Muxbirimiz Oyghan
2010-10-27
Yéqinda astana shehirining tinchliq we razimenlik sariyida qazaqistan xelqi assambléyisining "ishench, enene, ashkariliq, tözümlük" mawzusidiki nöwettiki 16 - Omumiy yighini bolup ötti.
http://www.kazpravda.kz Din élindi.
Sürette, prézidént n. Nazarbayéf qazaqistan xelq assambléyisining orunbasar reislikige saylanghan "uyghurlarning jumhuriyetlik medeniyet merkizi" jemiyetlik birleshmisining reisi exmetjan sherdinof qatarliqlarni tebriklimekte.
Yighingha 70 memliketning wekilliri, diplomatiyilik wakaletxanilar we xelqara teshkilatlarning bashliqliri, qazaqistanning merkiziy ijraiy organliri, jumhuriyetlik we rayonluq étno - Medeniy birleshmilerning rehberliri, parlamént députatliri, siyasiy partiyiler we diniy konféssiyiler wekilliri we bashqilar qatnashti.
Astana yighinida sözge chiqqan qazaqistan xelqi assambléyisining reisi, prézidént nursultan nazarbayéf yighin qatnashquchilirini qazaqistan xelqi assambléyisining 15 yilliq tewelludi bilen qizghin tebriklidi.
U, qazaqistan dölitining deslepki künliridin bashlapla, xelqler dostluqi we birlikige chong ehmiyet bérilgenliktin, qazaqistan xelqining meqset we wezipiliri bir nishangha - Qazaqistanning güllinishige, uning xelqaradiki hörmitining ösüshige, ahalining turmush - Tirikchiliki derijisining yaxshilinishigha, tinchliq we xatirjemlikning teminlinishige qaritilghanliqtin qazaqistanning bu utuqlargha érishkenlikini alahide tekitligen. Prézidént bu jeryanda dölet asasiy qanuni we xelq assambléyisidin ibaret ikki uluq qedriyetning mezkur utuqlarni qolgha keltürüshke zémin yaratqanliqini eskertken.
Prézidént n. Nazarbayéf xelqaradiki weziyet, bolupmu dunyaning her qaysi jayliridiki étnoslar ara toqunushlar, ularning kélip - Chiqish seweblirini éniqlash, hel qilish yollirini izlesh, xelqler we döletler ara dostluqni we ishenchni kücheytish mesililiri üstidimu toxtalghan.
Yighinda sözge chiqquchilar prézidént n. Nazarbayéfning assambiléyining bügünki kündiki ishigha, elning tereqqiyati hemde xelqler we dinlar otturisidiki birlikni we razimenlikni qolgha keltürüshtiki paaliyitige yuqiri baha berdi.
Shundaqla milliy birlikni mustehkemleshke munasip hesse qoshqini üchün assambiléyining bezi ezaliri "qazaqistan xelqi assambléyisining jemiyetlik 'birlik' altun médali" bilen mukapatlandi hemde assambiléye reisining yéngi orunbasarliri saylandi.
Bu lawazimgha qazaqistan okrainlirining rada ittipaqining prézidénti yuriy timoshénko we "uyghurlarning jumhuriyetlik medeniyet merkizi" jemiyetlik birleshmisining reisi exmetjan sherdinof saylandi.
http://www.rfa.org/uyghur/xewerler/tepsili_xewer/uyghur-wekili-qazaq-milletler-ansambili-10272010202409.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.
