Yaponiyining 3 Chong Shehride Xitay Atom Sinaqliri We 5 - Iyul Weqesige Ayit Yighin Échildi

Muxbirimiz Erkin Tarim
2009-08-03

7 - Ayning 31 - Künidin étibaren yaponiyining herqaysi sheherliride 5 - Iyul ürümchi weqesi heqqide yighin chaqirilmaqta. 7 - Ayning 31 - Küni yaponiye uyghur jemiyiti bashliqi ilham mexmut ependi yaponiyining nagasaki shehrige bérip, atomning ziyinigha uchrighanlar muziyini ziyaret qilip uyghur diyarida atomdin ziyan körgenler heqqide söhbet élip barghan.

Süret, yaponiye uyghur jemiyiti bashliqi ilham mexmut ependining, 7 - Ayning 31 - Küni, yaponiyining nagasaki shehrige bérip, atomning ziyinigha uchrighanlar muziyini ziyaret qilip uyghur diyarida atomdin ziyan körgenler heqqide söhbet yighinigha qatnashqan körünüshdin biri bolup, u yaponluqlargha xitayning uyghur diyaridiki 46 qétimliq atom sinaqliri toghrisida doklat bergen.

Ilham mexmut ependi uyghur diyarida atomdin ziyan körgenler heqqidiki melumatlarningmu bu muzéygha qoyulishi kéreklikini éytqan. Bu uchrishishqa nagasaki parlamént ezalirimu qatnashqan.

8 - Ayning 1 - Küni yaponiye qurultiyi "nagasaki shehride biz bilmeydighan xitayning atom tehdidi we uyghur mesilisi" témisida yighin chaqirghan bolup, yighinda yaponiye uyghur jemiyiti mesuli ilham mexmut söz qilghan. U sözide uyghur diyarida atomning ziyinigha uchrighan kishilerning intayin köp ikenlikini, yaponlarning bu kishilerni éniqlap chiqishi kéreklikini éytqan. U 8 - Ayning 2 - Küni yaponiyining komamitu shehride "ürümchi weqesining meydangha chiqish sewepliri" témisida söz qilghan.

Bu yighinni yaponiyining eng chong ammiwi teshkilatliridin biri bolghan yaponiye qurultiyi uyushturghan bolup, bu yighingha120 etrapida kishi qatnashqan. Ilham mexmut ependi bu yighinda 5 - Féwral ürümchi weqesining kélip chiqish sewebliri heqqide toxtilip, bu weqening xitayning uzun yilliq bésim siyasiti netijiside otturigha chiqqanliqini shunga buning jawabkari xitaylar dégendek "üch xil küch" ler emes, belki xitaylarning özi ikenlikini éytqan.

Ilham mexmut bergen melumatlargha asaslanghanda bu paaliyet 8 - Ayning 6 - Künigiche dawam qilidiken. Bu 3 yighinda yene némeler bayan qilindi?

Bu heqte tepsili melumat élish üchün neq enqerediki ixtiyari muxbirimiz erkin tarim meydangha téléfon qilip bu yighingha qatnishiwatqan ilham mexmut ependi bilen téléfon söhbiti élip bardi.

Yuqiridiki awaz ulinishidin, bu söhbet xatirisining tepsilatini anglaysiler.

Menbe: http://www.rfa.org/uyghur/xewerler/tepsili_xewer/yapon-5-iyul-atom-siniqi-08032009203103.html/story_main?encoding=latin