Sherqiytürkistan Birliki Teshkilati Xitay tajawuzchilliri teripidin 1949-yili 10-ayda aghduriwétilgen Sherqiytürkistan Jumhuriyitini hatérlesh, bu arqiliq xitay tajawuzchillirigha bolghan öchmenlikimizni, özimizning musteqilliqqa, hörlükke, azatliqqa teshna ikenlikimizni ipadilesh, shundaqla xitaylarning wetinimizde yürgüziwatqan érqiy we kultural qirghinchiliqini erkin dunyagha anglitish meqsidide 2008-yili 10-Ayning 04-küni Frankfurtta Xitay tajawuzchilirigha qarshi namayish oyushturdi.
Buningdin 59 yil awal yeni 1949-yili Xitay tajawuzchilliri her-türlük hile-neyrenglirini ishqa sélip, eziz wetinimiz Uyghuristanni tinch yol bilen bésiwélip, Sherqiytürkistan Jumhuriyitini yoq qilghan idi. Wetinimiz Xitay tajawuzchillirining mustemlikisige aylinip qalghandin kéyin milliy medeniyitimiz chetke qéqildi, tebiy köpüyishimiz tosqunluqqa uchridi, diniy étiqadimiz kemsitildi, maddiy we meniwiy bayliqlirimiz talan-taraj qilindi. Mana yoqarqidek sewepler bilen milliy mewjutluqimiz éghir tehditke uchrap kelmekte.
Sherqiytürkistan Birliki Teshkilati Milliy Jumhuriyitimiz Aghduruwétilgen bu bexitsiz künlerni ehmiyetlik ötküzüsh üchün, Gérmaniyening Frankfurt Sheheride paaliyet ötküzüp, 1949-yildin béri xelqimizning öz wetinide turup, Xitay köchmenlirining derdidin ikkinchi sinip muamilisige uchrawatqanliqini, qul qiliniwatqanliqini, qattiq kemsitiliwatqanliqini erkin dunyagha anglatti.Paaliyet jeryanida eziz wetinimiz Uyghuristanning bügünki échinishliq siyasiy weziyitige ayit Bérishur, Bash maqale, VVD, we Jornallar tarqitilghandin basqa, tarixta sherqiytürkistanda qurulghan döletlerge we bügünki dewirdiki Uyghuristan xelqinining siyasiy teqdirige ayit Gérman tili we Engiliz tilida hazirlanghan ming parchige yéqin matériyal tarqitildi.
Hemmimiz bilginimizdek köz aldimizdiki 2008-yil ichidela xelqimiz pütün Uyghuristanni qaplighan halda Milliy zulumigha qarshi qozghulup, tench we quralliq shekilde heriket élip barghan bolsimu, siyasiy jehettin ijabiy özgürüsh bolush uyaqta tursun, xitaylarning xelqimizge tutqan pozitsiyesi téximu wehshiliship ketti. Xitay tajawuzchillirining dölet térorigha qarshi her türlük shekilde naraziliqini ipadiligen xelqimiz xitay hökümitining „Siyasiy we Ijtimayi Jinayetchi“ dégen ikki lenettekkur wéwiskisi astida qattiq basturishigha uchrap kelgenidi.Paaliyette tarqitilghan matériyallarda Xitay tajawuzchillirining siyasiy, iqtisadiy we ijtimayi heq hoquqliri üchün kürishiwatqan xelqimizni, siyasiy betnamlardin bashqa yene özi zorlap tangghan siyasiy séstima keltürüp chiqiriwatqan her türlük atalmish jinayetler bilen eyiplep xelqimiz üstidin étnik we Kultural qirghin yürgüziwatqanliqigha alahide yer bérilgen bolup, bu yil kirgendin kéyinki Ürümchi, Hoten, Qeshqer, Kuchar, Ghulja we Korla qatarliq rayonlarda yüz bergen weqeler sewebidin xelqimizning kolliktip jazaliniwatqanliqimu nuqtiliq tonushturuldi.
Namayish saet 14:00 de bashlinip 18:00 giche dawamlashti.Namayish Frankfurt Sheherining Hoptiwahe etrapida orunlashturuldi.Bu namayish bashtin axir intayin tertiplik we netijilik boldi.
Sherqiytürkistan Birliki Teshkilati Teshwiqat Merkizi
