Xitay, Tutqun Qilinghan Uyghurlarning Ailisige Ziyankeshlik Qilmaqta

Muxbirimiz Arislan

2009-10-02

Yéqindin buyan xitay dairiliri tutqun qilinghan uyghurlarning ailisige öchmenlik qilip, iqtisadigha ziyan salidighan qilmishlarni sadir qilmaqta. Qeshqer shehirining peyziwat nahiyiside, oghli 15 yilliq qamaq jazasigha höküm qilinghan bir déhqan ailisining, yéqinda 14 mo yéridiki qonaqlirini saqchilar chanap aghdurup tashlighan bolup, mana bu xitayning bu xil qilmishlirining tipik misalidur.

Youtube Din élindi.


Süret, BBC ning sin - Alghu xewiride, xitay qoralliq qisimlirining, 10 - Iyul küni, bir top uyghur ammisining jume namizidin kéyin ténchliq bilen élip barghan, tutulghan qérindashlirining qoyup bérilishini sorap namyish qilghan namayishchilarni urup - Soqup tutuwatqan körünüshlerdin biri.


Biz igiligen melumatlargha qarighanda, xitay saqchiliri ötken yilimu, bu ailining 12 mo yerge térighan kéwezlirini échilish aldida buzup aghdurup tashlighan iken.


Bu ailining oghli 2007 ‏- Yili sot mehkimisi teripidin bölgünchi teshkilatning bashliqi bolghan dep eyiblinip 15 yilliq qamaq jazasigha höküm qilinghan bolup, xitayda dairiliri ikki yildin biri ularni oghli bilen körüshtürmigen.


2009 - Yili 7 ‏- Ayda körüshtüridighanliqini bildürgendin kéyin, türmidiki kishining adiljan we tahirjan isimlik ikki inisi we bir achisi uni körüshüsh üchün ürümchige barghanda, "5 ‏- Iyul ürümchi weqesi" yüz bergen. Shuning bilen adiljan we tahirjan iz déreksiz yoqap ketken. Achisi inilirini bir yérim ay izdep tapalmighandin kéyin, peyziwatqa qaytip ketken. Bu aile hazirghiche ikki oghlidin héch qandaq xewer alalmighan.


Biz bu heqte toluq melumatqa érishish üchün bu ailining istanbulda yashawatqan küyoghul eysajanni ziyaret qilip, söhbet élip barduq.

Menbe: http://www.rfa.org/uyghur/xewerler/tepsili_xewer/xitay-ziyankeshliki-10022009193121.html/story_main?encoding=latin


Yuqiridiki awaz ulinishidin, bu heqtiki melumatimizning tepsilatini anglaysiler.