Muxbirimiz Jüme
2008-10-28
Amérika döletlik awiatsiye we alem boshluqi idarisining kaliforniye shtatigha jaylashqan bir tetqiqat ornining inzhénéri doktur erkin sidiq, alem boshluqidiki téléskopni yer shari bashqurush merkizide turup tengsheshte ishlitidighan bir yéngi téxnika keship qilghan bolup, alimning mezkur téxnika netijisi amérika döletlik awiatsiye we alem boshluqi idarisining alahide mukapatigha érishken.
RFA Photo / Erkin Tarim
Dr. Erkin sidiq türkiyidiki uniwérsitétlarda doklat bériwatqan körünüshlerdin biri.
Igilishimizche, bu téxnika téxi tunji qétim ijat qilinghan bolup, 28 - Öktebir amérika döletlik awiatsiye we alem boshluqi idarisining " keshpiyat we töhpe bashqarmisi" alimgha, mukapat buyumi we mukapatqa érishkenlik sherep guwahnamisini teqdim qilish murasimi ötküzmekchi.
Doktur erkin sidiqning bildürüshiche, u peqet hazir mukapat alghan téxnikisi bilenla toxtap qalmighan bolup, u yéqinda yene özi keship qilghan ikki xil yéngi téxnikini élan qilidiken.
Alem boshluqini tekshürüsh sahesige nurghun qolayliqlarni keltüridighan bu xil téxnikining tunji qétim bir uyghur alimi teripidin keship qilinishi, kishini tolimu hayajanlanduridighan bolup, mezkur keshpiyatlar uyghurlarning insaniyet alem qatnishi ilmige qoshqan töhpilirining namayendisi süpitide tarix bétige yézilghusi.
Yuqiridiki awaz ulinishidin, doktur erkin sidiq bilen bu heqte ötküzgen söhbitimizning tepsilatini anglighaysiler.
