“Sherqiy Türkistan We Milliy Musteqilliq” Digen Kitap Neshir Qilindi

Kitabtiki asasliq eserlerning muellipi, Sherqiy Türkistan Jumhuriyiti Sürgündiki Hökümitining Pirézidénti Ahmet Igemberdi resimi


“Sherqiy Türkistan We Milliy Musteqilliq” digen Kitap Türkiyediki “Sherqiy Türkistan Hemkarlliq jemiyiti” teripidin neshir qilinip kitabxanlar bilen yüz körüshti. Bu kitab 429 bet bolup, Kitabqa Sherqiy Türkistan Jumhuriyiti Sürgündiki Hökümitining Prézidénti Ahmet Igemberdining bir qisim ilmiy we Edebiy eserliri, uning siyasiy hayati we ijadiyiti heqqidiki ilmiy mulahiziler, uning her türlük yighin we paaliyetlerde sözligen notuqliri, u yitekchilik qilghan paaliyetler heqqide her türlük metbuatlarda élan qilinghan bir qisim muhim xewerler, uning tarixiy qimmiti yoquri eslimiliri, Sherqiy Türkistan tarixidiki muhim xatire künlerde teshkilat yaki shexsiy namda élan qilghan bayanatlar, milliy herket sépimizdiki gholluq shexisler bilen yézishqan xet-chekliri, Gheriptiki démokirattik döletlerning yoquri derijilik rehberlirige élan qilghan ochuq xetliri qatarliq 100 parchidin artuq eser kirgüzülgen bolup, bu kitab arqiliq Sherqiy Türkistan Jumhuriyiti Xitay mustemlikisige chüshüp qalghan 60 yildin bériqi weten ichi we siritidiki milliy herkitimizning alahiyidiliki, tereqqiyat jeryani, bésip ötken egri toqay, japaliq we aghriq azabigha tolghan kartinisini köriwalghili bolidu.

Kitapbqa kirgüzülgen maqalalerning ichide “Dölet erbabi we pishiqedem mujahit Abdureup mexsum” (282-bet), “Amérika Qoshma Shitatliri Pirézidénti Jurj Walker Bush Janaplirigha”(190-bet) “Sherqiy Türkistan(Uyghuristan) Milliy Qurultiyigha”(174-bet), “Milliy rehbirimiz Ehmet Igemberdining Siyasiy Hayati We Ijadiyiti Heqqide Qisqiche Bayan” (11-bet), “Weten Heqqide Qeside” (64-bet), “Xelqara Sherqiy Türkistan Milliy Merkizi Reyisi Hörmetlik M. Riza Bekin Janablirigha” (146-bet), “ “Sultan Mehmut Qeshqirining ´Sherqiy Türkistan Xelqining Musteqilliq Kürishi We Uning Kélichigi´ namliq kitabi Heqqide” (228-bet) “Uyghurlarning Xelqara Itippaq Reyisi Qehriman Ghujamberdige” (84-bet), “Qedirlik Dostum Sabit Abduraxman” (144-bet), “Ulugh alim Muratbeg Kérim Oghli Hemrayiw” (368-bet), we “Nazugum Fondi” ning reyisi Dilbirim Samsaquwaning Wapatigha” (178-bet) qatarliq eserler bar.

Bu Kitabni Sherqiy Türkistan Jumhuriyiti Sürgündiki Hökümiti Medeniyet we Teshwiqat ministérligi neshirge teyyarlighan bolup, bu arqiliq Weten asminini qarangghuluq we zulmet qaplighan 60 yildin béri Xitay tajawuzchilliri dölet térorini ishqa sélip, erkinlik we hürriyet üchün küresh qiliwatqan Sherqiy Türkistan xelqige qaritilghan milliy zulumni barghanche éghirlashturup bériwatqan bolsimu, batur, eqil parasetlik Sherqiy Türkistan xelqining heq-adalet we milliy musteqilliq yolidin hergiz waz kechmeydighanliqini, kéyinki ewlatlargha tarixiy riyalliq asasida yarqin körsütüp bérishni asasiy meqset qilidu.

Kitabqa ihtiyajliq bolghan shexis we orunlarning Muripasa Mah. 10. Sokak No: 11/ A Zeytinburnu-Istanbul- diki “Dogu Türkistan Dayanisma Dernegi” bilen alaqilishishini ümid qilimiz .

Sherqiy Türkistan Jumhuriyiti Sürgündiki Hökümiti Medeniyet we Teshwiqat Ménistirliki

06.02.2010 Istanbul/Türkiye