1. Birinchi derijilik mukapatning nami: „M.Kashgheri Mukapati“ bolsun
--------------------------------------------------------------------------------
2. Ikkinchi derijilik mukapatning nami: „E.Newai Mukapati“ bolsun
--------------------------------------------------------------------------------
3. Üchinchi derijilik mukapatning nami: „A.Uyghur Mukapati“ bolsun
--------------------------------------------------------------------------------
4. Birinchi derijilik mukapatning nami: „Istiqlal Mukapati“ bolsun
--------------------------------------------------------------------------------
5. Ikkinchi derijilik mukapatning nami: „Wetenperwer Mukapati“ bolsun
--------------------------------------------------------------------------------
6. Üchinchi derijilik mukapatning nami: „Elyazari Mukapati“ bolsun
--------------------------------------------------------------------------------
7. Birinchi derijilik mukapatning nami: „M.Kashgheri Mukapati“ bolsun
--------------------------------------------------------------------------------
8. Ikkinchi derijilik mukapatning nami: „Yüsüp Xas Hajip Mukapati“ bolsun
--------------------------------------------------------------------------------
9. Üchinchi derijilik mukapatning nami: „E.Newai Mukapati“ bolsun
--------------------------------------------------------------------------------
10. Manga hichqaysisi yaqmidi. Méning pikrim töwende
--------------------------------------------------------------------------------
Siz tewe ishletküchiler guruppisining bélet tashlash hoquqi yoq
Sinaq layihe
Wetinim Uyghur Munbiri Mukapati Resmi Yolgha Qoyulidu!
http://www.wetinim.org/PDF-0024/Sinaq-layihe.pdf<<
Nadir Eserler Ijadiyet Mukapati Heqqide
Birinchi: Nadir Eserler ijadiyet Mukapatining
Dairisi we Mezmuni
1. Nadir Eserler Mukapati 2010 – yili 10 – ayning 10 – küni resmi bashlinidu.
2. Tunji nöwetlik mukapatining mudditi 2010 – yili 10 – ayning 10 – künidin 2011 – yili 1 0- ayning 10 – künigiche bolidu.
3. Mezkur mukapat weten ichi – sirtidiki Uyghur qelemkeshlirige bérilidu.
4. Mukapat üchün qobul qilinidighan eserning zhaniri cheklenmeydu. Milliy menpietimiz üchün paydiliq bolghan herqandaq eser mukapat namzati bolalaydu.
5. Nadir Eserler Mukapatigha namzat bolghan eserlerning ijadiy eser we ilghar terjime esiri bolushi shert qilinidu.
6. Mukapatliq eserlerni wetinim uyghur munbiri biwaste yaki wastiliq halda qobul qilip, „Nadir eserler ijadiyet mukapati“ sehipiside élan qilidu.
7. Tunji nöwetlik mukapatliq eserlerni bahalash xizmiti 2011 – yili 10 – ayning 10 – küni bashlinip, 2011 – yili 1 0- ayning 17 – küni netijisi élan qilinidu.
8. Tunji nöwetlik Mukapat 3 derije boyiche bérilidu. 1 – derijilik mukapatning nami: „M.Kashgheri Mukapati“ , 2 – derijilik mukapatning nami „Newai Mukapati“ 3 – derijilik mukapatning nami „Abduxaliq Uyghur Mukapati“ .
9. Nadir eserler mukapatigha érishküchilerge neq puldin sirt, wetinim uyghur munbirining altun, kümüsh we mistin yasalghan mukapat midali qoshup bérilidu.
10. 2011 – yili 11 – ayning 11 – küni tunji nöwetlik nadir eserler mukapatini tarqitish murasimi ötküzülidu. Herqaysi döletlerdin mukapatqa érishküchiler bir yerge jem bolup, daghdughuluq murasimda mukapat tapshurup alidu. (Weten ichidin mukapatqa érishküchilerge mukapat sommisi we midallar öz qanallirimiz bilen yetküzilidu).
Ikkinchi: Mukapatliq Eserlerni Bahalash
1. Wetinim uyghur munbiride „Nadir eserlerni namzat körsitish“ paaliyiti uyushturilidu. Tor bétimiz ezaliri teripidin „nadir eser“ dep qaralghan 10 dane eser ray sinash usuli bilen tallap chiqilip, mukapat namzatliqigha körsitilidu.
2. 30 kishidin terkip tapqan mexsus „Nadir eserlerni bahalash komitéti“ tesis qilinidu. Bahalash komitéti ezaliri mutleq biterep halette, tor bétimizda ray sinash arqiliq tallanghan 10 dane eserdin üch dane eserni üch derije boyiche bahalap békitidu.
3. Bahalash komitéti ezaliri muhajirettiki uyghur mötiberliri, ziyaliliri we qelem igiliridin terkip tapidu. Bahalash komitéti ezalirining herqandaq partiye – goruh yaki éqimgha teweliki étibargha élinmaydu.
4. Bahalash komitetigha ezaliqqa teyinlengen kishilerning eserlirimu mukapat namzati bolalaydu.
5. „Nadir eserler mukapati“gha namzat körsitilgen eserler her yili toplam qilinip bésip tarqitilidu.
Üchinchi: Mukapatliq Eserlerni Bahalash Komitéti Ezalirining Deslepki Tizimliki:
Eskertish:
Bahalash komitéti ezalirining tizimliki ayrim élan qilinidu.
Wetinim Uyghur Munbiri Mukapati Toghrisida
Eziz wetendashlar,
Teshwiqattin ibaret bu qoralning qudritining büyük impiriyilerni halak qilishqa, milyardlarche insanni itaet astida tutup turushqa, kishilerning dunya qarashlirigha qeder tesir körsitip, hayatini tizgin astigha élisqa qadir ikenlikini tarixla emes, köz aldimizdiki réalliqlarmu ispatlap turuptu.
Bir döletning öz xelqini idare qilishtiki eng ünümlik qoralining miltiq emes, belki teshwiqat ikenlikini, mustemlikichilerge nispeten mustemlike astidiki milletlerni boy sundurushning hemmidinmu aqilane charisining hem teshwiqat ikenlikini, asaret astidiki milletlerge nispeten mustemlike zulmidin qutulushning asasi we tunji muhim qedem basquchiningmu yenila teshwiqat ikenlikini tekrar tekitleshning eslide hich zörüriyiti yoq idi.
Millitimiz bügün toghra – durush teshwiqattin tamamen mehrum qilinghan, perzentlirimiz yesli yéshidin tartipla ménge yuyush opiratsiyisige duch kéliwatqan, tili, dini, örpi – aditi we esli – weslini bilishning muhim qorali bolghan milliy tarixidin ada – juda qilinghan bir weziyette turmaqta.
Wetinimizde zerriche milliy héssiyat yalitilghan eserlerni yézish, ézip – tézip milliy keypiyat arilashqan sözlerni qilip sélish, kimlikige mensup tereplerge bilip – bilmey sadaqet bildürüshlerning hemmisi éghir jinayet saniliwatqan qabahet bir dewir meydangha kelmekte.
Herbir Uyghurning rohi dunyasi tekshürülmekte. Herbir uyghurning uyghurluq rohi öltürülmekte. Xitaygha mutleq sadiq bolmighan herqandaq uyghur düshmen küch sanilip turmigha tashlanmaqta…..
5 – iyul qanliq qirghinchiliqi munasiwéti bilen öltürülgen, turmilargha bent qilinghan onminglighan uyghurdin bizning bilidighinimiz tayinliq. Minglighan uyghurche torbet igiliri, yazarlirining hazirghiche xitay turmisida hökümnamilirini kütüp yashawatqanliqini bilsekmu, kimlerning qanchilik jazagha mehkum qilinghinini dep bérelmeymiz. Her heptide bir qétim siyasiy öginishke qatniship, kompartiyini himaye qilish meydanini ipadileshke mejburliniwatqan uyghurning turma sirtidiki ziyalilirining hazir tipik térk jesedlerge aylanghanliqini köz aldimizgha keltürsek, wetinimiz sherqiy türkistandiki milliy teshwiqatning nöl derijige chüshkenlikini qiyas qilalaymiz.
Herqandaq éghir – yénik qarshiliqlar shepqetsizlerche basturiliwatidu. Uyghur tarixi jungxua tarixining bir parchisi süpitide xitay we xitayperesler teripidin qaytidin yézilip, millitimzning herbir ezasining méngisige mejburi quyiliwatidu. Hemme ishni „bismillahir rehmanir rehimdin“ din bashlaydighan uyghur millitining yeslidiki balisimu, ishning béshini beshyultuzluq qizil bayraqqa hörmet bildürüshtin bashlawatidu. Uyghur millitining kélichek teqdiri tarixtiki eng qorqunushluq bir basquchqa kiriwatidu!
Wetinimiz miqyasida cheklik rewishte paydilinishqa yol qoyuliwatqan intérnétta némilerning yéziliwatqanliqigha qarap béqing. Milliy teshwiqattin ayrilghan bir milletning kélichikidin kim ümid küteleydu? Cheteldiki milliy teshwiqatimizning tayini qaysi derijide boliwatidu? Wetenge qanchilik tesir körsitish imkani boliwatidu? Barliq torbetlirimiz tosuwétilipla qalmay, birdinbir ünümlik teshwiqat qoralimiz sanalghan RFA dolqunlirimu, 5 – iyul qanliq qirghinchiliqidin kéyin 150milyon dollarliq meblegh bilen qarshiliqqa uchrap, Qeshqer , xotendin tartip, ürümchi, qumulgiche dolqun tosqular ornutulup chekliniwatidu. Öyide radio saqlighan insanlarmu jazagha tartiliwatidu ….
Yighinchaqlighanda, Weten sirtidiki uyghur ziyalilirining zimmisige bir éghir mejburiyet yüklenmekte. Millitimizning uyghurluq rohini saqlap qélish, bu rohni ya öltürüsh yaki xitaylashturush yolida shepqetsizlerche meniwiy qirghinni bashlighan xitay teshwiqati bilen jantikip élishish, milliy teshwiqatni pütün küch bilen qanat yaydurup, uyghur rohini düshmendin talishish kürishige atlinish wezipisi yüklenmekte!
Wijdanliq ziyalilirimizdin bu xizmetke izchil köngül bölüp kelgen, qurbi yetken dairide térishchanliq körsitiwatqan bir bölük kishilerni hésapqa almighanda, mutleq köpchilikimiz téngirqash, selqarash ichide xamushlarche hayat köchüriwatimiz. Wijdanimizgha, yaratqan igimizge yüz kélelmeydighan bu gheplet patqiqidin emdi sughurulup chiqmisaq pushman qilghudek pursetmu qalmayduki, her ikki dunyaliq jinayetni zimmimizge artiwélip hayattin widalishimiz!
Wetinim uyghur munbiri, „Uygur mukapati“ni tesis qilish arqiliq, chamining yétishiche bu wezipining höddisidin chiqidighan pilanlar üstide izdinip kelgili bir yildin ashti. Iqtisadiy imkanlirimiz arzuyimizgha tetür tanasip bolup, „Uygur mukapati“ni royapqa chiqirish meqsidimizge yételmey kelgeniduq. Allahning rehmiti bilen, bu ghayini emelge ashurush pursiti emdi nisip bolghan bolsa kérek. Tunji nöwetlik mukapatning chiqimining üstige alidighan bir ezimet dunyagha keldi. Biz mushu mebleghni desmi qilip, Wetinim Uyghur Mukapati terkiwidiki „Nadir eserler ijadiyet mukapati“ paaliyitini resmi bashlaymiz.
Biz ilgiri tesis qilmaqchi bolghan „Uygur mukapati“ dairisidiki hemme türlerni yolgha qoyushqa yenila qadir emesmiz. Ishinimizki, bu mukapatliq paaliyetning ijabiy roli, kéyinki qétimlarda mukapat dairisining barghansiri kéngiyishige türtke bolidu we Uyghur tarixida „Uyghur Mukapati“ namliq bu izgü paaliyetning qimmitini biz oylap baqmighan derijide namayen qilidu. Bu mukapat wetinimiz Sherqiy Türkistan azat bolghandin kéyinmu, mezmunlirini yenimu béyitqan halda dawam qilidu. Buning üchün qoshqan hessimiz qedrini ewlatlar bilidu!
„Wetinim Uyghur Mukapati“ terkiwidiki „Nadir eserler ijadiyet mukapati“ning deslepki sinaq layihisini pikir élish yüzsidin diqqitinglargha sunduq.
Elwettiki, bu mukapatning maddiy qimmitidin meniwiy qimmitining alahide yuqiriliqini hés qilalaymiz. 2 – we 3 – yilidin bashlap, mukapat sommisining barghansiri artip bérishini qolgha keltürelishimizde guman yoq. Saxawetlik, wetenperwer kishilirimiz ichidin, Her yili bir yilliq mukapatning chiqimini zimmisige alghuchilarning choqum chiqidighanliqigha ishinimiz.
Bu sinaq layihide otturigha qoyulghan pikirlerdiki kemtüklik we xataliqlar toghrisida dadil pikir qatnashtursaq bolidu. 10-ayning 10 – küni <
Allah Uyghurning müshkülini asan qilsun!
Hörmet bilen:
Uyghur Tekin
Bu heqtiki ilgiriki izdinishlirimizgha munasiwetlik témilarni töwendiki linkilerdin körüng:
http://www.wetinim.org/forum/vie ... &extra=page%3D1
http://www.wetinim.org/forum/vie ... &extra=page%3D1
http://www.wetinim.org/forum/vie ... &extra=page%3D1
Menbe: http://www.wetinim.org/forum/viewthread.php?tid=9952&extra=&page=1
