Xitaylar Sherqitürkistanni menggü ishghaliyiti astida tutup turush, ejdatlirimizning qan-ter bedilige barliqqa kelgen Sherqitürkistandiki qanche ming yilliq medeniyitimizni weyran qilish we Uyghur xelqini tarix sehipisidin bir Millet süpitide öchürüp tashlash meqsidide dölet téroroni ishqa salmaqta.
Xitaylar Sherqitürkistanda yüzligen seplerde parallil heriket qilip, Xelqara déplomatiye munasiwetliri, dölet diktatursi, nopus üstünligi, iqtisadiy manopoliyesi we qural küchi qatarliqlarni ishqa sélip, insaniyetke qarshi yer sharida mushu esirde kam körülüdighan birqatar jinayetlerni otturgha chiqarmaqta.
Atalmish „Éshinchi emgek küchlirini yötkesh“ siyasiti Xelqimizni öz ziminidin qoghlap chiqirip, wetinimizge iplas ishghaliyetchillirini orunlashturushtin ibaret qara niyetni arqa körünüsh qilghan bolup, milyonlighan Uyghur qiz-yigitlirini mejburiy shekilde Xitaygha, milyonlighan Xitay yalangtöshlirini dölet himayisi astida Sherqiturkistangha yötkimekte.Bu ish xelqimizning qanche ming yilliq hayatliq zenjirini buzup tashlighandin bashqa, Uyghur xelqi bilen Xitaylar ottursidiki ziddiyetni barghanche keskinleshtüriwetti.
Xitayda 2009-yili 6-Ayning 26-küni otturgha chiqqan kolliktip qul emgikige tutulup, Shexsiy baylargha töwen bahada ish küchi süpitide sétiwitilgen eng eqelliy insaniy heq-hoquqliridinmu mehrum bolghan, xalighan waqitta dem alalmaydighan, xalighan waqitta ailisidikiler bilen alaqilishalmaydighan, xalighan waqitta kocha aylinalmaydighan , xalighan waqitta soda qilalmaydighan, xitaylardin on hesse töwen muash bélen ishlitiliwatqan, muashlirinimu waqtida alalmaydighan, Xitay rayonigha kélginige uzaq bolmighan 18 yashtin töwen, héchqandaq panalighuchisi we qoghdighuchisi bolmighan 800 qérindishimizgha 10 mingdin artuq kimliki toluq melum bolmighan Xitaylar kaltek-chomaq, palta-pichaq we bashqa zerbe bergüchi qurallar bilen, döletlik saxchi we quralliq qisimlarning himayiside hujum qilip, Guangdung ölkisining Shawgüen sheherini Uyghurlarning issiq qéni bilen buyap chiqqanidi.
Dunya Uyghur Qurultiyi bu munasiwet bilen, barliq dölet we rayonlardiki Sherqitürkistan teshkilatlirigha murajetname chiqirip, Xitay hökümiti we Xitay millitining bu zurawanliqining epti-beshirisini xelqara jemiyetke ashkarilashni otturgha qoyghanidi.
Mushu ayning 3-küni Gérmaniyening Frankfurt Sheheride herket qiliwatqan Sherqitürkistan Birki teshkilati, Dunya Uyghur qurultiyining chaqriqigha awaz qoshup, özining bir qisim ezaliri bilen birlikte, Frankfurt Sheheride Xitayda ortigha chiqqan Uyghurlargha qarshi „26-Iyun Qanliq weqesi“din ibaret érqiy qirghinchiliqqa bolghan naraziliqini ipadilesh üchün paaliyet oyushturdi.
Bu paaliyet shu küni Gérmaniye waqti 14:00 de bashlinip, 20:30 ge qeder dawamlashti.Paaliyetning birinchi qismi Frankfurt Sheherining Merkiziy Poyiz istansisi etrapida saet 14:00 de bashlinip, saet 16:00 de Frankfurt Sheherining eng awat soda kochisi bolghan Hauptwache rayonigha yötkeldi we saet 20:30 ghiche shu jayda dawamlashti.
Paaliyet qatnashquchilliri Hauptiwache dégen jayda yayma qurup, Sheritürkistanning Ay-yultuzluq kök bayriqini jewlan qildurup, Xitaylarning Uyghurlar üstidin yürgüziwatqan pashistik siyasitini ekis ettüridighan resim, pilakat, bérishur, teshwiqat yapraqliri we „26-Iyun qanliq weqesi“ge ayit vedio uchurliri qatarliq 1000 parchidin artuq matériyallarni Sheher ahalisige tarqitip, Gérman xelqining diqqitini, bu qanliq téror herketke jelip qildi. Bu küni Xitay jasusliri paaliyetchilerning arqisigha kiriwélip, qeyerge barsa shu yerde yoshurunup turup resimge tartip, Sheher ahalisining eyiplishige uchridi we jamaetning aldida setchilikke qaldi.
Yoqarqi resimde Bir Shipiyon Xitay Xotun, Namayishchilar udulidiki Soda sariyining ikkinchi qewitidiki mal tizidighan ishkapning arqisigha müküwélip, namayishchilarni oghurluqche resimge tartiwatidu.
Bu künki paaliyet tertiplik, janliq we muwapeqqiyetlik élip bérildi, Xitay hökümitining Uyghur xelqige qaratqan érqiy we kultural qirghinchiliqi namayishqa diqqitini bergen Sheher ahalisining küchlük naraziliqi we eyipleshlirige uchridi.
Sherqitürkistan Birliki Teshkilati Teshwiqat Bölümi
Gérmaniye/Frankfurt 03.07.2009
