Tengri alemlerni yaratqanda, biz uyghurlarni NURDIN apiride qilghan, Turan ziminlirigha hökümdarliq qilishqa buyrighan.Yer yüzidiki eng güzel we eng bay zimin bilen bizni tartuqlap, millitimizni hoquq we mal-dunyada riziqlandurghan.Hökümdarlirimiz uning iradisidin yüz örigechke sheherlirimiz qum astigha, seltenitimiz tarixqa kömülüp ketti.Uning yene bir pilani bar.U bizni paklawatidu,Uyghurlar yoqalmastur!

Tuesday, March 02, 2010

Erdoghan: 'ottura asiyadiki pütkül irqdash we qérindash xelqlerning mesililiri bizning mesilimiz'


Muxbirimiz arslan

2010-03-01

2010 ‏ - Yili 2 ‏ - Ayning 27 ‏ - Küni türkiye jumhuriyiti dölet ministiri faruq chélikning uyushturushi bilen istanbuldiki jawahir méhmanxanisining yighin zalida, "qeyerde bir türk qérindash millet bolsa biz shu yerde" dégen shoar astida, "türk qandash we qérindash xelqler ammiwi teshkilatliri uchrishish ziyapiti" namliq yighini ötküzüldi.

RFA Photo / Arslan

 


Süret, 2010 ‏ - Yili 2 ‏ - Ayning 27 ‏ - Küni istanbuldiki jawahir méhmanxanisida ötküzülgen, "türk qandash we qérindash xelqler ammiwi teshkilatliri uchrishish ziyapiti" namliq yighinda bash ministir erdoghan sözde.

Yighingha chetel we türkiyide paaliyet élip bériwatqan, uyghur, qazaq, qirghiz, özbék, azar, tatar, türkmen qatarliq türkiy milletlerning ammiwi teshkilat mesulliri qatnashqan bolup, türkiyide paaliyet qiliwatqan sherqiy türkistan ammiwi teshkilatlarning mesullirimu teklip bilen qatnashti.

Yighingha yene türkiye tashqi ishlar ministiri exmet dawutoghlu, dölet ministirliridin, faruq chélik, korshad tuzman, egemen baghish qatarliq ministirlar, bélgiye parlamént ezasi mahinur özdémir, qibris türk jumhuriyitining tashqi ishlar ministiri hüseyin özgülgin ezerbeyjan dölet ministiri nazim ibrahim, makédoniye dölet ministiri hadi nazir, sérbiye dölet ministiri sulayman uglijan qatarliq ministirlar qatnashti. Yighingha asasliqi dunyaning her qaysi jaylirida yashaydighan türkiy xelqlerning wekilliri ishtirak qildi.

Sürette, 2010 ‏ - Yili 2 ‏ - Ayning 27 ‏ - Küni istanbulda ötküzülgen, "türk qandash we qérindash xelqler ammiwi teshkilatliri uchrishish ziyapet yighini"da, siyit tümtürk ependi bash ministir erdoghangha chimen doppa we ton kiygüzüsh aldida.

Ziyapet jeryanida, türkiye bash ministiri rejep tayyip erdoghan, türkiye tashqi ishlar ministiri exmet dawatoghlu, dölet ministiri faruq chélik qatarliq ministirlar söz qilip, türkiye ichi we sirtidiki türkiy xelqler bilen her sahede munasiwetlirini kücheytidighanliqini bildürdi.

Yighinda türkiye bash ministiri rejep tayyip erdoghan türk qérindash xelqlerge xitab qilip mundaq dédi: "söyümlük qérindashlirim, jan yoldashlirim, siler bilen uchrishish hesritini tügetken bu menilik künde, her qaysinglar bilen uchrishishtin xushalliq ichide boluwatimiz. Silerge qizghin hayajan ichide eng güzel salam we ali éhtiram bildürimen, türkiyige, istanbulgha xush keldinglar, silerni qizghin qarshi alimen. Bu yerde siler arqiliq dunyaning 5 qitesidiki pütkül türkiye jumhuriyiti puqralirigha, qandash qérindashlirimizgha salam yollaymen."

Bash ministir erdoghan sözide yene bu uchrishishning eslide nechche yildin biri arzu qilip kéliwatqan hesret ikenlikini ipadilep, bu xil uchrishishning buning bilen toxtap qalmaydighanliqini bu uchrishishning tünji qedim ikenlikini we buningdin kéyin dawamlishighanliqini ipadilidi.


Bash ministir erdoghan sözide yene dunyaning her qaysi jayliridiki türki xelqlerge salam yollash bilen birge, ürümchige we qeshqerge salam yollidi: "semerqettiki, buxaradiki, mazarshérftiki, ürümchidiki, qeshqerdiki, almatadiki, asiyadiki pütkül qérindashlirimgha, qandashlirimgha salam yollaymen. Tarix we qismet bizni ayrim ayrim jughrapiyilerge tarqatti. Emma bizning köngüllirimiz bir, bizning yüreklirimiz birge soqidu, hesretlirimiz bir, séghinishlirimiz, arzu ‏ - Armanlirimiz, teqdirimiz bir. Biz hemmimiz qérindash. Biz bir milletning ewladliri, xushalliqimiz, qayghulirimiz bir. Solingende bir qérindishimizning burni qanisa oxshash waqitta besh qitede aghriqini yürikimizde hés qilimiz, saraywoda bir mesum kishining köz yashliri aqqanda oxshash waqitta hemmimizning yürikige ot tutishidu."

Bash ministir erdoghan sözide yene mundaq dédi: "biz bir dastixangha topliship olturghan bir ailining ewladliri. Biz hemmimiz bir ailining ewladliri, her birimiz ming yillar ilgiri kelgen oxshash bir medeniyetning, oxshash örüp ‏ - Adetlerning, oxshash tarixning insanliri. Tariximiz bilen, qérindashliqimiz bilen ghururlinimiz shundaqla medeniyitimiz bilen ghururlinimiz, biz yashighan her qandaq yerde tinchliqning wekili bolduq, xizmet qilip yashawatqan döletlerde tirishchanliqning, güzel exlaqning we durus ‏ - Rastchilliqning wekili bolduq."

Bash ministir erdoghan sözide yene yighin ishtirakchilirigha xitab qilip mundaq dédi: "siler, b d t xewpsizlik komitétigha eza bolghan bir döletning puqraliri, siler medeniyetler ittipaqigha reislik qiliwatqan bir döletning ewladliri, siler yawropa ittipaqi bilen muzakiriler élip bérishta ching turghan bir döletning qérindashliri. Siler her yerde, heqiqetni, adaletni, ténchliqni qoghdighan, heqsizlikke qarshi kökrek kirip meydangha chiqqan, bash egmigen, heqiqetni jasaret bilen otturigha qoyghan bir döletning ewladliri."


Bash ministir erdoghan sözide yene mundaq dédi: "héch bir yerde béshinglar igilmisun, bizge bash égish munasip emes, héch qandaq yerde özünglarni yalghuz hés qilmanglar, shuni héch qachan untumasliq lazimki, bu yerde küchlük bir dölet bar, bu yerde türkiye bar. Biz bir janni öltürüshning pütkül dunyadiki janliqlarni öltürgenlik bolidighanliqini ipadiligen bir medeniyetning insanliri. Heqsizlikke duch kelgen, heqqi bashqilar teripidin tartiwélinghan kim bolsa bolsun, renggi, tili, irqi, étiqadi néme bolsa - Bolsun ularning yénida bolimiz. Ularning heq we hoquqlirini qoghdash bizning mejburiyitimiz. Biz türkiye bolush süpitimiz bilen dunyaning qeyiride bolsa bolsun, heqsizliqqa yoluqqan, chetke qéqilghan insanlar üchün awazimizni yuqiri kötürüp warqirawatimiz. Bu warqirashni buningdin kéyinmu dawam qilimiz."

Bash ministir erdoghan sözide yene dunyaning her qandaq yéride türk qérindashlarning özlirini yalghuz hés qilmasliqini ipadilep mundaq dédi: "bügün hemkarlishish ilgirikidin téximu köp ehmiyetlik, peqet jumhuriyitimizning puqrasi üchünla emes, belki pütkül türk irqidiki pütkül qérindashlirimizning, mesililerni hel qilishta hemkarliship yashawatqan döletler üchün intayin ehmiyetlik. Azerlerning, qazaqlarning, qirghizlarning, türkmenlerning, türkistanliqlarning, boshnaqning, almanlarning, balqanlardin kapkaziyigiche ottura asiyaghiche, pütkül irqdash we qérindash xelqlerning mesililiri bizning mesilimiz. Shuning üchün pütkül ammiwi teshkilatlarning, mesililerni hel qilishta birlikte heriket qilishni teshebbus qilimen."

Bash ministir erdoghan sözining axirida mundaq dédi: "qimmetlik qérindashlirim, türkiye her zaman silerning yéninglarda bolidu, buningdin endishe qilmanglar, hazirghiche silerni qollashni, siler bilen hemkarlishishni silerdin ayimidi, buningdin kéyinmu ayimaydu. Birlikimiz, pütünlükimiz we qérindashliqimizni buzushqa orunghanlargha hergizmu purset bermeymiz, haji begtash welining déginige oxshash, birliship, chongiyip, hayat yashaymiz."

Axirida, dunya uyghur qurultiyining muawin reisi siyit tümtürk ependi bash ministir rejep tayyip erdoghangha uyghurlarning uzun chapini we chimen doppisini sowgha qildi.


Yuqiridiki awaz ulinishidin, bu heqtiki melumatimizning tepsilatini anglaysiler.

Uyghuristan

Freedom and Independence For Uyghuristan!

FREE UYGHURISTAN!

FREE UYGHURISTAN!
SYMBOL OF UYGHUR PEOPLE

Blog Archive