Muxbirimiz Arislan
2010-02-25
Xitay sot mehkimiliri 5 - Iyul ürümchi weqesi yüz bergendin kéyin weqege munasiwetlik dep qaralghan uyghurlar üstidin arqa - Arqidin sot échip, muddetlik yaki muddetsiz qamaq jazasi we ölüm jazasi bérip ijra qildi.
AFP Photo
2009 - Yili 12 - Öktebir küni, xitay 6 uyghurgha ölüm jazasi 1 ige muddetsiz qamaq jazasi bergen bolup, süret, shu 7 uyghurning biri, ölümge höküm qilinghanlarning qataridiki adil rozi isimlik uyghur yashning sot üstidiki süriti.
2010 - Yili 10 - Ayning 12 - Küni ürümchide échilghan sotta 6 uyghurni ölümge höküm qilip bir uyghurni ömür boyi muddetsiz qamaq jazasigha höküm qilghan idi. Shu qétimliq sotta ölümge höküm qilinghanlarning isimliri, abdulkérim abduwahit, ghéni yüsüp, abdullah memettoxti, adil rozi, nureli hoshur we alim memetyüsüp qatarliqlar bolup, ömür boyi qamaq jazasigha höküm qilinghan kishining ismi bolsa tahirjan ablimit idi. Sot mehkimisi bularni adem öltürüsh, ot qoyush qatarliq jinayetler bilen eyibligen.
Shu qétim ölümge höküm qilinghanlarning qataridiki adil rozi isimlik uyghur yash, aqsuning shayar nahiyisidin bolup, biz adil rozi heqqide toluq melumatqa érishish üchün uning istanbulda yashawatqan sidiqjan isimlik dosti bilen söhbet élip barduq.
Sidiqjan bizge adil rozining qisqiche hayati heqqide sözlep, uning ésil exlaqliq, kemter, kishilerge yamanliq qilishni xalimaydighan, yaxshi niyetlik, tirishchan yash ikenlikini sözlep berdi.
http://www.rfa.org/uyghur/xewerler/tepsili_xewer/olumge-hokum-qilinghan-adil-rozi-02252010200623.html/story_main?encoding=latin
Yuqiridiki awaz ulinishidin, adil rozi toghrisida sidiqjan bilen élip barghan söhbitimizning tepsilatini anglaysiler.
