitaylar arisida dawamlishiwatqan milliy sürkilish we milliy toqunush weziyitining bir inkasi ikenliki melum.

Ötken charshenbe yeni 2 ‏ - Ayning 24 ‏ - Küni uyghur élining yeken nahiyiside adem öltürüsh we adem yarilandurush weqesi yüz bergen. Weqede obulqasim ömer isimlik bir uyghur bir neper xitayni pichaq tiqip öltürgen, ikki nepirini yarilandurghan. Weqedin kéyin obulqasim ömer tutqun qilinghan we uning aile tawabati soraqqa tartilghan.

Weqe shu küni nahiye baziridiki xitaylar topliship olturaqlashqan, échiwétilgen rayon yeni "keyfachü" dégen yerde yüz bergen. Gulbagh saqchi ponkitining muawin bashliqi su binggoning bildürüshiche, obulqasim ömer bu yil 39 yash bolup, hazirgha qeder uning her qandaq bir guruppa yaki teshkilat bilen alaqisi barliqi bayqalmighan؛ weqeni öz aldigha yekke élip barghan.

Gulbagh saqchi ponkitining bashliqi wang puning bildürüshiche, weqede yarilanghanlardin birining ehwali éghir bolghanliqi üchün qeshqer sheherlik doxturxanigha yötkelgen. Yene bir nepiri yeken nahiyilik doxturxanida dawalanmaqta. Weqede ölgüchining aile tawabati aldinqi küni xitaydin yekenge yétip kelgen. Nöwette ölgüchi aile - Tawabatlirining qattiq narazi boluwatqanliqi, saqchilarning ulargha idiyiwi xizmet ishlewatqanliqi melum.

Obulqasim ömer yeken nahiyisining yaqa ériq yézisidin bolup, u weqe yüz bérishning aldida yeken bazirida qol téléfon tijariti bilen shughullanghan؛ tijaret sewebi bilen dawamliq türde xitay ölkilirige bérip - Kélip turghan.

Saqchilarning bildürüshiche, weqening kélip chiqishigha héchqandaq bir shexsiy ziddiyet yaki talash - Tartish seweb bolmighan. Ziyaritimiz dawamida, ponkit bashliqi wang pu, 5 ‏- Iyul weqesidin kéyin yekende 10 ‏- Iyul weqesi yüz bergenlikini ashkarilidi. Emma 10 - Iyul weqesining tepsilatini heqqide melumat bérishni ret qildi.

Igilishimizche, 5 ‏ - Iyul weqesidin kéyin, yekende bir türküm yashlar namayish ötküzüshni pilanlighan. Namayishni pilanlighuchilar yighin ötküzüwatqan peytte, saqchilar neq meydangha basturup kirip tutqun qilghan. Tutqungha qarshiliq körsetken ikki neper yashtin biri neq meydanda étip öltürülgen, yene bir nepiri yarilandurulghan.

Ponkit bashliqi wang pu, obulqasimning ötken yili yekende yüz bergen 10 - Iyul weqesi bilen chétishliq ikenlikini bildürdi.

Nöwette, saqchilar weqening xaraktéri heqqide téxi yekün chiqarmighan. Emma xitay ölkiliride tijaret qiliwatqan uyghur yashlirining shawguen weqesi heqqidiki xewer ‏ - Uchurlarni toluq körgenliki, qol téléfon tijariti qiliwatqan uyghur yashlirining shyawgüen weqesidiki échinishliq körünüshlerni toluq körgenliki melum. Shunga obulqasim ömerning shawguen weqesi, 5 - Iyul weqesi we yekende yüz bergen 10 - Iyul weqesining tesirige uchrighanliqi, weqede ölgen uyghur qérindashlirigha hésdashliqi seweblik, intiqam tuyghusi bilen heriket qilghanliqi éhtimalgha yéqin körülmekte.

http://www.rfa.org/uyghur/xewerler/tepsili_xewer/obulqasim-xitay-olturdi-03032010205846.html/story_main?encoding=latin


Yuqiridiki awaz ulinishidin, bu heqtiki melumatimizning tepsilatini anglaysiler.

Uyghuristan

Freedom and Independence For Uyghuristan!

FREE UYGHURISTAN!

FREE UYGHURISTAN!
SYMBOL OF UYGHUR PEOPLE

Blog Archive