Sherqiy Türkistan Jumhuriyiti Sürgündiki Hökümitining Bayanati

Essalamu eleykum Sherqiy Türkistanliq eziz wetendashlar, söyümlük qérindashlar.
Buningdin 4 yil burun yeni 2004-yil, 14 - Séntember küni Amérikining paytexti Washingiton sheheri kapital Hillgha jaylashqan Amérika dölet mejlisining Merike zalida Sherqiy Turkistan xelqi uzundin zariqip kütken Sherqiy Türkistan Jumhuriyiti sürgündiki hökümiti tentene bilen dunyagha kelgenidi. Mana bügün Sherqiy Türkistan milli azatliq dawasidiki bu uluq tarixiy ehmiyetlik weqege 4 yil toshup, Sherqiy Türkistan Jumhuriyiti sürgündiki hökümiti 4 yashqa kirdi.

Biz Sherqiy Türkistan dawasigha yeghiche hösün qoshqan bu qutluq kün munasiwiti bilen weten we ichi sirtidiki barliq Sherqiy Türkistanliq wetendash-qérindashlirimizni ching dillirimizdin qizghin tebriklep, ularning uluq wetinimmizning musteqilliqi yolidiki küreshlirige zor muwapiqiyetler tileymiz.

1. Bu ötken töt yil 2001-yili "11-September Waqiesi" sewebidin bashlanghan xelqaraliq "Térorizimgha qarshi urush" éghir sinaqlargha duch kelgen, dunya démokratiye küchliri qattiq tosqunluqqa uchrap, démokiratiye lagiri bilen riaksiyon küchler otturisidiki hayat-mamatliq küresh ewjige chiqqan dolqunluq yillar boldi… Hitay Komménist Hökümiti (HKH) xelqaragha "térorizimgha qarshi küresh" qiliwatqanlighini jakarlap, ichkiy jehette Sherqiy Türkistan, Tibet, Ichkiy Mongghuliye assimilatsiye we érqiy qirghinchiliqni asas qilghan Dölet térorizimi siyasitini dawamlashturdi. Uyghur xelqi siyasiy, ihtisadiy, ijtimaiy, diniy, mediniy-maarip, Til-yéziq qatarliq hemme jehettiki eqelliy insaniy heq-hoquqliridin mehrum qilindi. Bügün Sherqiy Türkistan shu weten igiliri bolghan eziz xelqimiz üchün "Üsti Ochuq Türme" ge, xensular üchün "jennet" ke aylandi.

2.Béyjing olimpiktin paydilinip, Sherqiy Türkistan we Tibettiki qirghinchilighini téximu kücheytti. Uyghur xelqi 4-, 10-, 12- we 27- Aughustlarda qozghulup, Qeshqer, Kuchar, Yighi sheher, Peyziwatlarda Hittay quralliq saqchiliridin 20 ge yéqinini öltürüp, 10 din artuqini yaridar qildi. Bu heriketlerde hojumning tigh uchi Béyjing dölet térorizimining diktator wastilirigha qaritilghan bolup, uninggha 15 yashliq kucharliq qiz, 25 yashliq qehriman shehid ayal-Anargularmu qatnashqan. Ular özlirining issiq qanliri bilen Sherqiy Türkistanning Uyghur xelqining ana wetini ikenlikini, Uyghurlarning Xenlerning qol astida qetiy birge yashiyalmaidighanliqini, Uyghurlar musteqil dölitini eslige keltürmey, hör-erkin bolalmaydighanliqi heqqidiki mustehkem iradisini dunyagha yene bir qétin élan qildi. Hökümitimiz ozining bu heqtiki pirinsipal maydanini yene bir qetim élan qilshnin layiq tapti.
Sherqiy Türkistan Jumhuriyiti sürgündiki hökümiti bu milli qarshiliq heriketlirini hergizmu tirrorliq heriket dep qarimaydu, belki mezlum millitimizning oz milli mewjutlighini qoghdash yolidiki yolluq herikiti dep qaraidu. Bu herikette qurban bolghan shéhitlerni wetenning musteqilliq jengchiliri-milly qehrimanlirimiz dep tonup, ularni menggu unutmaydu! bu pidakarliqlarni qarilash, soghaq su sépish, biterep turuwélish - insanliqqa yat qilmish, basqunchilargha yan tayaq bolush, oz millitige zulum qilish-jinayet dep qaraydu. Buning aqiwétige qatmu-qat zulum iskenjisidiki mezlum Uyghur xelqi emes belki Xitay hökümiti mesul bolushi kérek. Wetinimizde yüz bériwatqan her türlük hadésiler Xitay yürgüziwatqan dölet térrorining muqerrer netijisidur.
3. Sherqiy Türkistan dawasining axirqi meqsidining Sherqiy Türkistanni Xitay zulumidin azat qilip musteqil dolitimizni eslige kelturush. Bizning xitayning zémininini bésiwélip, bayliqlirini talan-taraj qilip, ademlirini qirip - öltürgünimiz yoq. Bizning wetinimizning musteqillighi, millitimizning erkinligi üchün qiliwatqan kürishimiz tengri ata qilghan we dunya itrap qilishqa tégishlik qanuniy hoquqlirimizdur. Biz bunungdin qetiy waz kechmeymiz. Xitaylarning "Térrorist", "Bölgünchi", "diniy radikal" deydighan galpaqliri bizning musteqilliqqa bolghan ishench - iradimizni hergizmu boshitalmaydu.

4. Sherqiy Türkistanda 59 yildin béri yüz bériwatqan pajiyelerge Hitay kommunist partiysi we Hökümiti jawapkar. Dunya adil soti aldida bu jallatlardin hésap élish köz aldimizdiki muhim wezipilerdin birsi. dunyadiki barliq Sherqiy Türkistan teshkilatliri, barliq wetendashlar birlikke kélip bu qatillarni xelqara sotqa tapshurushni teklip qilimiz.
5. Sherqiy Türkistan Jumhuriyiti sürgündiki hökümiti 4 yildin buyan ozining barliq imkanietliridin paydilinip wetinimizning musteqillighi dawasida ching turup, Sherqiy Türkistan Jumhuriyiti sürgündiki hökümitining mewjutlighini saqlap keldi.Shu arqiliq dawayimiz we xelqara weziyetning réyallighi Sherqiy Türkistan Jumhuriyiti sürgündiki hökümitining dewir ruhigha mas, waqtida qurulghanlighini ispatlidi. Bizning nöwettiki wezipimiz-hökümetning qurulushini teximu mustehkemlep, paaliyetlerni janlandurup, Sherqiy Türkistan dawasigha töhpe qoshush. Nowettiki küresh shuwarimiz-Sherqiy Türkistan Xelqining jümlidin Uyghur xelqining milly mewjutlighini saqlap qélish üchün küresh qilish. Sherqiy Türkistan Jumhuriyiti sürgündiki hökümiti-Sherqiy Türkistan xelqining, uyghurlarning hökümiti. Biz xelqaradiki Sherqiy Türkistanning musteqillighini xalaydighan teshkilatlar, wetendashlarning Sherqiy Türkistanning musteqilliqini qolgha keltürüshtin ibaret bu muqeddes küreshni Sherqiy Türkistan Jumhuriyiti sürgündiki hökümiti bilen birge élip bérishqa chaqirimiz.

6. Sherqiy Türkistan Jumhuriyiti sürgündiki hökümiti Beyjing dölet térror siyasitining qurbani boliwatqan Uyghur xelqi namidin heq-adaletni söyüdighan dunya elliridin semiymilik bilen shuni soraymizki, dunya bixeterlikige éghir tehdit séliwatqan Xitaylarning ana wetinimiz Sherqiy Türkistanni bésiwilip millitimizni qul qiliwatqanlighini az dep, bügün millitimizini millet süpitide yoqutuwitishni tezleshtürmekte. Uyghurlarmu silerge oxshash insan, Uyghurlargha qilinwatqan bu tengsizlikler insaniyetke qilinghan xiyanettur. Biz démokratik ellerdin tizdin Xitay hökümitige bésim ishlitip, Xitayni Sherqiy Türkistanda yürgüziwatqan dölet térror syasitini toxtutushqa mejburlap, Uyghur xelqining musteqilliq kürishini qollap-quwetlishini ümit qilimiz.

Sherqiy Türkistan Jumhuriyiti Sürgündiki Hökümiti

2008-yili 14 - September
Sydney, Australiye