Istanbuldin Kelgen Uyghur Heyet Enqerede Muhim Paaliyetler Élip Bardi

Muxbirimiz erkin tarim

2010-02-16

Istanbulda paaliyet élip bériwatqan sherqiy türkistan maarip we hemkarliq jemiyitining bashliqi hidayutullah oghuzxan we bash katibi alimjan bughda bashchiliqidiki 4 kishilik heyet 2 - Ayning 15 we 16 - Künliri enqerede nahayiti muhim uchrishishlarni élip bardi.

RFA Photo / Erkin Tarim

Sherqiy türkistan maarip we hemkarliq jemiyitining bashliqi hidayutullah oghuzxan we bash katibi alimjan bughda bashchiliqidiki 4 kishilik heyet 2 - Ayning 15 we 16 - Künliri enqerede nahayiti muhim uchrishishlarni élip barghan bolup, sürette, ular saadet partiyisi muawin bashliqi shawket qazan ependi ishxanisida ziyarette.

Ular bu ikki kün jeryanida bezi siyasi partiyilerning bashliqliri we ammiwi teshkilat mesulliri bilen körüshüp uyghur diyarining hazirqi weziyiti hem cheteldiki uyghurlarning mesililiri heqqide melumat berdi.

Istanbuldin kelgen mezkur uyghur heyet türkiye parlaméntida bezi ministir we parlamént ezaliri bilen uchriship uyghurlarning hazirqi ehwali heqqide melumat berdi shuningdek bu heqte teyyarlighan doklatini ulargha sundi.

Hidayitullah oghuzxan ependi özlirining bu qétimqi paaliyetliri heqqide ziyaritimizni qobul qildi.

http://www.rfa.org/uyghur/xewerler/tepsili_xewer/istanbuldiki-02162010204904.html/story_main?encoding=latin

Yuqiridiki awaz ulinishidin, bu heqtiki söhbitimizning tepsilatini anglaysiler.