Tengri alemlerni yaratqanda, biz uyghurlarni NURDIN apiride qilghan, Turan ziminlirigha hökümdarliq qilishqa buyrighan.Yer yüzidiki eng güzel we eng bay zimin bilen bizni tartuqlap, millitimizni hoquq we mal-dunyada riziqlandurghan.Hökümdarlirimiz uning iradisidin yüz örigechke sheherlirimiz qum astigha, seltenitimiz tarixqa kömülüp ketti.Uning yene bir pilani bar.U bizni paklawatidu,Uyghurlar yoqalmastur!

Thursday, October 02, 2008

Uyghurlar Xitayning Dölet Bayrimi Küni Washingtondiki Xitay Elchixanisi Aldida Namayish Ötküzdi


Muxbirimiz Erkin

2008-10-01
Her yili 1 ‏ - Öktebir küni yeni xitay dölet bayrimi küni dunyaning bir qisim döletliride yashaydighan muhajirettiki uyghurlar shu ellerdiki xitay elchixanisi aldida namayish ötküzüshni bir adetke aylandurghan.


RFA Photo

2008 - Yili 1 - Öktebir küni, rabiye qadir xanim, amérika uyghur jemiyitining uyushturushida ötküzülgen xitayning amérika paytexti washingtondiki bash elchixanisi aldidiki namayishta, namayishchilargha nutuq sözlimekte.


Xitayning amérika paytexti washingtondiki bash elchixanisi bu yil 1 ‏ - Öktebirde yene uyghur namayishchilarning qarshiliqigha uchridi. Amérika uyghur jemiyitining uyushturushida ötküzülgen bu qétimqi namayish tinch axirlashti.

Her yili 1 - Öktebirde xitay xelq jumhuriyiti we uyghur aptonom rayonining qurulush bayrimi küni, gherbtiki bir qisim döletlerde yashaydighan muhajirettiki uyghurlar shu döletlerdiki xitay elchixana we konsulxana aldigha toplinip, xitay dairilirining uyghurlargha qaratqan siyasitini eyibleydighan namayish we yighilishlarni ötküzüp kelmekte.

Amérikida élip bérilghan bu yilqi namayish yene 1 ‏ - Öktebir küni xitayning washingtondiki elchixanisi aldida ötküzüldi. Amérika uyghur jemiyiti we dunya uyghur qurultiyining uyushturushidiki charshenbe künki namayish mezkur teshkilatlar xitay dairilirini uyghur élide basturushni kücheytish, olimpik mezgilide yüz bergen qeshqer we kuchardiki weqelerni bahane qilip, qisas élish bilen tenqidlewatqan mezgillerde élip bérildi. Xitay elchixanisi aldidiki namayishchilar washington etrapida olturidighan Rabiye qadir xanim nutuq sözlewatqan körünüsh Uyghurlarni asas qilghan bolup, namayishchilar uyghurlargha erkinlik, kishilik hoquqi telep qilidighan, siyasi mehbuslarni qoyuwétishke chaqiridighan we xitay dairilirining uyghur siyasitini tenqid qilidighan shuarlarni towlimaqta idi.

Washingtondiki namayish dunya uyghur qurultiyining her yili 1 ‏ - Öktebirde dunyaning her qaysi jayliridiki xitay elchixanisi aldida namayish qilish toghrisidiki chaqiriqigha asasen élip bérilghan shu künki bir qatar namayishlarning bir qisimi bolup, dunya uyghur qurultiyi her yili 1 ‏ - Öktebirni " musibet küni" qilip békitken idi. 1 ‏ - Öktebir xitay xelq jumhuriyiti we uyghur aptonom rayonining qurulush bayrimidur. Lékin cheteldiki uyghur teshkilatlar we 1 ‏ - Öktebir dölet bayrimini tenqidleydighan muhajirettiki uyghur ammisi 1‏ - Öktebirni " uyghurlargha kéliwatqan hazirqi pütün dishwarchiliqning bashlanghuch nuqtisi," dep qarimaqta. Charshenbe künki namayish dunya uyghur qurultiyining reisi rabiye qadir xanimning yitekchilikide élip bérildi. U xitay elchixana binasining aldidiki güllük etrapigha toplanghan namayishchilargha söz qilip, xitay dairilirining uyghurlargha " érqiy tazilash" siyasiti yürgüziwatqanliqini ilgiri sürdi.

Xitay 1‏ - Öktebir dölet bayrimining uyghur élide dagh - Dugha bilen tebriklengenlik weziyiti shekillendürüshke tirishqan bolsimu, lékin bayram keypiyati bixeterlik tedbirlirining kölenggüside qélish ehwalini yoshuralmidi. Yerlik kishilerning radiomizgha eskertishiche, shu küni qeshqerning héytkar meydanida dölet bayriqini chiqirish murasimi ötküzülgen, lékin murasimda bixeterlik tedbirning qattiqliqi kishini endishige salidighan ehwalda iken. Esli uyghur élide ramizan héyt namizi charshenbe küni oqulushi kérek bolsimu, lékin dairiler héyt namizini peyshenbe künge kéchiktürgen. Weqedin xewerdar kishiler dairilerning bixeterlik tüpeyli héyt namizi bilen dölet bayrimining bir künge kélip qélishini xalimighanliqini bildürmekte.

Dunya uyghur qurultiyi reisi rabiye qadir xanim, washingtondiki namayishning muddiasi amérika xelqi we dunya jamaetchilikining diqqitini tartish, xitay dairilirining basturush siyasitige bolghan naraziliqini ipadilesh ikenlikini bildürdi. Möhterem radio anglighuchilar washington etrapidiki shitatlarda bir qisim meschitler ramizan héyt namizini charshenbe küni etigende oqughan idi. Shunga namayish ötküzülgen kün washington etrapida yashaydighan bir qism uyghurlar üchün roza héytning 1 ‏ - Küni bolup hésablinidu. Namayishchilar qoshunidiki almas ependi héytning 1 - Küni namayish qiliwatqanliqini eskertip, radiomizgha özining bu yerge kélishtiki muddiasini chüshendürdi.

Lékin xitay hökümiti cheteldiki uyghur teshkilatlirining xitay dairilirining rayonda yolgha qoyghan basturush siyasitige dair eyibleshlirini ret qilip, rabiye qadir xanim we u yitekchilik qiliwatqan dunya uyghur qurultiyini "shinjangda milletler ittipaqliqigha buzghunchiliq qiliwatqan bölgünchi küchler," dep eyiplimekte.

Yéqinda uyghur aptonom rayonining reisi nur bekri rayondiki partiye - Hökümet kadirlirigha sözligen bir nutuqida rabiye qadir xanimgha shiddetlik hujum qilghan, amérika bashchiliqidiki gherb ellirini "uning arqisidiki ighwagerchi döletler," dep eyipligen idi. Lékin rabiye qadir xanim charshenbe künki namayishtiki nutuqida xitay dairilirining uyghurlargha " érqiy tazilash" élip bériwatqanliqini ilgiri sürdi.

Uyghuristan

Freedom and Independence For Uyghuristan!

FREE UYGHURISTAN!

FREE UYGHURISTAN!
SYMBOL OF UYGHUR PEOPLE

Blog Archive