Gérmaniyining Frankfurt Shehiride Échilghan Xelqara Kitab Yermenkisidiki Uyghur Tizmisi

Muxbirimiz Weli
2009-10-20

Gérmaniyining frankfort shehiride échilghan xelqara kitab yermenkiside, muhajirettiki uyghur teshkilatlirimu özining démokratik paaliyetlirini kitab, resim we widio filimliri bilen dunyagha körsetti.

Sürette, xitay muawin prézidénti gérmaniye kitap yermenkisini körgezme qilghanda, tamashibinlar xitay démokiratchi, kishilik hoquq aktiwist lyu shiyawboning qeyerdiligini sorighan pilakit kötürüwalghan körünüsh.

Gérmaniyining frankfort shehiride échilghan xelqara kitab yermenkisi, xuddi dunya olimpik musabiqisidek bir chong paaliyet bolup ötti. Hazir frankfortta turuwatqan uyghur yazghuchisi köresh ataxanning bayan qilishiche, muhajirettiki uyghur teshkilatlirimu bu yermenkide özining démokratik paaliyetlirini kitab, resim we widio filimliri arqiliq dunyagha körsetti.

Bu yil gérmaniyide échilghan kitab yermenkisige, xitayning muawén dölet reisi shi jinping 3000 artuq adem bashlap barghan idi. Köresh ataxanning hés qilishiche, xitay bu yermenkide özini dunyagha köz - Köz qilghili emes, belki özining ajizliqini ashkarilighili, bolupmu démokratik döletler bilen bolghan perqini ashkarilighili kelgen iken.

Uyghur yazghuchisi köresh ataxanning bayan qilishiche, gherb yazghuchiliri, bu qétimqi xelqara kitab yermenkiisige kelgen xitaylarning hergiz ras gep qilmaydighan kishiler ikenlikini téximu éniq biliwalghan.

Biz bu yermenkidiki uyghur kitab tizmisining tesiri heqqide uyghur yazghuchisi köresh ataxan bilen téléfon söhbiti élip barduq.

Menbe: http://www.rfa.org/uyghur/xewerler/tepsili_xewer/frankfurtta-uyghru-tizmisi-10202009200755.html/story_main?encoding=latin

Yuqiridiki awaz ulinishidin, bu heqtiki söhbitimizning tepsilatini anglaysiler.