Xitayda Yene Ikki Uyghur Urup Öltürildi
Muxbirimiz weli
2010-01-20

Öz muxbirimizning xewer qilishiche, bügün xubéydiki béywushö shehirining ahaliliri intérnét arqiliq, mushu hepte ichide bu sheherde yüz bergen xitaylar uyghurlarni urghan bir weqeni ashkarilidi.


Intérnét arqiliq ashkarilanghan uchurlardin melum bolushiche, düshenbe küni wuxen shehiride, xitaylar uyghurlarni urghan bir weqe yüz bergen. Weqede az dégende bir uyghur urup öltürülgen, éghir yarilandurulghan yene bir uyghur doxtorxanida dawalash ünüm bermey ölgen.

Seyshenbe küni bir qisim uyghurlar toplinip sheherlik hökümetning aldigha bérip naraziliq bildürgen. Xitay saqchiliri buninggha qatnashqan ademlerni tutup ketken.

Muxbirimiz bügün béywushö shehirige téléfon qilip, bu weqening tepsilatini bilishke tirishti. Saqchi idarisining bir xadimi muxbirimizgha qopal muamile qilip téléfonni üzüwetti.

Özini neq meydanni körgen oqutquchi dep tonushturghan yene kishi muxbirimizgha 'bu weqede ikki adem öldi. Uyghurlarning qanunsiz heriketliri hazir bu sheherning ahalilirida ensizlik peyda qiliwatidu' dégen.

Bu weqe yüz bergen neq meydangha yéqin jaydiki bir méhmanxana xadimi muxbirimizgha 'weqe deslep balilar otturisida yüz bergen urush-Jédeldin bashlanghan. Emma bu weqening netijisi toghrisida hökümetke naraziliq bildürgen uyghurlarni hazir saqchilar méhmanxanida tutup turuwatidu' dep bayan qilghan.

Erkin Asiya Radiyosi Xewiri