Tengri alemlerni yaratqanda, biz uyghurlarni NURDIN apiride qilghan, Turan ziminlirigha hökümdarliq qilishqa buyrighan.Yer yüzidiki eng güzel we eng bay zimin bilen bizni tartuqlap, millitimizni hoquq we mal-dunyada riziqlandurghan.Hökümdarlirimiz uning iradisidin yüz örigechke sheherlirimiz qum astigha, seltenitimiz tarixqa kömülüp ketti.Uning yene bir pilani bar.U bizni paklawatidu,Uyghurlar yoqalmastur!

Tuesday, March 02, 2010

Ustaz Rehmetulla Türkistanining Derijisi Östürüldi
Muxbirimiz Ömerjan Toxti
2010-03-01

Dunyada öz millitini söyidighan we özining shu milletke mensup bolghanliqidin pexirlinidighan insanni bashqilarmu söyidiken, qedirleydiken, hörmetleydiken we uning wapadarliqigha ishengenliktin, gerche u bashqa millettin bolsimu, uni yuqiri menseplerge qoyushtin ikkilenmeydiken.

Chünki mundaq insan kishilerning ishenchisini qazanghan qedirlik insandur. Eksiche, erkin dunyagha chiqiwélip öz millitidin tanidighan, öz millitige mensup bolushtin nomus qilidighan, weten, milletning ghémini yéyish dégenlerni qamusidin öchürüp tashlighan tebiiti pes insanlarni bashqilarmu pes köridiken, mundaqlar her qanche oqup doktur, proféssor unwanlirini eynek jazilirigha qatirisigha tiziwetsimu, insaniy xislettin nésiwisi bolmighanliqtin, ulargha héchkim nezerini iltipat qilmaydiken.

Muqeddes makanlardiki uyghurlardin mundaqlarning misallirini téximu köp uchratqili bolidu.

 
Eslini unutmasliq, milliti üchün jan köydürüsh, öz millitige mensup bolushtin pexir hés qilish, bashqilarning aldida öz millitining ésillikini ispatlash qatarliq ulughwar peziletliri bilen bashqilarning hörmitige sazawer bolghanlarning biri ustaz rehmetulla inayetulla türkistanidur.

Seudi erebistanining mekke mukerreme shehirini merkez qilghan "islam dunya ittipaqi"da 1982-Yilidin biri ishlep kéliwatqan we her xil muhim menseplerni tutup kéliwatqan we heqiqiy wetenperwerliki, uyghurlarning ishigha yürektin köyinish, milliti üchün xizmet qilishni özi üchün sherep bilish, dunyaning her qaysi jayliridiki uyghur oqughuchilargha atidarchiliq qilip qolidin kelgen yardemlerni ayimastin qilishtek aliyjanab peziliti we kemterlik, aliy himmetlik, köyümchanliq, éghir bésiqliq, chiqishqaqliq, weten xizmitide tinimsiz ishlesh qatarliq ésil peziliti hem güzel exlaqi bilen tonulghan ustaz rehmetulla türkistani seudi erebistan padishahliqi teripidin alahide bahalinip, xizmet derijisi islam dunya ittipaqigha qarashliq qurultay we tetqiqat bölümining mudirliqidin teshkilatlarni we qurultay ishlirini bashqurush idarisining bash mudirliqigha östürülüp, mertiwisi ministir derijisige yéqin bolghan 14 - Mertiwige kötürüldi.

Bu xewer seudi erebistanida chiqidighan "islam dunyasi" gézitining 2010 - Yili 4- Féwral künidiki sanida resmiy élan qilindi. Bu ustaz rehmetulla üchünla emes, belki uyghur milliti üchün chong xushalliq hem shereplik utuq hésablinidu. Chünki özining uyghur ikenlikidin pexirlinidighan we millitini jénidin bek söyidighan bir uyghur perzentining bashqilarning nezeride bunchilik zor mertiwige sazawer bolushi, eyni waqitta öz millitining shenini kötürgenliki we millitining ésilliki bilen bashqilarni qayil qilghanliqidur.

Wetenperwer ustaz rehmetulla türkistani heqqide köprek melumatqa ige bolush ümidi bilen seudi erebistan radiosi uyghur tilida anglitish bölümining eng péshqedem diktori sirajidin ezizige bir qanche soal bilen murajiet qilghan iduq.

Sirajidin ezizi bizning ustaz rehmetullani meyli seudi erebistan hökümet erbabliri, meyli ereb dunyasidiki pikir igiliri, meyli bashqa milletlerning tonulghan kishiliri bolsun, hemmisi birdek maxtishi we "heqiqiy wetenperwerlikning ülgisi", "uyghur xelqining chiwerlikige misal bolalaydighan adem" we "seudi erebistandiki uyghurlarning bash tajisi ustaz rehmetulladur" dégenge oxshash bahalarni bérishining sewebi néme dégen soalimizgha jawab bérip mundaq dédi: " aldi bilen ustaz rehmetullani tebrikleymen we uninggha zor ten saqliqi tileymen. Ustaz rehmetullagha qanchilik yuqiri unwanlarni bersimu uninggha layiqtur. Men ustaz rehmetullani eng yaxshi tonuydighan birimen. Chünki uni yigirme besh yildin biri tonuymen. Bu ademning qilidighan ishi hajilar we oqughuchilar xizmiti, weten millitining ghémini yéyishtur. Bu adem uyghur élide tughulmighan bolsimu , uyghur tilini bizdin yaxshi bilidu. U ereb tilidin bashqa, énglizche, fransuzche, türkche tillarnimu yaxshi bilidighan akadémik bir insan. Bu kishi chetellerdiki uyghur oqughuchilargha maddiy yardem qilishtin bashqa, ularni ziyaret qilip, ehwalini sorap turatti. Biz pakistanda oquwatqandimu yilda bir qanche qétim bizni ziyaret qilip, dertlirimizni tingshap bizge yardem qilghan. Bu ademning bashqilargha oxshimaydighan köpligen ésil peziletliri bar. Bu adem yurtwazliq dégenni bilmeydu, aldigha kelgen kishining nedin bolushidin qetiynezer weten, milletke paydiliqla adem bolidiken, uninggha qolidin kélishiche yardem qilidu."

http://www.rfa.org/uyghur/xewerler/tepsili_xewer/saudi-uyghurliri-rehmetulla-turkistani-03012010224750.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.

Uyghuristan

Freedom and Independence For Uyghuristan!

FREE UYGHURISTAN!

FREE UYGHURISTAN!
SYMBOL OF UYGHUR PEOPLE

Blog Archive