Yéngisarda Déhqan Bolmaq Tes- (1)
Muxbirimiz Shöhret Hoshur
2009-01-07
Muxbirimiz Shöhret Hoshur
2009-01-07
Hörmetlik oqurmenler, qeshqer wilayitining yéngisar yézisidiki bir déhqanning özi ishlep tarqatqan shikayet filimide körsitilishiche, yéngisar nahiyisining déhqanliri aldinqi yili omumyüzlük halda jiyangdu térishqa mejburlanghan؛ buning bilen bille yene barangliq qoghun térishqa buyrulghan.
Oqurmenlirimiz ewetken 'yéngisarda déhqan bolmaq tes' namliq sin - Alghudin élindi.
'Yéngisarda déhqan bolmaq tes' sin - Alghusidin élinghan bu sürette, yéngisarliq uyghur déhqanliri özlirining shikayetnamisini oquwatqan körünüsh.
Bu pilan eqlidin ötmigen déhqanlargha nahiye rehberliri ichkiri ölkiler bilen köp miqdarda jyangdugha toxtam tüzgenlikini bildürgen. Yil axirida bolsa, jyangdu mehsulatlirini alidighan xéridar tapalmighan. Déhqanlargha éghir ziyan bolghan.
Déhqanlar qandaq qilish kérekliki heqqide yol sorighanda rehberlik mewjut jyangdularni yuliwétip , ornigha qayta jyangdu térishni buyrighan. Déhqanlar bu ehwalgha naraziliq bildürüp nahiyige barghinida mesilini sorash emes, eksiche tutqun qilinghan.
Xitay xelq jumhuriyitining yéza igilik pen téxnikisini omumlashturush qanunida, déhqanlargha her qandaq bir téxnikini mejburlashqa bolmaydighanliqi, déhqanlarning ishlepchiqirishta özi xalighan téxnikini qollinishi kérekliki belgilengen, mezkur qanunning 20 -Maddisida hetta eger, qaysi bir guruh yaki teshkilat déhqanlarni pen- Téxnika jehette mejburlighan bolsa, jawabkarliqqa tartilishi we tölem tölishi kérekliki belgilengen.
Biraq yéngisar nahiyisining partkom sékrétari, öz dölitining qanunigha we ilmiy tériqchiliq qanuniyetlirige xilap halda, déhqanlargha wezipe chüshürgen. Déhqanlar bu ehwalni aptonom rayongha shikayet qilish üchün ürümchige barghinida, yéngisar saqchiliri arqisidin yétip kélip tutqun qilghan.
Yuqiridiki awaz ulinishidin, muxbirimiz erkin tarimning bu heqtiki melumatining tepsilatini anglaysiz.
Hörmetlik oqurmenler, yuqiridiki awaz ulinishidin, yéngisar déhqanlirining shikayiti heqqidiki anglitishimizning birinchi qismini anglaysiler. Dawamini etiki programmimizda anglitimiz.
