Yawropa Türk Kultur Teshkilatliri Birligi Türkiye Büyük Birlik partiyesige mensup bolghan Yawropadiki Aliperen Ochaklari, Nizamul alem jamaetliri qatarliq bir qatar qurulushlarning merkizi bolup, Büyük Birlik Partiyesi we bu teshkilatlarning qurghuchisi Türk milletining meshhur Ledirliridin biri Muhsin Yazghuchi Oghli( 1954-2009)dur.Muhsin Yazghuchi Oghli Türkiyede tonulghan siyasiyonlarning biri bolup, u Türk Ölkü Ochaklirida piship yétilgen we Türkiye Milliy Herket Partiyeside muhim wezipilerde bolghan.
Muhsin Yazghuchi Oghli 2009-yili saylam paaliyiti üchün Tikuchar Ayripilanda kétiwatqanda kütülmigen bir hadisige uchrap qaza qilghan.Bu qétimqi paaliyet Muhsin Yazghichi Oghlining wapat bolghanliqining bir yilliqi munasiwiti bilen Yawropada ötküzilgen muhim paaliyetlerning biri bolup, yighingha Büyük Birlik Partiyesining muawin reyisi Tuna Koch ependi Reyis Yalchin Topchigha wakaliten ishtirak qildi.Yighingha yene uning Türkiyedin kelgen hemraliri, Yawropadiki Türk konsulxanillirining xadimliri, Yawropa Türk Kultur Dernekliri Birliki Teshkilatining reyisi Rejep Yildirim ependi we Yawropada paaliyet qiliwatqan herqaysi Türk Teshkilatlirining munasiwetlik wekilliri qatarliq 2 mingdin artuq kishi qatnashqan bolup, Yighingha Sherqiy Türkistan Sürgündiki Hökümiti Medeniyet Ministirligining mesuli Korash Atahanmu alahiyde teklip bilen qatnashti.
Yighinda Büyük Birlik Partiyesining muwin reyisi Tuna Koch ependi qatarliqlar muhim söz qilip, Sherqiy Türkistan Xelqining sadiq dosti, Türk dunyasining dangliq lediri Merhum Mühsin Yazghuchi Oghlini eslep ötti. U yene Büyük birlik partiyesining tarixi, bésip ötken shanliq kechürmishi we Büyük Birlik partiyesi shundaqla Aliperenler teshkilatliri, we Nizamul Alemchiler jamaetining Türk dunyasi jümlidin Sherqiy Türkistan milliy herkitige qoshqan töhpilliri we bundin kéyin bu sahiyede qilidighan xizmetliri heqqide pikir bayan qildi.
Yighinda S.T.S.H. Medeniyet we Teshwiqat ménistirliki mesuli Korash Atahan qimmetlik mihmanlar qataridin orun aldi we qisqiche söz qilip, Mühsin Yazghuchi Oghlining wapatining barliq Türkistan xelqi üchün bolupmu Sherqiy Türkistan Milliy herkiti üchün zor yoqutush bolghanliqini, Sherqiy Türkistanliqlarning uning namini menggü unutmaydighanliqini tilgha aldi. U yene Büyük birlik partiyesining we Yawropa Türk Kultur Dernekliri birlikining Sherqiy Türkistandiki éghir dölet térori astida iziliwatqan qérindashlirigha yéqin turiwatqanliqini teqdirlidi we Sherqiy Türkistan xelqige qilinidighan yardemni bundin kéyinmu toxtatmasliqini murajet qildi. U sözining axirida yene Sherqiy Türkistan Kultur Merkizi bilen Türk teshkilatliri birlikte hazirlighan 2010-yili 3-Ayning 21-küni Gérmaniyening Manhayim dégen sheheride otturgha chiqidighan Programmining Yawropa we Asiyadiki chong sheherlerdemu arqa-arqidin körsütilishige yéqindin yardemde bolishini ümid qildi.
Korash Atahan yighin axirda Tuna Koch ependi we Rejep Yildirim ependiler bilen ayrim-ayrim uchrashti we ulargha Sherqiy Türkistanning nöwettiki weziyitini anglatti we bizning Türk-islam alimidin kütidighanlirimizni alahiyde tekitlidi.
Yighinda yene Gérmaniyede paaliyet qiliwatqan Sherqiy Türkistan Kultur Merkizi alahiyide tizga qurup Sherqiy Türkistanning tarixi, siyasiy teqdiri we nöwettiki weziyiti ekis ettürilgen Kitap, Bérishur, VCD we teshwiqat waraqlirini tizip, yighin qatnashquchillirigha Mezlum Sherqiy Türkistan Xelqining mung-zarini anglatti.
Bu yighin 2010-yili 3-Ayning 20-küni Mörfelden-Walldorf Sheherining yighin zalida saet Gérmaniye waqti 17:000 de bashlinip, 22:00 giche dawamlashti.Yighin intayin utuqluq we muwapiqqiyetlik boldi.
S.T.S.H Medeniyet we Teshwiqat Ménistirligi
22-Mart 2010 Gérmaniye/Frankfurt a/Main
