Ürümchi shehiride Tutqun Qilish Dawamlashmaqta
Muxbirimiz Eqide
2009-07-06

5‏ - Iyul küni ürümchide yüz bergen naraziliq namayishi qoralliq basturulghandin kéyin, radiomiz muxbirliri yüz bergen qirghinchiliqtin kéyinki ehwallar heqqide téximu ichkirilep melumat élishqa tirishchanliq körsetmekte.

Süretlerni RFA anglighuchiliri ewetken.

7 - Ayning 5 ‏- Küni, guangdong weqesini intérttin izchil közitip kéliwatqan uyghur tordashliri, bir qisim aliy mektep oqughuchiliri we aktip jemiyet yashliri, ürümchide, ténchliq yoli bilen namayish uyushturghan bolup, süret, bu namyishni basturushqa kelgen xitay saqchilirining bir uyghur yashni tutqun qiliwatqan körünüshi.

Xitay hökümitining téléfun liniyilirini qattiq kontrol qilishi tüpeyli ürümchidiki hökümet organliri we ürümchi ahalisi bilen alaqe qurush teske toxtimaqta. Ziyaritimizni qobul qilghan weten ichiki melum bir kishi hökümetning yéngidin uyghurlar eng köp olturaqlashqan " at beygisi meydani" rayonidiki uyghur yashlirini öymu - Öy kirip tutqun qilish herikiti bashliwetkenlikini bildürmekte.

5 ‏- Iyul küni ürümchi shehiride uyghurlarning xitay hökümitige qarshi ténchliq yosunda élip barghan narazliq namayishi, qoralliq basturulup 1 kün ötkendin kéyinki weziyettin éniq melumat élish üchün, hökümet organlirigha bolupmu saqchi idarisi, doxturxana we ürümchide olturaqlashqan aililergiche téléfun urup sürüshtürüsh élip bérishqa tirishchanliq körsetken bolsaqmu, xitay hökümitining téléfun liniyilirini qamal qilishi tüpeyli, bu heqte toluq melumatqa érishelmiduq. Hetta 24 saet mulazimet qilish qanunlashturulghan 114 mu xizmet qilishtin toxtitilghan idi.

Köp izdinishler arqiliq téléfunimizgha tasadipi baghlanghan melum bir kishi weten ichidin ziyaritmizni qobul qilip, bashqilardin anglighan uchurlirini bizge éytip berdi. U hökümetning bir kün ilgiri namayishchilarni qoralliq basturghanliqini, bir kün kéyin xitay saqchi we qoralliq qisimlirining " at beygisi meydani " etirapigha olturaqlashqan uyghur ahalisining öylirige birmu - Bir kirip, ayal we balilardin bashqa barliq uyghur erlirini we yashlarni qolgha éliwatqanliqini bildürdi.

Bu kishi sözide yene, at beygisi meydanining töt etirapi we mezkür meydanning qarshi teripidiki üch tash we shinjang uniwérsitéti rayondin taki yenen kochisigha qeder bolghan ariliqning tamamen qamal qilinip, aptomobillarning ötküzülmeywatqanliqini, hetta kishilerning kirip ‏ - Chiqishi cheklengenlikini éytti. Bizge melumat bergen bu kishi sözide yene, qeshqerning weziyiti heqqide toxtaldi.

Uyghur siyasi közetküchiler, hökümetning ténchliq namayishchilirini qanliq basturushtin sirt, cheteldiki uyghurlarning uruq - Tughqanliri bilen téléfun arqiliq amanlishishighimu yol qoymasliq derijisige yetken zorawanliqini eyiblimekte.

Yuqiridiki awaz ulinishidin, bu heqtiki melumatimizning tepsilatini anglaysiler.

Menbe: http://www.rfa.org/uyghur/xewerler/tepsili_xewer/urumchide-tutqun-07072009000053.html/story_main?encoding=latin