Muxbirimiz Shohret Hoshur
2010-09-02
Beden organliri etkeschiliki xelqara qarangghu bazardiki chong sodilarning biridur. Xitay beden organliri etkeschiliki mesiliside xelqara jamaetning izchil tenqidige uchrap kéliwatqan bir dölet.
www.peacehall.com Din élindi.
Süret, 2010 - Yili 18 - Awghust, uyghur erzdar tursun ghopur béyjingdiki melum köwrük astida boshün tori muxbirining ziyaritini qobul qiliwatqandiki körünüshi.
Nöwette béyjingda mökünüp yürüwatqan erzdar tursun ghopurning erz hékayisi, uning beden organliri etkeschilikining ziyankeshlikige uchrighanliqi heqqide isharetler bermekte.
Dunya soda teshkilatining bir doklatida bayan qilinishiche, yiligha dunyada 70000 etrapida kishining böriki yenggüshlinidu؛ yenggüshlengen börekning 90 % i xelqaraliq qarangghu bazardin sétiwélinidu. Buningdin bashqa köz qatarliq organlarmu, mezkur bazardiki etiwarliq mallardin biri.
Yéqinda shwétsariyige kélip siyasiy panahliq tiligen bir uyghur saqchi, beden organliri etkeschilikining uyghur élida yillardin béri dawam qilip kéliwatqanliqini pash qilghan. U uyghur élida ölüm jazasi bérilgen mehbuslarning beden ezalirining, oghriliqche yötkep sétilghanliqi heqqide guwahliq bergen we bu weqe xelqara jamaetning küchlük diqqitini tartqan.
Nöwette béyjingda möküp yürüwatqan uyghur erzdar tursun ghopurning erz hékayisi, uyghur élidiki ene shu weziyetning yene bir ispati süpitide ashkarilanmaqta.
Erzdar tursun ghopurning bayanliridin qarighanda, u dunyada beden organliri etkeschiliki dégendin ibaret bir sodining barliqidin xewersiz؛ u közining éliwétilishini, inisining ölüm weqesining ashkarilinishining aldini élish, dawaning aldini tosush dep chüshinip kelgen.
Alaqidar yazma melumatlarda körsitilishiche, bir dane közning beden organliri etkeschilik baziridiki qimmiti 150 ming dollar.
http://www.rfa.org/uyghur/xewerler/tepsili_xewer/erzdar-tursun-ghupur1-09022010210842.html/story_main?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.
