Rabiye Qadir Xanim Yéngi Zélandiyide
Muxbirimiz Shohret Hoshur
2009-10-12
Dunya uyghur qurultiyining reisi rabiye qadir xanim düshenbe küni etigen saet 7 :35 minut ötkende yéngi zélandiyige yétip bardi. Rabiye xanim okland ayrodromida, yéngi zélandiye parlamént eazsi Keith Locke teripidin kütüwélindi.
Süret, 2009 - Yilliq nobil mukapati namzatliqigha körsitilgen asasliq kandidatlar tizimligi bolup, süette, astinqi qatar soldin rabyiye xanim, iordaniye shahzadisi ghazi bin muhemmed bin talal, xitay aktiwést xu jya. Üstinki qurda, soldin wétnamliq buddist lama ting chuangdo, kolombiye palata ezasi kordoba, konnggoliq dénis mukwégi, afghanliq doxtur we insan heqliri aktiwist sima samar qatarliqlar.
Rabiye xanim shu küni chüshtin burun, yéngi zélandiyidiki yerlik millet - Mori ziyaliyliri bilen söhbet ötküzgen. Söhbette rabiye xanim, uyghurlarning nöwettiki weziyiti heqqide melumat bergen. Mori ziyaliyliri uyghurlargha bolghan hésdashliqini bildürgen.
Rabiye xanim düshenbe küni chüshtin kéyin, mori téliwiziye istansisi bashliqining hemrahliqida mezkur téliwiziye istansisini ziyaret qilghan hem muxbirning ziyaritini qobul qilghan.
Rabiye xanimning bu qétimqi ziyaritimu majiraliq bashlanghan bolup, okland uniwérsitéti düshenbe küni etigende qararini özgertip, rabiye xanimning oqughuchilar meydanida nutuq sözlesh orunlashturushini bikar qilghan we buni bixeterlik sewebidin dep chüshendürgen. Rabiye xanimning yéngi zélandiye ziyariti yéngi zélandiyidiki béyjingperes xitaylarning naraziliqini qozghighan idi. Shunga uniwérsitétning yuqiriqi qarari bir qisim musteqil teshkilatlarning tenqidige uchrighan.
Mekteptiki oqughuchilar teshkilatliridin birining mesuli Darcy Peacock xanim söz qilip, mektepning eslide orunlashturushni bikar qilishning ornigha bixeterlik tedbirlirini kücheytishi kéreklikini, mektepning bu ishta xatalashqanliqini bildürgen. Mektepning qanun pakultitining profésisori Dawid Williams mektepning mezkur qararigha qarshi chiqqan, qanun pakultitining bir tiyatirxanisini rabiye xanimning nutqi üchün hazirlighanliqini bildürgen. U bu heqte mundaq dégen: "uyghurlarning öz awazini anglitish hoquqi bar, biz ulargha purset bérishimiz kérek."
Düshenbe küni etigende bir qisim béyjing terepdari xitaylar naraziliq namayishi üchün okland ayrodromigha 90 minut kéchikip kelgen bolup, bu chaghda, rabiye xanim ayrodromdiki mesul xadimlarning jiddiy köngül bölüshi bilen chégradin kirish resmiyetlirini püttürüp bolghan hem kütüwalghuchilarning himayiside méhmanxanigha orunliship bolghan.
Rabiye xanim paaliyetliri dawamida, mesul xadimlargha, xitaylarning özige qarshi namayishini tosmasliqini tewsiye qilghan we " xitaylar ténchliq bilen namayish ötküzüshning jinayet emesliki " ni bilip qalsun dep eskertken. Rabiye xanim bu sözliri arqiliq ürümchidiki 5 - Iyul namayishining heqqaniy bir heriket ikenlikini xatiriletken.
Rabiye xanim, düshenbe küni kechte, okland shehiridiki teywenlikler jemiyiti bilen uchrashqan we ular bilen söhbet ötküzgen. Yighindiki teywenlikler, ma yingju hükümitining rabiye xanimgha wiza bermeslik qararining xata bolghanliqini bildürgen we eger rabiye xanim bu heqte dawa achsa, dawa chiqimi üchün iqtisadiy jehettin yardem béridighanliqini bildürgen.
Menbe: http://www.rfa.org/uyghur/xewerler/tepsili_xewer/rabiye-xanim-yengi-zillandiyide-10122009210207.html/story_main?encoding=latin
