Tutqun Mehbube Ablesh Heqqide Toluqlima Melumatlar
Muxbirimiz Shöhret Hoshur xewiri
2008-09-08
Mehbube ablesh heqqide bügün aptonom rayonluq ayallar birleshmisidin we uning bir qisim dostliridin melumat igiliduq. Mehbube ableshning dostliridin biri bügün radiomizgha élxet arqiliq yetküzgen melumatida, ikki ayning aldida uyghur rayonluq dölet bixeterlik xadimlirining mehbubeni birqanche qétim soraq qilghanliqini bildürdi.
Photo: RFA
Mehbube ableshning waqti éniq bolmighan bir parche süriti. Bu süretni radio anglighuchilirimizdin biri radiomizgha ewetken.
U yene, mehbubening sichüendiki yer tewreshke uyghurlardin iane toplash mesilisi we béyjing olimpikining bixeterlik tedbirliri heqqide tor betlerde pikir bayan qilghanliqini bildürdi. Emma u, mehbubening tor bettiki pikirlirining xitayning qanunlirigha xilap gepler emeslikini, eksiche, mehbubening tutqun qilinishining özi xitayning qanunlirigha xilap ikenlikini eskertti.
Biz ikki künning aldida aptonom rayonluq ayallar birleshmisidin mehbube ablesh heqqide melumat sorighan iduq. Biraq, biz bügün tekrar téléfon qilghinimizda qanaetlinerlik jawabqa érishelmiduq.
Mehbube ableshni yéqindin tonuydighan we uzun mezgil pikirdash dost bolup munasiwet qilip kelgen yene bir inkaschi, özining mehbube ablesh bilen 4 ayning aldida téléfonda körüshkenlikini bildürdi.
Yuqiridiki awaz ulinishidin, bu inkaschi bilen mehbube ablesh heqqide ötküzgen söhbitimizning tepsilatini anglaysiler.
