Muxbirimiz Ekrem
2010-01-01
5 - Iyul ürümchide yüz bergen qanliq qirghinchiliqtin kéyin, uyghurlarning téléfon hem intérnét alaqisining téxiche eslige kelmigenliki, uyghurlarning eng eqelli kishilik heq - Hoquqi bolghan alaqe erkinlikini xitayning hazirghiche depsende qilishi uyghurlarning gumanlirini ashurup, barghansiri ümidsizlendürmekte idi.
Mushundaq bir peytte, yawrupa parlaménti teripidin xitayning bu insaniyetsizlikini eyibleydighan bir qanche qarar qobul qilindi. Bularning biri fransiyining strasburg shehiride chaqirilghan yawrupa parlaméntining omumi yighinida qobul qilinghan uyghurlar we tibetliklerge dair qarardin ibaret.
Solana ependining xéti
D u q bash shitabidikiler yawrupa ittipaqining bash katipi we tashqi ishlar ministiri solana ependidin bir xet tapshurup alghan. Bu xet, d u q bash shitabi yéqinqi künlerde yawrupa ittipaqigha eza döletler rehberliri we yawrupa parlaméntidin tapshurup alghan jawab xetler ichidiki wekil xaraktérlik bir xet bolup hésablinidiken.
Solana ependi bu xetni, d u q teripidin qurultay reisi rabiye xanim namida ewetilgen xetke jawaben shexsi namidin hem yawrupa birlikige wekaliten yazghan.
Yawrupa birliki uyghurlar mesilisige jiddiy köngül bölmekte
D u q bash katipi dolqun eysa ependi, yawrupa ittipaqining bash katipi we tashqi ishlar ministiri solana ependining xétide ekis etken mezmun toghriliq qisqiche melumat berdi.
Dolqun eysa ependining bildürüshiche, yawrupa ittipaqining bash katipi we tashqi ishlar ministiri solana ependi, öz xétide yawrupa ittipaqining uyghurlargha izchil köngül bölüp kéliwatqanliqini, uyghurlarning yawrupa ittipaqidin ümidsizlenmeslikini tekitligen.
Xitay bilen bolghan dialogda uyghurlar mesilisi asasiy téma
Solana ependi xétide yene, yawrupa ittipaqi bilen xitay otturisidiki kishilik hoquq söhbitide, uyghurlarning insaniy heq - Hoquq mesilisining intayin muhim bir téma ikenlikini alahide eskertken we kéler qétimliq xitay bilen bolghan kishilik hoquq dialogida, uyghurlar mesilisining asasiy mesile süpitide tilgha élinidighanliqini qeyt qilghan.
http://www.rfa.org/uyghur/xewerler/tepsili_xewer/uyghur-kishilik-hoquqi-yawropada-01012010185619.html?encoding=latin
Yuqiridiki awaz ulinishidin, bu heqtiki melumatimizning tepsilatini anglaysiler.
