Muxbirimiz Gülchéhre
2009-08-07
6 - Awghust küni yaponiyining xiroshima arilidiki tinchliq xatirisi baghchisida, xiroshimaning atom bombisi zerbisige uchrighanliqining 64 yilliqini xatirilesh, atom bombisining ziyankeshlikige uchrap hayatidin ayrilghanlargha teziye bildürüsh we shuningdek dunyani tinchliqqa chaqirish paaliyiti ötküzüldi.
6 - Awghust küni, yaponiyining xiroshima arilidiki tinchliq xatirisi baghchisida, xiroshimaning atom bombisi zerbisige uchrighanliqining 64 yilliqini xatirilesh, atom bombisining ziyankeshlikige uchrap hayatidin ayrilghanlargha teziye bildürüsh we shuningdek dunyani tinchliqqa chaqirish paaliyiti ötküzülgen bolup, süret, yaponiye uyghur jemiyiti reisi ilham mexmut ependi we yaponluq qollighuchilar bilen paaliyet élip bériwatqan körünüshlerdin biri.
Bu qétimqi xiroshimada ötküzülgen atom partlighanliqining 64 yilliqini xatirilesh paaliyetliri dawamida, uyghurlarningmu xitay atom sinaqlirining ziyankeshlikige uchrap kéliwatqan xelq ikenliki, yaponiye uyghur jemiyiti reisi ilham mexmut ependi teripidin bir qanche paaliyetler arqiliq tonushturuldi.
Ikkinchi dunya urush mezgilide ye ni, 1945 - Yili 8 - Ayning 6 - Küni chüshti kéyin birde, yaponiyining xiroshima arili,amérika herbiy qismliri teripidin qoyup bérilgen "oghul bala"namliq atom bombining weyran qilish xaraktérlik tuyuqsiz zerbisige uchrap, minut ichide ikki yüz ming bigunah adem jénidin juda boldi, xiroshima pütünley weyran qilinip xarabiliqqa aylandi. Xiroshima shundin buyan yer shari yüzide atom bombisi arqiliq insaanlargha qaritilghan eng échinishliq we ghayet zor qirghinchiliq élip bérilghan birinchi sheher bolup qaldi, halbuki xiroshima birdin - Bir atom zerbisige uchrighan jay emes, yeni1945 - Yili 9 - Awghust küni yaponiyining nagasaki shehirimu amérika teripidin qoyup bérilgen yene bir atom bombisi teripidin oxshashla xani weyran qilindi. 6 - We 9 - Awghust künliri yaponiye xelqi üchünla emes, pütkül insaniyet üchünmu alemche échinish bilen eslinip kéliwatqan pajiedur.
Yaponiyining atom bombisi balayi - Qazasigha uchrighanliqi her yili türlük paaliyetler bilen xatirilinip kelmekte. Xiroshimada ötküzülgen bu yilliq xatirilesh paaliyitige yaponiye bash weziri taro aso qatniship, apette qaza qilghanlarning xatire munarigha gülchembirek qoyghan.
Yaponiye uyghur jemiyiti bashliqi ilham mexmut ependi ötken ayning axiridin bashlap yaponiyining xiroshima, nagasaki, kagoshima, komamito qatarliq bir qanche sheherliride, atomning ziyinigha uchrighanlarni xatirilesh paaliyetlirige qatniship bu jeryanda uyghur diyarida xitayning élip barghan atom sinaqliri hem uning uyghur we bashqa yerlik xelqlerge élip kelgen balayi apetlirini tonushturush we bu pursette yene, 5 - Iyul ürümchi qirghinchiliqini öz ichige alghan, uyghurlar hazir hem uchrawatqan mesililer heqqide doklat bérish paaliyetlirini élip bériwatqan bolup, biz xiroshimada atom bomba partilighanliqining 64 yilliqi munasiwiti bilen ötküzülgen paaliyetler hem ilham ependining bu jeryandiki paaliyetliri heqqide tepsiliy melumat élish üchün xiroshimada paaliyitini dawam qiliwatqan ilham ependini téléfon arqiliq ziyaret qilduq.
Ilham ependining tonushturushigha qarighanda, 9 - Awghust nagasaki shehiridimu, atom bombisi ziyankeshlikige uchrighanlarni xatirilesh paaliyetliri ötküzülmekchi bolup, ilham ependi paaliyetlirini dawamlashturush üchün emdi nagasakigha qarap yol élish teyyarliqida iken.
Yuqiridiki awaz ulinishidin, bu heqtiki melumatimizning tepsilatini anglaysiler.
Menbe: http://www.rfa.org/uyghur/xewerler/tepsili_xewer/ilham-mehmut-tokyo-08072009192324.html?encoding=latin
