Muxbirimiz Weli
2009-01-12
Amérika bilen xitay otturisida diplomatik munasiwet ornitilghan 30 yil heqqidiki mulahiziler dawamlishiwatidu.
AFP Photo
2008 - Yili 8 - Yanwarda, amérikining muawin tashqi ishlar ministiri jon négropantéy béyjingda amérika-Xitay déplomatiye ornatqanliqining 30 yilliqini xatirilesh paaliyitide xitay muawin prézidénti shijinping bilen söhbette.
Xitay tarixtin buyan pütün asiyagha we dunyagha xoja bolush iradisidin waz kechmidi
Gérmaniyide turuwatqan uyghur yazghuchisi Korash Atahan mulahiziside, aldi bilen xitay dölitining tarixtiki eneniwiy idéologiyisini teswirlidi.
Korash Atahanning qarishiche, xitay döliti tarixtin buyan sirtqa qarita insanperwerlik, dostluq, muhebbet we tinchliqni chetke qaqidighan, yéqin etraptiki milletlerge kéngeymichilik qilip, ularni assimiliyatsiye qilishqa urunidighan idéologiyini qollinip, axirqi hésabta pütün asiyagha we dunyagha xoja bolush iradisidin waz kechmidi.
Amérika -Xitay diplomatiye ornatqan 30 yilda, xitaygha güllinish, küchlinish pursiti keldi, uyghurlargha kelmidi
Amérika -Xitay diplomatiye ornatqan bu 30 yilda, amérika xitayning sirtqa qarita kéngeymichilik, ichki jehette békinmichilik siyasitige tinch halda tesir körsitish bilen birge, xitaygha iqtisadiy jehette güllinish, siyasiy jehette küchlinish pursiti élip keldi. Emma uyghurlargha bundaq paydiliq purset élip kelmidi.
Xitay yenila uyghurlargha düshmenlik qilish, kéngeymichilik qilish enenisidin waz kechmidi
Yazghuchi Korash Atahanning qarishiche, bu 30 yilda, amérika özi oylighinidek muweppeqiyetke érishelmidi. Gerche xelqaraning jiddiy türtkiside, xitaylar hökümet üstidin shikayet qilalaydighan, hakimmutleqliqqe qarshi turalaydighan bolghan bolsimu, emma uyghurlar undaq qilalmaydu.
Xitaygha gherbning démokratiye endizisi kirmidi. Xitay yenila uyghurlargha düshmenlik qilish, kéngeymichilik qilish enenisidin waz kechmidi. Belki özining kéngeymichilik arzu-Istekliri üchün dawamliq teyyarliq qiliwatidu.
Xitay 'sotsiyalizm' dégenni yerlik xelqni yoqitidighan qoral qildi
Yazghuchi Korash Atahanning qarishiche, xitay uyghurlargha qarita eneniwiy kéngeymichilikini yolgha qoydi. 'Sotsiyalizm' dégenni uyghur qatarliq yerlik xelqni yoqitidighan qoral qildi.
Menbe:http://www.rfa.org/uyghur/xewerler/tepsili_xewer/sotsiyalizim-uyghurni-yoqitidu-01132009041842.html?encoding=latin
