Muxbirimiz Erkin Tarim xewiri
2008-06-04
D u q muawin reisi séyit tümtürk ependining teshebbusi bilen türkiyide paaliyet élip bériwatqan sherqiy türkistan ammiwi teshkilatlirining mesulliri 5 - Ayning 30 - Küni sherqiy türkistan wexpide bir arigha keldi.
RFA Photo
Türkiyide paaliyet élip bériwatqan sherqiy türkistan ammiwi teshkilatlirining mesulliri 5 - Ayning 30 - Küni sherqiy türkistan wexpide bir arigha keldi.
Sherqiy türkistan wexpi bashliqi pénsiyige chiqqan général mehmet riza békin, d u q muawin reisi we sherqiy türkistan medeniyet we hemkarliq jemiyiti reisi séyit tümtürk ependi, enqere shöbisining bashliqi hayrullah efendigil ependi, sherqiy türkistan maarip we hemkarliq jemiyiti bashliqi oghuzxan hidayetullah ependi, teklimakan uyghur neshiriyati mesuli jélil turan ependi, sherqiy türkistan yashlar jemiyiti mesuli tibet yüje türk ependi we sherqiy türkistan köchmenler jemiyiti bashliqi exmet türköz qatarliqlar qatnashqan.
Bu yighinda sherqiy türkistan teshkilatliri otturisida saqliniwatqan mesililer we bu mesililerni hel qilishning yolliri heqqide muzakire élip bérilghandin bashqa, buningdin kéyin bu teshkilatlar otturisida qandaq hemkarliq élip bérish heqqidimu muzakire élip bérilghan.
Séyit tümtürk ependi radiomizgha qilghan sözide, d u q ning teshkilatlar rehberliri otturisida élip bérilghan bu xil uchrishishlarni alla burunla bashlatqanliqini, bu xil paaliyetlerning sherqiy türkistan teshkilatliri otturisidiki hemkarliqni kücheytishte intayin ehmiyetlik ikenlikini éytti. Bu yighin heqqide téximu etrapliq melumat élishni xalisingiz, yuqiridiki awaz ulinishidin, muxbirimiz erkin tarimning d u q muawin reisi séyit tümtürk ependi bilen élip barghan söhbitini anglang.
Menbe: http://www.rfa.org/uyghur/xewerler/tepsili_xewer/duq-teshkilatlar-yighini-06052008033332.html/story_main?encoding=latin
