Xitay Sheherlirige Bérishni Ret Qilghan Rushengülning Akisi Qolgha Élindi

Muxbirimiz jüme xewiri
2008-05-09

Uyghur ilidin 2008 - Yilliq xitay ölkilirige ishlemchi toshush xizmiti yene bashlanghan bolup, xitay hökümitining bu yilliq pilanigha qarighanda , bu yil kesip almashturup ishqa orunlashturulidighan adem sani 1,200,000( bir milyon ikki yüz ming) adem qétimgha , xitay ölkilirige toshulidighan emgek küchini 100 ming adem qétimgha yetküzüsh pilan qilinghan.

Xitay ölkilirige ishlemchi toshushush xizmiti uyghur élining peyziwat nahiyiside bir qeder kölemlik élip bérilghan bolup, "iqtisad géziti" de körsitilishiche, bu yil 9 - Mart yene mezkur nahiyidin 243 neper qiz xitayning tyenjin, xébéy qatarliq ölkilirige élip méngilghan.

Roshengül hazir késel anisining halidin xewer élish burchini öz zimmiside élishqa mejburPeyziwat nahiye tewesidin 2008 - Yilida xitay sheherlirige bérip ishleydighanlarni tizimlash we teshkillesh xizmitining alliburun bashlanghanliqini bildürgen peyziwat nahiye yéngi mehelle yézisi tewesidiki bir kent sékrétari bu xizmetke qarshi chiqquchilar "idiyisi qalaq kishiler" dep qaraydighanliqini qoshumche qildi. Radiomizgha kelgen melumatlargha qarighanda, bu nöwet peyziwat nahiyisining her qaysi yéziliridin xitay ölkilirige ishlemchilikke élip méngilghan uyghur qizliri arisida, roshengül osman isimlik bir qizmu bar bolup, melum bolushiche, roshengülning dadisi osman yasin xéli yillar burun alemdin ötken, anisi késel, akisi öy ayrip chiqip ketken bolghachqa , roshengül hazir öyde késel anisining halidin xewer élish burchini hemde étiz - Ériq ishlirini qilishni öz zimmiside élishqa mejbur bolghan iken.

Yerlik saqchi dairiliri roshengülning akisini qolgha alghanRoshengül we ailisi hazir peyziwat nahiyisi yéngi mehelle yézisi 20 - Kentide yashaydighan bolup, yerlik hökümet dairiliri xitay sheherlirige ishlemchilikke élip méngilidighan qizlarni tizimlash üchün roshengül osmanlarning öyge kelgende , roshengül özining nöwettiki ehwalini chüshendürüp, özining késel anisining halidin xewer almisa bolmaydighanliqini, ishlemchilikke bérishqa mumkinchiliki yoqluqini chüshendürüp xitay sheherlirige bérishni ret qilghan. Lékin, hökümet xadimliri roshengülning choqum bérishi shert ikenlikini bildürüp uni mejburlighanda roshengülning akisi otturigha chüshüp qarshiliq bildürgendin kéyin , yerlik saqchi dairiliri roshengülning akisini qolgha alghan.

Biz igiligen melumatlargha qarighanda, roshengül osman, hazir gérmaniyining frankfort shehiridiki sherqi türkistan birliki teshkilatining reisi köresh ataxanning newre singlisi iken.Halbuki biz roshengül heqqide téximu tepsiliy melumat igilesh üchün yéngimehelle yézisidiki munaswetlik hökümet xadimliri bilen téléfun alaqisi qilishqa köp tirishqan bolsaqmu , yéterlik uchurgha érishelmiduq. Rushengüller ailisining özige qoshna kentte turidighanliqini bildürgen bir yéza kadiri u yézida roshengül osman isimlik bir qiz barliqini , anisining ras késel ikenlikini ispatlidi.

Köresh ataxan": bu barliq uyghur ailisi ezasining béshigha kélishi mumkin"Hazir xitay hökümiti uyghur élide élip bériwatqan uyghur qizlirini xitay ölkiliride ishqa orunlashturush heqqide toxtalghan küresh ataxan, uyghur qizlirini ishqa orunlashturush qandaqtur uyghur millitini béyitish siyasiti bolghan bolsa "xitay hökümiti bu qizlarni tengritéghining shimalidiki bay rayonlardiki ish orunlirigha ishqa orunlashturghan bolatti" dédi.

Küresh ataxan yene, eyni waqitta uyghur ilidin nurghun yash qizlar xitay ölkilirige élip méngilghanda , nurghun kishilerning intayin perwasiz muamile qilghanliqini , jiddiylik hés qilmighanliqini, bu kelgülükning peqet bir roshengül ailisining béshigha kélish bilen cheklinip qalmaydighanliqini , belkim barliq uyghur ailisi ezasining béshigha kélishi mumkinlikini , shunga cheteldiki uyghur teshkilatliri choqum bu heqte bir tedbir élishi lazimliqini bildürdi.

Menbe:http://www.rfa.org/uyghur/xewerler/tepsili_xewer/qizlar-aqiwiti-echinish-05092008205159.html/story_main?encoding=latin