Maralbéshiliq 50 Din Artuq Déhqan Qeshqer Waliy Mehkimiside Naraziliq Bildürdi

Muxbirimiz Shohret Hoshur
2010-10-22

Xitay hökümitining baj we séliqlirining köplüki we tügimeywatqanliqigha narazi bolghan maralbéshi nahiyisidiki bir qisim déhqanlar aldinqi hepte qeshqer wilayetlik wali mehkimisige bérip, mehkime qorusida topliship olturuwélish sheklide naraziliq bildürgen.
Naraziliq herikitige 50 din artuq kishi qatnashqan we heriket arqa-Arqidin 2 kün dawam qilghan. Axiri maralbéshi nahiyisidiki dairiler waliy mehkimisige kélip, déhqanlargha mesilisini hel qilidighanliqini éytip ularni aldap élip ketken.

Maralbéshi nahiyisi 2000 ‏- Yili, déhqanlarning qolidiki bir qisim yerlerni tawar yer dep békitip, uningdin yuqiri bahada yer heqqi élishqa bashlighan. Déhqanlar tawar yerlerge her yili, 400 yüendin yer heqqi, 100 yüendin su heqqi we yene bashqa séliqlarni tapshurup, bu yerlerdin héchqandaq payda alalmighan.

Déhqanlar köp qétim teklip sunup, tawar yerlerge élinidighan yer heqqini bikar qilishni telep qilghan. Emma, ularning awazigha qulaq sélinmighan. Axiri ötken jüme küni bir türküm déhqanlar qeshqer wilayetlik waliy mehkimisige bérip, mehkime qorusida jim olturuwélish sheklide naraziliq bildürgen.

Düshenbe künige kelgende maralbéshi nahiyisidiki dairiler, waliy mehkimisige kélip, déhqanlargha mesilisini hel qilidighanliqigha ait wedilerni bérip ularni élip ketken.

Yuqiriqi déhqanning melumatidin qarighanda, qeshqerdiki hökümet dairilirining kolliktip naraziliq heriketlirige muamile qilish usulida bu yil özgirish bolghanliqi körülmekte, emma mesilini hel qilishta déhqanlarning menpeetini közde tutidighan-Tutmaydighanliqi aldimizdiki künlerde melum bolghusi.

http://www.rfa.org/uyghur/xewerler/tepsili_xewer/qeshqerde-dixanlar-naraziliqi-10222010190839.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.