Kompartiye Qanchilik Yashishi Mumkin?


Aptori: Yarqin


Keyinki 30 yil ichide xitaygha kelgen chetel meblighi 3 tirilyon dolar.

2009.yili axirghiche Xitay soda ministirligide resmi tizimlitilghan chetel shirketlirining sani 600.0000.
Peqetla Shangxeyde 2006.yilila 20.000 chetellik shirket bar ikenligi elan qilinghan idi.

Dunyadiki eng chong 500 xelqaraliq shirkettin 450 ning xitayda zawodi,yaki shirket shöbisi bar.

Xitay istastika idarisining sanliq melumatida 1990.yili Xitayning chetelge satqan mal qimmiti 62 milyart dolar idi.
2009.yili chetelge satqan mal miqtari 1 tirilyon 200 milyart dolar.

1976.yili 9.ayda mawzedong ölgende ,dukkanlarning pokeyliride mal yoq idi.yaki nahiyiti az mal bar idi.

Yezilarda ölüm-yetimlerde 4 mitir kepenlik daka elish üchün yeziliq hökümet bashlighi shangjanning testiqi lazim idi.testiq bolmastin pul we rex bilitige rex elish mumkin emes idi.

Gosh biliti kötürüp yürüp gosh alalmighan,rex biliti bar turup rex alalmighan ahalilar her yerde perishan idi.

Halsizlinip ölüwatqan bir partiye,bir hökümet 1 milyarttin ashqan mihnetkesh xelqning möriside tirildi we zoraydi.

1978.yili.3. umumi yeghin echilghanda Deng shawpingning ,xitay we chetelliktin terkip tapqan 35000 neper meslehetchisi bar idi.

30 yil kapitalizimni pipen qilip charchighan xitay,kapitalizimgha derwazisini keng achti.
Kapital,texnilogiye,yengi ishlep chiqirish üskünliri,igilik bashqurush metodi,setish istiratigiyeliri….ni Gherip kapitalizimi elip keldi.
Xitay hökümiti yer-zimin,ishchi küchini chiqardi we shert-sharayit hazirlap berdi.

Bugün,Xitay döliti,Dunyaning mal ishlepchiqirish zawodigha aylandi.

Xitayning tereqqiyati,tashqi dunyagha mal setishni asasliq linye qilghan tereqqiyattur.
Xitaydin tashqi dunyagha setiliwatqan mallarning 60% ni,Xitaydiki chetellik shirketler we chetellik ortaqliri bolghan xitay shirketliri emilileshtüriwatidu.


Jilghilardin deryalar hasil bolup aqqandek,xitay ixtisadi tebii halda ulghuyup eqishqa,zoriyishqa bashlidi.

Bugünki Xitay koministik partiyesi,Mawzedong dewridikige oxshash,purultariyat-ishchilar sinipigha wekillik qilidighan partiye emes.
Xitay koministik partiyesi qurulush mexsidi we pirinsiplirigha tamamen zit bir siyasi partiye haligha keldi.

Xitayda,mal-mülük we ishlepchqirish,mulazimet organlirining 75%ni xususliship boldi.
Xususlishishta Türkiyedin,Firansiyedin hetta En’giliedin mu yuqiri nispetke ige.(En’giliyede we Girmaniyede dölet igidarchilighidiki mülük 44%-45% igelleydu)
Xitay koministik partiyesining qolida qalghan dölekte ait mülük 25%.

Gungchendang digen sözning Uyghurche menisi- umumi mülük partiyesidur.

Xitay we Gherip ixtisadshunaslarning tetqiqatigha qarighanda,Xitaydiki 70% ixtisad 0.4% kishing qolida.

Xitayda 70 milyon koministik partiye ezasi bar.bu 70 milyon komistik partiye ezasi arisida xiyanet,parixorluq,chiriklik patqighigha patmighanlar intayin az.

Bugün xitayda bay bolghan chong we ottora derijilik soda guruhliringing,shirketlerning xujayinlirining yltizini sürüshte qilsingiz mutlaq yuqirida bir emeldargha tutishidu.

Xitay koministik partiyesining merkezdin tartip her derijilik partiye teshkilati,chiriklik,parixorluq,xiyanetchilik zenjiridin ibarettur.

Ökten ayning 24.küni Uyghur aptonom rayonluq partikomning shujilighidin uzaqlashturulghan Wang lochüwen,shu künila,Mrmliketlik (中央政法委) merkizi siyasi qanun komititining muawin shujilighigha östürüldi.
Bu ehwal, oghrini ambargha qarawulluqqa belgiligendek ish mesmu?

Wang lochüwen bashliq bolup tayinlen’gen orun Xitayning qanun orunlirini kontirol qilidighan merkez.
Wang lochüwen “7.5” Ürümchi weqeside,200 Xen millitini öz ichige alghan 1000 din artuq gunasiz kishining ölümidin jawapkar bolghan qatil.uningdin bashqa Wang lochüwenning,Xitay dölitidiki eng chong xiyanetchi ikenligini ispatlaydighan,10 yildin beri toplan’ghan arxiplar,”merkizi siyasi qanun komititi”da.Wang lochüwen bolsa bu merkezning beshigha kelip olturdi.
Xitayda yolsuzluq we xiyanetchilikning tüzilishidin ümit kütüsh mumkinmu?


Armiye ichide,qanun,soda,bankichiliq,kanchiliq,nefit-gaz,tiransiport,qurulush- binakarliq,ormanchiliq,yeza igilik…. Qaysi sahege baqsingiz semirip ketken, eyshi-ishret ichide ,ghemsiz yashwatqan Xitay koministik partiyesining kibirlik emeldarlirini körisiz.

Xitay koministik partiyesi ezaliri arisida Markisizim,Lininizim,Mawzedong idiyisige choqunidighan birmu adem barmidu? ularning choqunidighini pul.
Ular,peqetla Mawzedongning “hoquq bolsa hemme bolidu” digen sözinila esta saqlighanlar.

Koministik partiye ichide partiyege sadaqet yoq.menpetke bolghan sadaqet bar.

Bunchiwala chirip ketken bu partiye nimishke aghdurulup ketmeydu?

Jawap; her bir partiye ezasi,her bir emeldar özini qoghdash üchün partiyeni qoghdashqa mejbur.

Eger,Xitay koministik partiyesi aghdurulup ketse,barliq zalim xiyanetchi emeldarlar dargha esilidu.qanunsiz qolgha kirgüziwalghan bayliqliri musadire qilinidu.

Xitay koministik partiyesining her derijilik emeldarliri özini qoghdash üchün partiyeni jan-jehli bilen qoghdashqa mejbur.

Armiye,saqchi,qanun,teshkili,ixtisadi,teshwiqat organliri,birdek halda Xitay koministik partiyesini qoghdiyalghandila özlirini,imtiyazlirini we ailisini qoghdap qalalaydu.

Xitay komintik partiyesini qoghdaydighan yene bir yimirilmes tashqi küch bar.u bolsimu,Xitaygha meblex salghan chetel kapitalisliri.

Xitaygha 3 tirilyon dolar meblex salghan kapitalistar tashtin yagh chiqirishni ügen’gen,yüzi yumshaq yürigi tash insanlardur.

Shangxeyge keyinki 15 yil ichide selin’ghan meblex 200 milyart dolar bolup,buning ichide chetel meblighi 46 milyart dolardur.40 milyart dolar paydini elip chiqip ketip boldi.ana desmi texiche Shangxeyde.

Bugün Shangxey Saqchi idasrisining tizimligide,Shangxeyde muqim olturwatqan 200 ming Teywenlik,100 ming Shanggangliq,25000 ming gheriplik ,jemii 325000 ming kapital igisi bar.

Kona shangxeydin,yengi sheher Pudunggha 15 yil ichide 3 milyon adem köchürüldi.
Bu 3 milyon adem olturghan eski binalar tamamen yiqilip yengi binalar yasaldi.
Bir chetellik muxbirning bu toghruluq yezip kelip “eger,Londunda 3 milyon ahalini bashqa bir yerge köchüridighan bundaq bir zor qurulush pilani bolsa 100- 150 yilda tamamlinip bolishi mumkin idi.bundaq tiz möjiziwiy muwapiqiyet peqetla kishilik hoquqni tonimaydighan xitay koministik partiyesining rehberligidila emelge ashalaydu”dep yazghanlighini oqudum.

Ökten ay echilghan we 6 ay uchuq turidighan Xangxey xelqara soda yermenke binasi 5 kuwadirat kilomitir yer üstige selin’ghan bolup, 18000 shangxeylik ahalini köchüriwetish bedilige selin’ghan.Gherip mutixessisliri teripidin lahiyelinip selin’ghan bu heshemetlik binaning astida 18000 lawbeyshingning köz yeshi we xatiresi bar.

Uyghur xelqining qan we köz yashliri,nefit we gazgha aylinip turobba arqiliq Shangxeyge kelgen bolup,Shangxeydiki 8000 yengi heshemtlik binani öz ichige alghan 19 milyon 210 ming nopusluq Shangxeyni kechiliri yurutmaqta.keche we kündüz qanche yüz minglighan motur,istanuklarni herketlendürmekte.

Chetellikler ishlitiwatqan zawod-pafirikilarda,kanlarda ishlewatqan xitay ishchiliri her künige 14-16 saet ishlitilmekte.her küni ölüm,yaridarlinish wqesi bolup turidu.kan besiwelip her küni ottora hesap bilen ölüwatqan Xitay ishchining sani 50 din artuq.naraziliq namayishliri qilghanlar tutup orulidu.eghir jazalargha tartilidu. Xitay ishchilirining köp qismi ijtimai parawanliqtin mehrum.

Shanggangning arqa baghchisi,öz waxtida Ling zeyshüy En’giliyening epiyonlirini köydürüwetken yerning 100 kilomitir yeqinida bolghan Dong guwen asasen chetelliklerge ait 18000 shirketke tewe 100 mingdin artuq zawod-pafirikida 5 milyon aqqun ishchi ishleydu. Bu ishchilar,18.esirkiki amerikining qara qul ishchilirigha oxshash eghir shert-sharayit ichide ishlimekte.her küni ish qazasida ölgen yaki özini öltürüwalghan ishchilarning ölügü zawodlardin chiqip turidu.
Maash intayin tüwen,bezi ishchilar bir ay ishlep yataq,tamaq pulini ötep qeriz bolup qeliwatqanlar bar.

Guwangdung ölkisige kelip ishlewatqan dihqan aqqun ishchilar eghir kisel bolup qelip özini yaki ayalini dwalitish üchün puli yoq, oghul yaki qiz balisining boynigha texta esip kochilarda setishqa chiqiriwatqan ishlar dawamliq uchirap toridu.

Xitayda 50 milyondin artuq qiz-ayal,shekli özgergen pahishexanilarda wujudini setip jan beqishqa mejbur qilinmaqta.

Xitay mapyaliri,xelqaradiki pahixe tijaritini allaburun Rus mapyasining qolidin tartiwelip boldi.
Dubeydiki mihmanxanilarda we Gherip döletliridiki pashixanilarda xitay qizlirini ishlitish modagha aylandi.

Chetelde,Xitay ishchilarning pajiyesi toghrusida köp tetqiqat maqaliliri elan qiliniwatidu.

Wetinimizde bolsa,ishsiz xelqimiz qilay disimu ish yoq.xelq ach we pewrishan.
İsh telep qilghan yashlirimiz,put-qoligha koyza-kishen selinip ishqa apirilidighan turmilarda ishqa elinidu.
İshsiz Uyghur yashlar,bir sotkida 16-20 saet ishlep pul tepish bextigimu ige ems.
Uyghur yashliri,qanchilik eghir ish bolsimu qilip,axshimi öyige bir-ikki nan elip kilish pursige ige bolalmay,turmilarda chirip ketiwatidu.

Xitay hökümiti,her yili emgek küchi sepige yengi qoshulup kirgen 20 milyon kishini ishqa orunlashturushqa mejbur.

Xitayning yeza -qishlaqlirida künligi 1 dollardinmu tüwen kirim bilen yashwatqan we Sheherlerde tepilghusi ishlarni kütüp turiwatqan yene 200 milyon emgek küchi bar.

Xitay koministik partiyesi we chetellik kapitalistlar,ortaq menpeti üchün Xitay ishchilirini,dihqanlirini xuddi jugazda kendir-zaghun izip yagh chiqarghandek,izip yeghini chiqiriwatidu.

Xitayda erzan we sighortisiz ishchi mewjut bolghan muddetche,kapitalizim dunyasi xitay koministik partiyesini qet’i himaye qilishni dawamlashturidu.

Gherip kapitalislirini heyran qalduriwatqini shuki,demokiratik döletlerde 6 ay-1 yilda hel qilip beridigha bir qurulush pilanini, xitayda bir heptide hel qilip alalaydu.zawod,yaki bina salidighan zimin üstidiki öylerni bir kechidila saqchilar kelip köchürüp teyyar qilip beridu. 6 ay,1 yil ichide asman pelek binani selip,pulini yanchughigha selip dölitige berip eyshi-ishret süreleydu.

Kapitalislar desmi ,pilan,eqilni chiqiridu.Xitay emeldarliri hoquqini demsi qilip qoyidu. Ortaq bay bolush,ortaq “döletni güllendürüsh” Xitay koministik partiyesining emeldarrliri bilen chetellik kapitalistlarni ayrilalmaydighan qan qerindashlargha aylandurp qoydi.

Xitaydiki ishchilar sinipining eng chong düshmini,ishchilar sinipigha asiliq qilghan xitay koministik partiyesidur.

Xitay koministik partiyesining qolida 3 chong demsi bar;

1.yer-zimin. Asasi qanunda “Yer-zimin dölekte ait” dep yazilghan.Xitaylarghimu,Chetelliklergimu 49-99 yillik kiralanmaqta.
Öyler setilsimu,öyning orni dölekte ait.hemmeylenning mülükini,xitay koministik partiyesi güröge alghan ehwal astida.

2.Xitay ishchilar sinipi. Xitay hökümitining bugün qolida kozur qilip tutuwatqan 2 tiriyon 400 milyart nex zapas dolar (bu yil axirida 3 tirilyon bolush ihtimali bar) Xitay ishchilar sinipining qan-terining miywisi.

3.Xitay dihqanliri,yeza nopusi bilen sherherlerde yalanma ishchi bolup ishlewatqan dihqan ishchilarning sani250 milyondin artuq.aqqun ishchilarning sughurtisi yoq.masshi intayin tüwen.yashash sharayitliri bek nachar.ish qazasida ölüm nispiti eng yuqiri bolghanlar yene aqqun ishchilar.

Yuqirdiki 3 amil xitay koministik partiyesining ömrüni uzartiwatqan uzuq bolmaqta.

Eger,Xitay ishchilar sinipi we aqqun ishchilar heq-hoquqini qoghdash yolida teshkillinelise we “yer-zimin dölekte ait” digen qanun maddisi emeldin qaldurulsa,Xitay koministik partiyesi bir künmu artuq yashiyalishi mumkin emes.

Xitay koministik partiyesining ömrini uzartiwatqan yene bashqa qoshumche amillarmu bar.ularni tüwendikiche bayan qilip öyteyli;

1.Xitay xelqi ajiz we tarqaq.teshkillik paaliyet elip berish sharayitidin mehrum.
Amerika we Yawropa elliri, hazirche koministik partiyeni aghdurush terepdari emes.

2. "Xitay memuri kadirlar shöyiweni"ning 2009.yilliq bir tetqiqat dokiladida Xitaydiki birinji qol emeldarlarning 50% ni üstide xiyanetchilikke chetishliq dilo bar ikenligini elan qildi.
ular partiyeni qoghdap qalghan muddetche özlirini qoghdap qalalaydu.

70 milyon Xitay koministik pariye ezaliri özini we haramdin tapqan baylighini qoghdash üchün,Partiye hakimiyitini qoghashqa mejbur.

3.Qolidin ish kilidighan Xitay ziyaliliri,Xitay koministik partiyesi teripidin hoquq we pul,shöhret bilen dawamliq setiwelinmaqta we parixorluq,xiyanetchilik,chiriklik patqighigha paturulmaqta.

Bugün koministik partiye ezaliri arisidiki ottora we yuqiri derijilik rehbiri kadirliq wezipisini ötewatqanlarning hemmisi digüdek uniwersitit melumatigha ige kishiler.bir qismi kespi mutexessisler.ular ailisining bayashatlighi üchün partiyeni angliq himaye qilidu.

4.Xitayda bugün, 875000 neper milyonir. 155000 ming milyardar bar.bu baylar we ularning aile-tabawatliri koministik partiyeni himaye qilidu.
Bular,Eger komistik partiye yiqilsa,ichki urush partlap qalsa chetelge qechish,yengi demokiratik hakimiyet ghelbe qilsa derhal qollash teyyarliqliri bar kishiler.amma,mewjut hakimiyetni aghdurushqa hesse qoshmaydu.

5.Xitay xelqi,tarixta tunji qetim öz dölitining eng küchlük halgha kelgenligige we xelqaradiki abiroyining eshiwatqanlighigha shahit bolup yashimaqta.
ilgirki 30 yilda döletni weyran qilghan,keyinki 30 yilda döletni kücheytken yenela Xitay koministik partiyesi dep qarimaqta.
2008.yildiki Beyjing olimpiyat yeghini, 2010.yildiki Xangxey xelqara soda körgezmisi,Xitay millitining milliy ghururini ekilitidighan tarixi hadisilerning bir qismidur.

5.Xitay milliti 5000 yilliq tarixi jeryanida tunji qetim ach qelish wehimisidin xali dewirde yashawatidu.turalghu jay mesilisidimu közge körünerlik yaxshilinish mewjut.

6.Sheher ahaliliri 20-40 yillik banka qerzige boghulup turup öy setiwaldi we setiwalmaqta.
Her ayda bankigha bir miqtar qeriz ötesh besimi, ularning eqlini eng köp meshxul qiliwalghan mesile bolup,döletning,milletning teqdirini oyliyalughidek pisxologiyelik rahetlik ichide emes.

7.Xitay ichide her qandaq bir muxalip partiye,tashkilatning otturigha chiqishi mumkinchiligi yoq.

Xitaydiki eng chong muxalip küch erizdarlar qoshuni bolup,erizchilerni hemme sheherde her küni tutup solap turidighan saqchchi qisimliri bar.

Kishilik hoquq paaliyetchiliri teshkilsiz we tarqaq bolishigha qarimay qattiq besim astida.
Xitaydiki Meshhur kishilik hoquq qoghdughuchisi Liu shaobo,pütün dunyaning narazilighigha qarimay 11 yilliq qamaq jazasigha höküm qilindi.
Biraq,Liu shaoboning soti boluwatqan küni Beyjingdiki u sot mehkimisi aldida naraziliq bildürgen kishi sani 100 nepergimu yetmeytti.

8.Xitayning cheteldiki muxalip herketliri ajiz. Chetelde yashwatqan 60 milyondin artuq xitay muhajiri arisida siyasi muxalip küchlerni qollighuchilar köp bolsimu,kapital igiliri xitay bilen qoyuq soda alaqisi ichide bolghachqa,yiterlik ixtisadi yardemge erishelmigen xitay demokiratchiliri siyasi küchinimu birlikke keltürgen weziyette ems.

9.Her 5 neper Shanggangliqtin 3 neperining xitay ichide tijari menpeti bolghachqa we bu menpetlerge partiye sayiside erishkechke , kompartiyening ömrüning uzun bolishi tileydu.shunga Erkin Shanggangda küchlük qarshiliq ammiwiy paaliyetliri yoq.yaki bek ajiz.

9.Teywendiki kapital igilirining 3 tin ikkisining Xitay chong qurughlighida meblighi bar.zawod-pafirikiliri bar.
Teywendiki kompiyotur,qol telipuni we bashqa iliktironik shirketlirining Xitayda ghayet zor ishlepchiqirish merkezliri bar. peqetla Dongguwende Teywenliklerge ait 57000 pafirika bar.bu zawod-pafirikilarnining xujayin we mutixessisliri bolup 110 ming Teywenlik Gongguwende yashaydu.Teywenliklerning özige ait bashlan’ghuch,ottora,toluq ottora mektepliri bar bolup,derislik kitapliri we oqutquchiliri Teywendin elip kelin’gen.

Bir yilliq waxtining eng az digende yerimidin köpirekini Xitay chong qurughliqida ötküziwatqan Teywenlikning sani 1 milyon etirapida. Yeni 30 neper Tewenlikning birsi xitayda yashaydu digen gep.

Her yili uniwersitit imtihanidin ötüp,oqush üchün ixtisadi bolmighan Teywenlik oqughuchilar türküm-türkümlep Xitay chong qorughliqidiki uniwersititlarda pulsiz oqutulmaqta,yiterlik turmush puli ,yaxshi sharayitlar yaritilip berilip mengisi yuyulmaqta.
Hazir Xitayda, hökümitining ixtisadi yardimi bilen oquwatqan Teywenlik oqughuchilarning sani 100 mingdin ashidu.

Xitay chong qurughlighidinmu ölke derijilik kadirlarning yitekchiligide soda ömekliri Teywen’ge berishqa bashlidi.
Bu hepte sichüwen ölkilik partikomning shujisi Liuchibao bashchilighidiki 800 kishilik soda hey’iti Teybiyde,Teywenlik 100 din artuq shirket bilen 1 milyart 300 ming dollarliq soda kilishimi imzalidi.
Ölke derijilik bu xil soda heyetliri buningdin keyin her ayda bir qetim nöwetlishipTeywenni ziyaret qilish pilanlanmaqta.

Yuquridiki maddilar xitay koministik paryiyesining ömrini uzartishqa yardemchi boluwatqan qoshumche amillarning bir qismidur.

Dunya bankisining 2006.yilliq raporida,Xitay bankiliri dölet ichide tarqatqan qeriz puldin 1996 – 2005.yilliri arisida 450 milyart dollarning buxargha aylinip ketishige sewepchi bolghan (Xitay hökümiti bu reqemni 180 milyart dolar deydu).bu puullarning mutlaq köp qismi parixor emeldarlar,qabiliyetsiz tuqqanlirigha elip bergen qerizler bolup,pullar bozup-chechilip tügep ketken.bankilargha qaytip kelmigen.


Xitay dunya soda teshkilatigha 2001.yili eza bolup kirdi. Resmi ezaliq shertliri 2014.yili tamamlinishi lazim.
gherip döletliri,Xitayni dunya soda teshkilatigha elishini 1994.yili qarar qilghan bolup,2014.yilighiche Xitayning ixtisadi jehettinla emes,siyasi tüzüm jehettinmu erkinlishini qolgha keltürüshni nishan qilghan.
Gheripning,Xitay ixtisadining güllinishige aktip hesse qoshushidiki axirqi ümidi shuning üchün idi.

1. 2014.yil,yaki u waqitqiche, xitay koministik partiyesi,partiyening ismini özgertishi mumkin.Xelqning koministik partiyedin hesap elishigha imkaniyet bermeslik sherti astida asta-asta demokiratik yolgha qarap mengishi mumkin. Chünki,erkineshkensiri chonguyiwatqan ixtisadi gewde,siyasi tüzümdin ibaret kiyimge sighmaydighan derijide zoraymaqta.
Eger,siyaset yenila tar we qattiq turiweridighan bolsa,xuddi,su toshup ketiwatqan,amma,tar echilghan qapqaqlargha sighmighan su,asta-asta ulghuyup su ambirining siminit tosmilirini birdinla yimirip elip ketkendek,siyasi tüzüm, ixtisadi tashqinliqning xani-weyranchilighigha uchirishi mumkin.

2.Eger 2014.yilimu ismini özgertip köp partiyelik tüzümge mangmisa,koministik partiyeni aghdurghuchi ichki-tashqi küchler yenila ajiz halda qalsa ,ömrini uzartish arzusidiki Xitay koministik partiyesi,Armiyeni ishqa selip,Orta asiyagha,yaki Hindistan’gha weya Wetnamgha quralliq hujum bashlash arqiliq,ichki muxalipetni qattiq basturush pursitini yaritishi we keng külemlik tazilash herkiti elip berishi mumkin.

Xitay,Teywen'ge bolsa qet’i hujum qilmaydu.eger,Xitay armiyesi Teywenni yoq qilidighan buyruq tapshurup alsa,Tewenni emes,koministik partiyening özini yoqutiwetishi mumkin. Chünki xitaylarning öz milliti ichide ikki zor qoshun’gha ayrilip öz millitini qirghin qilidighan nadanliq xaraktiri 20.esirde qaldi.
Eger,Teywen bilen xitay arisidiki ziddiyetning küchiyishige amerika pilte yaqsa belkim urush ihtimali otturigha chiqishi mumkin.

3.Xitay koministik partiyesi,xitayda hakimiyet beshida bolghan muddet ichide,xitay,dunya tichlighigha tehdit merkizi bolup qalidu.
Amerika bashchilighidiki gherip döletliri,Xitayning mewjut tüzimidin rahetsizliq his qilip tursimu,dunyawiy ixtisadiy kirzistin chiqiwelish üchün xitay koministik partiyesige ihtiyaji bar.
İxtisad mutixesisliri,ixtisadi kirzisning 2012.yilighiche,hetta 2015.yilighiche dawam qilidighanlighini perez qilmaqta.

Yengi bir ixtiasdi kirzisning 2015.yilliri etirapida xitayning öy-mülük saheheside partlap,bankichiliq-pul muamile sahesige kengiyip,Xitayning siyasi hakimiyitini yeqish bilenla qalmay,dunyagha tarqaydighanlighi toghrisida mulahizilirini otturigha qoyuwatqan Xitay we gheriplik ixtisadshuaslarmu bar.

Xitay koministik partiyesining ixtisad shunasliri bolsa,bu pikirlerni ret qilip,sotsiyalistik tüzümde ixtisadi kirzis bolmaydighanlighini ilgiri sürmekte.

Xitay koministik partiyesining ömrining axirlishishi yaki dawamlishishining Sherqi Türkistan’gha we Uyghurlargha bolghan tesiri heqqide ayrim toxtilimiz.

“Milletlerning öz teqdirini özi belgülesh” neziryesining ijatchisi Karil Markis bolsimu, Eng eghir milliy zulum koministik partiye hökmiranlighi astida höküm sürmekte.

Kominizimningmu ijatchisi Karil markistur.Merkis Yehudi millitining mutepekkuridur.
Eger,kominizim heqiqeten paydiliq bir tüzüm bolidighan bolsa idi,Yehudilar bu paydidin waz kechip,Kominizmni Xitaygha tashlap berip qarap turarmidi?

Sewit koministik partiyesi hakimiyet beshigha kelip,hakimiyitini 70 yil sürdürdi.
Xitay koministik partiyesi hakimiyitini sürdürüp keliwatqili 60 yidin ashti.
Sewit koministik partiyesining ömridin,Xitay koministik partiyesining ömri uzun bolushi natayin.

Sewit ittipaqining birdinla qachan gumiran boluishini texmin qilghan palchilar bek az idi.
Chirigen Xitay hakimiyitining,biz texmin qilmighan tiz we ani yemirlish mumkinchiliginimu nezerdin saqit qilmaslighimiz lazim.


2010.5.20-27


Paydilan’ghan matiryallar;

DRAGON RISING
An ınside Look at China Tuday
(kitapning Uyghurche terjimisi- yashnawatqan ejderha )

http://news.ifeng.com/mainland/detail_2010_05/26/1553628_0.shtml
海南大力整治房地产和建筑领域腐败现象
2010年05月26日

http://www.peacehall.com/news/gb/pubvp/2010/05/201005201040.shtml
http://www.peacehall.com/news/gb/pubvp/2010/05/201005260043.shtml
http://news.ifeng.com/mainland/s ... 10040_1612453.shtml
http://news.ifeng.com/mainland/201004/0424_17_1612449.shtml
人民网北京4月24日电 （记者戴岚）中共中央决定，王乐泉兼任中央政法委副书记
http://www.peacehall.com/news/gb/china/2008/10/200810271148.shtml

最高人民法院院长王胜俊昨天（2008年10月26日）向全国人大的报告中披露，“近五年来，在判处的罪犯中，原县处级以上公务员4525人，同比上升百分之七十七点五二。”
http://www.peacehall.com/news/gb/china/2009/12/200912101236.shtml
中国行政学院公共管理教研部教授竹立家认为，从2009年查处的贪腐案件来看，目前最重要的趋势是“一把手”成为贪污腐败渎职犯罪的重灾区。一些资料数据显示，“一把手”犯案比例超过50%。
http://www.peacehall.com/news/gb/china/2008/11/200811291441.shtml

90 年代初，有一次，我到华盛顿拜访陈香梅。谈话间说到中国出现的腐败现象，陈香梅说，中国腐败带头人就是邓小平家族。她指出，邓琳到香港搞画展，香港资本家变相的送钱给邓琳，高价买下她的画， 500 万一幅， 600 万一幅，她的画那里值那个钱。同时，陈香梅也提到了邓朴方办康华公司的事。

http://www.peacehall.com/news/gb/china/2010/01/201001041348.shtml

http://www.peacehall.com/news/gb/china/2010/03/201003030109.shtml
…..

报道说，据统计，2009年因涉贪落马的内地省部级高官共有17人，他们的平均学历均为硕士以上，如广东省邮电管理局前副总经济师刘钊是博士后，他涉嫌挪用公款共计3800万元人民币。「高学历」是贪官仕途晋升的重要依据，多数贪官的发迹史多是先由「学历腐败」开始，职务提升后再走向「经济腐败」。胡星斗教授认为，目前中国一些官员的学历「水分」很多，政府部门成为最大的博士、硕士聚集地，
http://www.peacehall.com/news/gb/pubvp/2009/09/200909202315.shtml
http://www.peacehall.com/news/gb/pubvp/2009/06/200906220953.shtml
近年来，我国黑心法官枉法恶判、枉法恶执的势头，逐步由点到面，从地下蔓延到地上，黑心法官迅速崛起，成为社会动荡的主要源头。2006年5月下旬，河南省高院出动200多名法官，集中接待上访者。4天时间竟接访了7000多人次。2008年6月26日，广州市在全国范围内率先试行的市长、区长（局长）、镇长三级联动接访活动引发全城轰动。6月26日上午，在广州市市长张广宁接访点，近万名市民冒雨排队上访，场面十分壮观。加上市内其它接访点，上访市民达数万名，而参与此次活动的政府工作人员也有近万人，如此大规模的接访在全国尚属首次。百姓的冤情可见一斑。司法腐败已经动摇国之根本，这决不是危言耸听！
http://www.peacehall.com/news/gb/pubvp/2010/01/201001130539.shtml
http://www.peacehall.com/news/gb/pubvp/2009/07/200907021111.shtml
http://www.peacehall.com/news/gb/pubvp/2008/12/200812280003.shtml
http://www.peacehall.com/news/gb/pubvp/2007/05/200705302259.shtml

http://blog.ifeng.com/article/5516974.html
http://blog.ifeng.com/article/5472045.html
中国严查工程建设领域腐败 57名厅级官员受处分
2010-05-20 23:34:40


中国从去年7月开始集中开展工程建设领域突出问题专项治理工作。监察部副部长郝明金20日介绍，截至今年4月底，全国共受理工程建设领域举报线索17269件，立案9188件，结案8656件；给予党政纪处分5241人，其中地(厅)级57人，县(处)级611人；移送司法机关处理3058人。

http://finance.ifeng.com/opinion/macro/20100506/2150108.shtml
叶檀：中国经济最大的问题不是泡沫是腐败
http://news.ifeng.com/opinion/detail_2009_11/14/1358367_0.shtml
中国腐败的外国根源
http://news.ifeng.com/opinion/ph ... /19/1365890_0.shtml
石齐平：中国经济 需重视效率和腐败问题
http://news.ifeng.com/opinion/detail_2008_06/11/1356986_0.shtml
反腐败到底是不是中国的头等大事
http://news.ifeng.com/world/2/detail_2008_05/22/1438513_0.shtml
外媒：中国全力安置受灾民众 铁腕预防赈灾腐败
http://news.ifeng.com/opinion/detail_2008_05/22/1343963_0.shtml
美联社：中国用铁腕预防赈灾腐败
http://news.ifeng.com/opinion/detail_2007_11/09/1315398_0.shtml
面对权力家族腐败 中国该怎么办？
http://finance.jrj.com.cn/2010/05/2517047525548.shtml
2010年中国绿色工业论坛背景
http://finance.cqnews.net/top1/201005/t20100526_4357341.htm
美方承诺将迅速承认中国市场经济地位
http://www.ce.cn/cysc/newmain/pp ... 0526_20397907.shtml
浙江出生亿万富豪人数最多 京沪堪称创业之都
http://www.ce.cn/cysc/newmain/yc ... 0402_20359832.shtml
北京9400个亿万富豪全国居首 千万富豪平均39岁
昨天，胡润百富发布《2010胡润财富报告》，截至2009年底，全国有875000个千万富豪和55000个亿万富豪，分别比去年增长6.1%和7.8%，但《2010胡润财富报告》并未统计香港、澳门和台湾地区。………
截至2009年底，除香港、澳门和台湾地区之外的全国31个省、直辖市、自治区中，千万富豪已达875000个，相比去年增长6.1%。875000这个数字还包括55000个亿万富豪，亿万富豪人数比去年增长7.8%。
　　其中，北京有151000个千万富豪和9400个亿万富豪，排名第一。广东有145000个千万富豪和8200个亿万富豪，排名第二。上海有122000个千万富豪和7300个亿万富豪，排名第三。北京、广东、上海三地千万富豪人数占全国的近一半。
http://www.ce.cn/macro/more/201005/25/t20100525_21444556.shtml
http://www.ce.cn/macro/more/201004/16/t20100416_21283380.shtml
http://www.ce.cn/ztpd/xwzt/guonei/2009/jdzg/index.shtml
新中国成立60年
http://www.bbc.co.uk/zhongwen/si ... ichuan_taiwan.shtml
四川官员在台湾下13亿美元订单

http://www.bbc.co.uk/zhongwen/si ... na_corruption.shtml
中国商务部原高官因受贿囚12年

http://www.bbc.co.uk/zhongwen/si ... 0_china_graft.shtml
中国近期大量腐败案涉四万亿刺激计划

http://www.wetinim.org/forum/viewthread.php?tid=8515