Muxbirimiz Ekrem
2010-10-13
Aqsu shehiri, mollakozichi baziri 11 - Etret 12 nomurluq adrista olturushluq hisawudun niyazning oghli turghunjan 2009 - Yili 7 - Ayning 28 - Küni ürümchide bashqilar teripidin qestlep öltürülgen. Doxturxanida ichki ezaliri sughuriwélinghan.
http://news.boxun.com Din élindi.
Süret, 2009 - Yili 7 - Ayning 28 - Küni ürümchide qestlep öltürülgen turghunjanning hayat we öltürülgendin kéyinki süretliri.
BU heqtiki melumatlar 2010 - Yili 8 - Ayning 24 - Küni boshün torida bir qétim élan qilinghan Bolup, hazirghiche bes - Munazire qozghawatqan témilarning birige aylanghan. Torda bérilgen uchurlargha asaslanghanda, hisawudun niyaz oghlining bashqilar teripidin qestke uchrap ölgenliki we uning ichki ezalirining sughuruwélinghanliqigha naraziliq bildürüp, uyghur aptonom rayonluq hökümet hem ürümchi sheherlik teptish idarisigha erz qilghan.
Cheteldiki uyghur siyasiy paaliyetchiliri we xelqara közetküchiler 5 - Iyul weqesidin kéyin uyghur siyasiy mehbuslirining ichki ezalirining sughuriwélip, tawar ornida sétiliwatqanliqini ilgiri sürüp keldi. Xelqara kechürüm teshkilatining 2009 - Yilliq doklatida, yene nurghunlighan uyghurlarning hazirgha qeder iz - Dériki yoqluqi bayan qilindi. D u q bash katipi dolqun eysa ependi, bu xildiki wehshilikning xitayda barghanséri ewj élishidin endishe hés qiliwatqanliqini tilgha aldi.
Hisawudun niyazning ürümchi sheherlik teptish idarisigha 2010 - Yili 1 - Iyunda yazghan erznamiside bayan qilinishiche, oghli turghunjan 2009 - Yili 27 - Iyul küni seher saet 3:00 bilen namelum kishiler teripidin öz yatiqida qattiq urulup, binaning üchinchi qewitidin yerge tashliwétilgen. Turghunjan hésawudun qestke uchrashtin ilgiri, ürümchi altay yolidiki rüyyang méhmanxanisida amanliq saqlash xadimi bolup ishligen we shu méhmanxanida yétip qopqan.
Eyni chaghda, ürümchi saqchi dairiliri hisawudun niyazning shikayitige étibar qilmay " oghlung binadin özini tashlap ölüwalghan" déyish bilen, bu déloni basturup tügitiwétishke urunghan. Emma, hisawudun niyaz doxturlarning delil - Ispatlirini otturigha qoyup, oghlining binadin tashliwétilishtin ilgiri qattiq urulghanliqi, pütün wujudini tayaq izliri qaplighanliqi, uning beden söngeklirining éghir derijide zexme yigenliki, oghlining binadin özini tashliwalghudek rohiy binormalliqqa giriptar bolghan insan emeslikide ching turghan.
Kishini échinduridighini, hisawudun niyazning oghli turghunjan 2009 - Yili 8 - Ayning 3 - Küni ürümchi qatnash doxturxanisida jan üzgende, doxturlar turghunjanning ichki ezaliridin börek, tal we jiger qatarliq ichki ezalirining oghrilanghanliqini ispatlighan. Bu wehshilikke chidimighan hisawudun niyaz erzini dawamlashturghan we oghlining ichki ezalirini oghrilighan jawabkarlar üstidinmu erz - Shikayette bolghan.
Hisawudun niyazning 2010 - Yili 4 - Ayning 5 - Küni uyghur aptonom rayonluq hökümetke yazghan shikayetnamiside, 2009 - Yili 11 - Ayning 19 - Küni doxturxana xadimlirining jesetni qaytidin opératsiye qilghanliqi, netijide oghlining ichki ezalirining alliburun namelum kishiler teripidin oghrilanghanliqi, bu ishqa hökümetning qanaetlengüdek jawab bérishi kérekliki otturigha qoyulghan.
Turghunjangha ait xewerning esli menbesidiki resimge kirishtürülgen bir izahatta, ölgüchi turghunjan bilen u xizmet qilghan rüyyang méhmanxanisining xitay xojayini otturisida ziddiyet barliqi, xitay xojayinning turghunjangha " haman bir küni séni öltürüp, yürikingni sughuriwalmay qoymaymen!" dégenliki yézilghan.
Hisawudun niyazning erznamisidiki bayanlarda körsitilishiche, uning oghli turghunjan aqsuda ottura téxnikum mektepni püttürgen. Bir qétim qatnash hadisige uchrap zeximlengen we ürümchide dawalanghan. Kéyin ürümchi rüyyang méhmanxanisigha qoghdash xadimi bolup ishqa kirgen. 5 - Iyul weqesige qatnashmighan we héch kishige yamanliq qilmighan. Shundaq bolsimu, u özi ishlewatqan orunda qattiq urulup bolghandin kéyin, binaning 3 - Qewitidin tashliwétilgen. Doxturxanida qutquzush ünüm bermeyla qalmay, ichki ezaliri oghrilanghan. Hisawudun niyazning erzige birqisim hökümet xadimliri imza qoyup " bu mesile muwapiq bir terep qilinsun" dégen bolsimu, hazirgha qeder bir terep qilinmighan we bu heqsizliklerning dawasi dawamlashmaqta iken.
http://www.rfa.org/uyghur/xewerler/tepsili_xewer/turghunjan-olumi-10132010212056.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.
