Milliy Rehbirimiz Rabiye Qadér Xanim Gérmaniyede „Sherqiy Türkistandiki Insan Heqliri Depsendichiliki We Xitaydiki Olimpiyat“ dégen témida Konferens Berdi

2008-yili 6-Ayning 21-küni Sherqiytürkistan Birliki Teshkilatining organize qilishi bilen Sherqiytürkistan Milliy herkitining lédiri Rabiye Qadér Xanim Gérmaniyening Frankfurt Sheheri we Frankfurt etrapidiki sheherlerdin kelgen 200din artuq Gérman we Türk jamaitige Konferens Berdi.

Konferens zali aldidiki bayraq xadisigha Gérmaniye we Sherqiytürkistannning dölet bayraqliri ésilghan bolup, bu ish Gérmanlar we Türk jamaétining alahide diqqitini tarqan bolsa Uyghurlarni intayin hayajanliq keypiyatqa ége qildi.

Konferenske Dunya Uyghur Qurultiyining muawén reyisi Esqerjan ependi, Dunya Uyghur qurultiyining bash katibi, Yawropa Sherqiytürkistan Birligi Teshkilatining reyisi Dolqun Isa ependi , Dunya Uyghur qurultiyi Fundining reyisi Ablimit Tursun ependi we Gérmaniyening München Sheheridiki Uyghur jamaétining bir qisim wekilliri teklip bilen qatnashqandin bashqa Sherqiytürkistan Birliki teshkilatining barliq ezaliri ishtirak qildi.

Konferenske Dunya Uyghur Qurultiyining muawén reyisi Esqerjan ependi riyasetchilik qildi we Konferensning óchuq ikenlikini élan qildi.

Konferenste Milly herkitimizning lédiri, Dunya Uyghur qurultiyining reyisi Rabiye Qadér Xanim Sherqiytürkistanda xitay tajawuzchilliri élip bériwatqan milliy kemsitish, érqiy hem kultural qirghinchiliq, Xitayda ötküzülüsh aldida turgha Olimpik musabiqisining Uyghur xelqige keltüriwatqan balayi-apetliri we Xitaylarning dölet térorigha ayit notuq sözlidi.

Milliy rehbirimiz Rabiye qadér nutqida yene Uyghur qizliri yoluquwatqan échinishliq teqdir, yash-ösmürler duch kéliwatqan her türlük kirzis, pikir we yighilish ötküzüsh meselisige ayit problemlar, Türmilediki iskenje astida yashawatqan qehriman qiz-yigitlirimizning peryadi, iqtisadiy jehettin namratliq patqiqigha pétip kétiwatqan we talan-tarajgha uchrawatqan weten, maarip, til-yéziq, neshriyat we axbaratchiliqqa ayit échinishliq paajieler qatarliqalrni bayan qildi.

Bolupmu Xitay wetinimiz Sherqiytürkistanda yolgha qoyiwatqan pilanliq, programmiliq we sistémiliq élip bériliwatqan kichikip toy qilish, perzent körüshke yol qoymasliq, buwaqlarni qetliam qilish, anilarni méyip qiliwétish, dadilarni qisirlashturush ishliri tilgha élinghanda, konferens qatnashquchilliri Dunyada mushu künlerde yüz bériwatqan bu qebiy jinayetke nepretle yaghdurdi.

Konferenske qatnashquchillirining ichide oxshimighan metbuat orunliridin kelgen muxbérlar bar bolup, ular özliri qiziqqan meselilerde Rabiye Qadér Xanimdin Uyghurlarning béshigha kéliwatqan bu téragédiylik hadésiler heqqide nurghun suwallarni soridi. Suwallarning Köp qismigha Rabiye Ana özi jawap berdi we bezillirige muawén Reyis Esqerjan jawap berdi.

Konferens axirida Sherqiytürkistan Birliki Teshkilati hazirlighan „Sherqiytürkistan Teslim Bolmaydu!“ dégen témidiki VCD qilip ishlengen Dokumentar filim tamashibinlargha körsütidi.

Konferens axirda Sherqiytürkistan Birliki Teshkilatining reyisi Korash Atahan Qisqiche yépilish nutqi sözlep, Sherqiytürkistanni untup qalmasliqni, Sherqiytürkistan xelqige sayip chiqishni murajet qildi we kelgen méhmanlargha özining teshekkurini bildürdi.

Bu konferens Gérmaniye waqti saet 19:00 larda bashlinip, 21:00 ge qeder dawamlashti we intayin muweppeqiyetlik axirlashti.


Sherqiytürkistan Birliki Teshkilati Teshwiqat Merkizi

21/06/08 Gérmaniye/Frankfurt