Muxbirimiz Erkin Tarim
2009-10-02
Xitayning dölet bayrimigha bir kün qalghanda yeni 30 - Séntebir saet 18:45 de, memet tursun uyghur isimlik uyghur istanbuldin enqerege kélip xitayning enqerede turushluq elchixanisigha bomba tashlighan.
AFP Photo
Süret, 8 - Awghust künidiki namayishta özige bénzin chéchip ot qoyuwetken memet tursun uyghur türkoghli "yashisun sherqi türkistan!" dep tawlimaqta. Éghir yaridar bolghan memet tursun ependi qutuldurush mashinisi bilen doxturxanigha élip kétilgen. Memet tursun ependi 4 - Ayning 3 - Küni istanbulda olimpik meshilini öchürüshke temshilip muweppeqiyetlik bolalmighan iken.
Emma u ikkinchi bombini tashlash aldida turghanda, uni türk saqchiliri tutup ketken. U hazir enqerening sinjan rayonidiki sinjan türmiside tutup turulmaqta.
Xitay elchixanisigha étilghan bomba ot qoyup bérish üchün ishlitilidighan bomba bolghachqa, xitay elchixanisigha anche köp ziyan yetküzelmigen. Türük saqchiliri bügüngiche muxbirlarni xitay elchixanisining aldigha yéqinlashturmaywatidu.
Biz igiligen melumatlargha asaslanghanda, memet tursun uyghur 7 kündin kéyin sotqa élip chiqilidiken.
Memet tursun uyghur 2008 - Yilliq olimpik musabiqisining xitayda ötküzülüshige naraziliq bildürüsh üchün xitayning enqere elchixanisida namayish ötküzülgende, özige ot qoyup naraziliq bildürgen idi. U, bedinige bénzin chéchip, ot yaqqanda türk saqchiliri ot öchürüsh mashinisi bilen öchürüwalghan bolsimu, emma u éghir yarilanghan idi.
Memet tursun uyghur yene 2008 - Yili 4 - Ayning 3 - Küni istanbulda béyjing olimpik meshilini élip qéchishqa urunghan idi. Memet tursun uyghur qandaq bir kishi? u néme üchün bu yolni tallighan? u uyghur mesilisi heqqide némilerni oylaytti? bu soallargha jawab tépish üchün, uning ayali we dostliri bilen söhbet élip barduq.
Menbe: http://www.rfa.org/uyghur/xewerler/tepsili_xewer/memet-tursun-bomba-10022009193125.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.
