Heqqaniy Dawaning Ghelbisini Tebrikleymiz!



Essalamu eleykum Rabiye ana bashliq Amérikidiki barliq qérindashlar, qandaq ehwalingizlar, ailingizdikiler obdan turiwatamdu.Bizdin ehwal sorisingizlar yaxshi turiwatimiz, bashqa ishlar jayida kétiwatidu.

Radiyodin Guentanamo xapiliqimizning pütkenlikini we axirlashqanliqini anglap teswirligüsiz xushhal bolduq.U yerdiki qérindashlirimizning hörlükke chiqqanliqi ular üchünla emes milliy zulum astida turiwatqan 20 milyondin artuq Uyghuristan xelqi üchünmu intayin qutluq we xasiyetlik bir ish boluptu.

Bu xewer Uyghuristannila emes belki pütün dunyani zil-zilige salidighan xewer boldi. Xelqimizning ahu-zari Hudagha yétti. Heqqaniyet zulmet üstidin ghelbe qildi. Pashist Xitaylarning chawisi chitqa yéyildi. Shermendichilik Adalet teripidin ret qilindi!



Biz Uyghurlar dunyada heqqaniyetning mewjut ikenlikige, zorawanliq we pashizimning haman meghlup bolidighanliqigha, milliy iradimizning uzaqqa qalmay emelge ashidighanliqigha qaytidin ishenduq!Kelgüsige bolghan ishenchimiz, insaniyetke bolghan muhabbitimiz hessilep ashti.



Biz bir Uyghur teshkilati bolush süpitimiz bilen Amerika hökümitige we heqqaniyet shemshirini tutup turghan qanun ijrachillirigha kolléktip teshekkurimizni bildürimiz we ulargha minglarche éhtiram bildürimiz.

Amerika xelqining we Amerikidiki sizlerge oxshash qérindashlirimizning ularning teqdirini ongshash yolida körsetken barliq japaliq tirishchanliqliringizlargha semimiy rehmetimizni éytimiz.

Biz bu xewerni anglap intayin hayjanlanduq, özimizni basalmiduq, köz we qulaqlirimizgha ishenmiduq, chanaqlirimiz issiq yash bilen nemdeldi. Amerikigha rexmet, bizdek bir mezlum xelqning ümüdini yerde qoymidi. Bizning sulghun chirayimizni düshmen aldida qan-yashqa boyimidi. Bizning qaraniyet tajawuzchilar aldida qeddimizni yene bir qétim tikliwélishimizgha yol échip berdi. Bizde "Künning yérimi ayding, yérimi qarangghu" dégen hikmetlik söz bar. Biz Uyghurlar Amérika xelqining bu dostaniliqini esirlerdin esirlergiche unutmaymiz!



Bu biz uyghurlarning qanche yillardin béri zariqip kütken bir xewirimizidi.Guentanamogha qamalghan 22 qérindishimizning ishlirining utuqluq bolishi üchün körsetken barliq semimiyitingizlardin Alla razi bolsun.Amerika heqiqiten biz deslepte oylighandek qanun döliti iken.Uning dölet sistimisi pütün dunyada örnek qilinip, érqiy we kultural qirghinlargha son bérilse ejep emes. Xitaylar axiri mat boldi, ishlar düshmenler kütkendek emes biz arzu qilghandek axirlashti. Dawayimizning qarangghuluq qaplap turghan yollirigha yene bir qétim nur chéchildi.



Ishengüsiz bu xosh xewerdin wetinimizning tagh-deryalirimu shatlinidighan, xelqimiz xushalliqtin qin-qénigha patmay sekrishidighan boldi.



Toye xitaylar toye! Bashqilarning zimini, bayliqlirini, meniwiyitini talan-taraj we xanu weyran qilghanlarning aqiwétining qandaq bolidighanliqini aldirimay bilip qalisen-téxi!



Hörmetlik Rabiye ana eger u 17+5 hemsherimiz bilen uchrushup qalsingizlar biz Yawropadiki Uyghurlardin séghinip salam yollap qoyarsizler. Biz allaning millitimizge ulardek pidakar, shir yürek we wijdanliq perzentlerni téximu köplep bérishi üchün duwa qilip kéliwatimiz we qilimiz.

Alla milyonlighan qiz-yigitlirimizning jümlidin Guentanamo türmisidin azat bolghanlarning weten-millet yolida tartqan japa-musheqetlirining minglap sawabini bersun.Wetinimiz sherqiytürkistanda xitayning qan purap turidighan zindanlirida éghir iskenje astida yashawatqan qehriman perzentlirimizning put-qolidiki koyza kishenlernimu parchaqlap tashlisun, shu künlerni baldurraq xelqimizge nésip qilsun!

Biz Guentanamo Uyghurlirining ishlirinining utuqluq bolghanliqini qizghin tebrikleymiz, ulargha bexit tileymiz we ulargha otluq salimimizni yollaymiz.Xelqimizni bu ghelbisi üchün yene bir qétim qutluqlaymiz!


Xeyir xosh Guentanamo! Yashisun erkinlik! Yashisun öz xelqining erkinliki üchün jénini atighan ezimetler!

Sherqiytürkistan Birliki Teshkilati

07.10.08 Gérmaniye/Frankfurt