Muxbirimiz Erkin Tarim
2010-02-18
Türkiyining istanbul shehride paaliyet élip bériwatqan sherqiy türkistan wexpi bashliqi, sherqiy türkistan milli merkizining qurghuchi mesuli, pénsiyige chiqqan général memet riza békin bügün, yeni, 2 - Ayning 18 - Küni chüshtin kéyin enqerediki qojatepe meschitide qilinghan jinaza namizidin kéyin, qarshiyaqa shéhit we ghazilar mazarliqigha depne qilindi.
RFA Photo / Erkin Tarim
Süret, 2010 - Yili 2 - Ayning 18 - Küni chüshtin kéyin enqerediki qojatepe meschitide qilinghan jinaza namizidin kéyin, merhum général memet riza békin pashaning ölümi üchün ötküzülgen herbiy murasimidin bir körünüsh.
Merhumning jinaza namizigha 1500 din artuq kishi qatnashqan bolup, jinaza namizigha türkiye armiyisining qomandanliri, ofitsér - Eskerliri, bir qisim parlamént ezaliri, partiye, teshkilat rehberliri qatnashqan we dölet ministirliridin bir qanchisi teziye xéti ewetken.
Jinaza namizigha, rabiye qadir xanim we dunya uyghur qurultiyigha wakaliten gérmaniyidin enwerjan qatnashti. Dunya uyghur qurultiyi sabiq bashliqi erkin aliptékin we seudi erebistanliq uyghurlargha wakaliten imin abdulghafur qatarliqlar qatnashti.
Merhumning depne murasimigha yene, türkiyide yashawatqan uyghurlardin jamaet erbabi seley hajim hemde dunya uyghur qurultiyining muawin reisi séyit tümtürk qatarliq ependiler qatnashqan.
Général memet riza békinning jinaza namizi chüshürülgendin kéyin herbiy murasim ötküzüldi. Murasimda, türk général memet riza békinning tawuti top mashinisigha qoyulup matem muzikisi bilen élip méngildi.
Süret, 2010 - Yili 2 - Ayning 18 - Küni chüshtin kéyin enqerediki qojatepe meschitide merhum général memet riza békin pashaning ölümi üchün ötküzülgen jinaza namizi we herbiy murasimidin kéyin, merhumning tawuti qarshiyaqa shéhit we ghazilar mazarliqigha élip méngiliwatqan körünüsh.
Süret, 2010 - Yili 2 - Ayning 18 - Küni chüshtin kéyin enqerediki qojatepe meschitide ötküzülgen jinaza namizi we herbiy murasimidin kéyin, jamaet merhumning tawutini uzitiwatqan körünüsh.
Süret, 2010 - Yili 2 - Ayning 18 - Küni chüshtin kéyin enqerediki qojatepe meschitide ötküzülgen jinaza namizi we herbiy murasimidin kéyin, türkiye armiyisining qomandanliri, ofitsér - Eskerliri merhumning tawutini uzitiwatqan körünüsh.
Süret, 2010 - Yili 2 - Ayning 18 - Küni chüshtin kéyin enqerediki qojatepe meschitide ötküzülgen jinaza namizi we herbiy murasimidin kéyin, türkiye armiyisining qomandanliri, ofitsér - Eskerliri merhumning tawuti qarshiyaqa shéhit we ghazilar mazarliqigha élip méngiliwatqan körünüsh.
Bu heywetlik teziye murasimini körgen uyghurlardin nurghunliri köz yéshi qilishti.
Axirida, merhumning sherqiy türkistanning ay yultuzluq kök bayriqi yépilghan miyiti, uyghurlarning qoli bilen enqere qarshiyaqadiki shéhit we ghazilar mazarliqigha depne qilindi. Qebre béshida merhumning rohigha quran oquldi.
Yuqiridiki awaz ulinishidin, bu heqtiki neq meydandin melumatimizning tepsilatini anglaysiler.
