Tursun Ghopurning Közini Éliwétish Weqesi Herbiy Mexpiyetlik Dep Qaralghan
Muxbirimiz Shohret Hoshur
2010-09-08

Biz ötken hepte erzdar tursun ghopurning qeshqerdiki bir herbiy meshq meydanida partlash qazasigha yoluqqanliqi we qutquzulush jeryanida bir saq közining éliwétilgenliki heqqide melumatlar anglatqaniduq. Bügün tursun ghopurning erz jeryani heqqide melumat bérimiz.

www.peacehall.com Din élindi.

Süret, 2010 - Yili 18 - Awghust, uyghur erzdar tursun ghopur béyjingdiki melum köwrük astida boshün tori muxbirining ziyaritini qobul qiliwatqandiki körünüshi.

Melum bolushiche, tursun ghopur hazirgha qeder erz üchün béyjinggha 21 qétim barghan. Uning erzi 17 yildin béri merkez bilen yerlik otturisida bir-Birige ittirilip hel bolmay kelgen. Erzning ret qilinish sewebliridin biri, mezkur weqening dairiler teripidin herbiy mexpiyetlik dep qarilishi bolghan.

Erzdar tursun ghopur we ailisi qeshqerde ötküzülgen bir herbiy manéwirning hem doxturghanidiki sirliq bir qutquzush opératsiyisining qurbanigha aylanghan. Bu ailidin bir kishi weqede neq meydanda jan özgen, bir kishi erz üstide hayatidin ayrilghan, ikki kishi méyip bolghan.

Bu aile duch kelgen uwalchiliq, hazirghiche hökümetning héchqandaq bir tölem yaki hésdashliqigha érishelmigen. Eksiche, weqening pakitliri herbiy mexpiyetlik dep qarilip, erz ret qilinip kelgen.

http://www.rfa.org/uyghur/xewerler/tepsili_xewer/tursun-ghupurning-kozi-09082010202304.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.