Muxbirimiz Shohret Hoshur
2010-10-13
Her yili Gérmaniyide ötküzülidighan Frankfort kitap körgezmisi bu yil latin amérika döletliridin argéntinaning sahipxanliqida ötküzülgen. 6 - Öktebirdin 10 - Öktebirge qeder dawamlashqan bu körgezmide, Gérmaniyidiki Sherqi Türkistan Birliki teshkilati paaliyet élip barghan.
http://hantengri.blogspot.com Din élindi.
Süret, 6 - Öktebirdin 10 - Öktebirge qeder dawamlashqan Frankfort kitap körgezmiside, Gérmaniyidiki Sherqi Türkistan Birliki teshkilati paaliyet élip barghan körünüshlerdin biri.
Frankfort kitap körgezmisi her yili 10 - Ayning otturiliri ötküzülidu. 100 Din artuq dölettin 700 ge yéqin neshriyat orni we kitap sodigerliri kitap körgezme qilidu.
Bir hepte dawamlishidighan bu körgezme, 300 ming etrapidiki her sahe kishiler teripidin ziyaret qilinidu. Körgezmining bu yilliqi 6 - Öktebirdin 10 - Öktebirge qeder ötküzülgen. Körgezme dawamida Gérmaniyidiki Sherqi Türkistan Birliki teshkilati bir qatar teshwiqat paaliyetlirini élip barghan.
Uyghur paaliyetchilerdin Küresh Atahanning bildürüshiche, körgezmide uyghurlar mexsus teshwiqat taxtisi teyyarlap, uyghurlarning ötmüshi we bügüni heqqide melumat bergen. Ularning teshwiqat taxtisigha sabiq Sherqi Türkistan Jumhuriyitining ay yultuzluq kök bayriqi ésilghan, "Shinjang emes Sherqi Türkistan", "Sherqi Türkistangha musteqilliq" dégen mezmunlarda plakatlar ésilghan. Paaliyetchiler yene mexsus bayanat élan qilip, ziyaretchilerni sherqi türkistan weziyitige diqqet qilishqa chaqirghan.
Frankfort kitap körgezmisining bu yilliqi, latin amérika döletliridin argéntinaning sahipxanliqida ötküzülgen. Bu körgezmini ötküzüsh Latin Amérika döletlirige mushuning bilen üchinchi qétim nésip bolghan. Körgezmige 1992 - Yili Méksika , 1994 - Yili Braziliye sahipxanliq qilghan.
Gérmaniye neshriyatchiliri we kitap sodigerliri jemiyiti teripidin uyushturulidighan bu körgezmige ötken yili Xitay Xelq Jumhuriyiti sahipxan bolghan.
Ötken yilqi körgezmide uyghur milliy herikiti rehbiri Rabiye Qadir xanimmu teklip bilen qatnashqan we nutuq sözlep, Xitay Xelq Jumhuriyitini Frankfort körgezmisidek xelqaraliq medeniyet paaliyitige sahipxanliq qilish layaqiti yoq dep eyibligen idi.
http://www.rfa.org/uyghur/xewerler/tepsili_xewer/frankfort-kitap-korgezmisi-10132010212018.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.
