Sherqitürkistan Birliki Teshkilatining Bayanati



( 2010- 1. Nomurluq )


Weten sirtida élip bériliwatqan siyasiy herikitimizning tiz tereqqiyatigha egiship, tajawuzchi Xitaylarning wetinimizde yürgüziwatqan mustemlike siyasiti barghanche kücheymekte. Perezdékidinmu téz yéngilinip bériwatqan xelqara weziyet we musteqilliq herikitimizning ichki xususiyetliri'i islahat xaraktérliq yéngiche sitratégiye we taktékilarni ortigha chiqirishimizni texirsiz telep qilmaqta.

Oxshimighan métotiki gholluq pikir éqimidikilerning pikir- qarashlirini mujessemligen asasta inqilawi heriketlirimizni téximu mukemmel pilanliq we programmiliq shekilde élip baridighan séstimigha kirgüzüsh ihtiyajidin wetenning üzül- késil musteqilliqi üchün küresh qilidighan, xelqimizni idi'ologiye jehettin yétekleydighan bir siyasi teshkilat qurup chiqishni talliduq.

Teshkilatimiz herqandaq bir gheyri siyasi küchning hamiyliqi astigha kirip qélishni xalimaydighan, wetenning üzül-késil musteqilliqi üchün izdinidighan we küresh qilidighan siyasi teshkilat bolup, ichki we tashqi munasiwetlerde töwendiki belgülimilerge emel qilidu.

Birinchi: Teshkilatimiz özining siyasi xitapnamiside otturgha qoyghinidek, xelqara qanun we insan heqliri ehdinamillirige hörmet qilidu.

Ikkinchi: Teshkilatimiz barliq xizmetlirini bir ijtima'i teshkilat sheklide emes eksiche üzül- késil musteqilliq üchün küresh qilidighan bir siyasi partiye derijiside qanat yayduridu.

Üchinchi: Teshkilatimiz „Dunya Uyghur Qurultiyi“ ni dewaning tashqi siyasettiki qanunluq wekili dep qaraydu we „Dunya Uyghur Qurultiyi“ning xizmetlirini özining siyasi pirinsipi we nizamnamisi asasida qollaydu we yéqindin hemkarlishidu.

Törtinchi: Teshkilatimiz meniwi animiz Rabiye Qadir xanimni musteqilliq herikitimizning lidéri dep étirap qilidu.

Rehbirimiz Rabiye Qadir xanimning her türlük chaqiriqlirigha qizghin awaz qoshidu we uning rehberlikini qobul qilidu.

Beshinchi: Teshkilatimiz bir siyasi partiye derijiside herikitimizning ötkür zéhniyetke, yüksek siyasi ghayige, ilmi qabiliyetke, eneniwi , milli exlaqqa hem weten- milletke shertsiz sadiq bolghan rohqa ige bir muntizim kadérlar qoshunini yétishtürüsh üchün béjanidilliq bilen heriket qilidu.

Altinchi: Teshkilatimiz inqilap sépimizdiki barliq teshkilat we jemiyetler bilen barawerlik, teqdirdashliq pirinsipi asasida zich hemkarliq ornitidu, shuningdek her sahediki meshhur shexisler we teshkilatlar ara saghlam munasiwet ornutush üchün tirishidu,hemde milliy dawa sépimizdiki aktip shexislerning teshkilatimiz ichidin orun élishini teshebbus qilidu.

Yettinchi: Teshkilatmiz dewayimizning ichki qismidiki teshkilatlar we xelqara jemiyetler her-türlük ijtima'i we siyasi qéyinchiliqlar tüpeylidin orundap kételmeywatqan bir qatar siyasi wezipilerni orundashqa tirishidu.

Shuningdek millitimizni, teshkilatlirimizni, dunyadiki erkinlikni, höriyetni yaqilaydighan barliq teshkilat we xelqlerni bu ulughwar xizmetlirimizni hémaye qilishqa chaqiridu!


Sherqitürkistan Birliki Teshkilati